Sections

श्रीदेवींच्या उपस्थितीने ‘देखणा’ झाला सोहळा!

सकाळ वृत्तसेवा |   सोमवार, 26 फेब्रुवारी 2018
फ्लॅशबॅक - काटोलमध्ये चौदा वर्षांपूर्वी झालेल्या बक्षीस वितरण सोहळ्यात माजी मंत्री अनिल देशमुख यांच्यासह अभिनेत्री श्रीदेवी.

नागपूर - चार दशके भारतीय चित्रपट रसिकांच्या मनावर अधिराज्य गाजविणारी बॉलीवूडची ‘चांदनी’ अर्थात श्रीदेवी यांनी आज अचानक एक्‍झिट घेतली. केवळ भारतातच नव्हे, तर भारताबाहेरील असंख्य चाहते हळहळ व्यक्त करीत असताना काटोल येथील कार्यक्रमाच्या आठवणीही ताज्या झाल्या. चौदा वर्षांपूर्वी खास महिला खो-खोपटूंचा गौरव करण्यासाठी त्या काटोल येथे आल्या होत्या. त्यांच्या उपस्थितीने ‘देखणा’ झालेला हा सोहळा आजही सर्वांच्या स्मरणात आहे.

नागपूर - चार दशके भारतीय चित्रपट रसिकांच्या मनावर अधिराज्य गाजविणारी बॉलीवूडची ‘चांदनी’ अर्थात श्रीदेवी यांनी आज अचानक एक्‍झिट घेतली. केवळ भारतातच नव्हे, तर भारताबाहेरील असंख्य चाहते हळहळ व्यक्त करीत असताना काटोल येथील कार्यक्रमाच्या आठवणीही ताज्या झाल्या. चौदा वर्षांपूर्वी खास महिला खो-खोपटूंचा गौरव करण्यासाठी त्या काटोल येथे आल्या होत्या. त्यांच्या उपस्थितीने ‘देखणा’ झालेला हा सोहळा आजही सर्वांच्या स्मरणात आहे.

काटोलमध्ये २००४ मध्ये विदर्भ युथचे अध्यक्ष अनुप खराडे यांनी महिलांची अखिल भारतीय खो-खो स्पर्धा आयोजित केली होती. महाराष्ट्राचे माजी मंत्री अनिल देशमुख यांचा मतदारसंघ असलेल्या काटोलमध्ये ही स्पर्धा होत असल्याने पुरस्कार वितरण सोहळ्याला महिला सेलिब्रिटीला आमंत्रित करण्याचाच त्यांनी विचार केला. ‘मुंबईला एका कार्यक्रमात भेट झाल्यावर मी श्रीदेवींना काटोलला येण्याची विनंती केली. महिलांच्या खो-खो स्पर्धा असल्यामुळे त्यांनाही कौतुक वाटले आणि लगेच होकार दिला.

त्यांच्या उपस्थितीने आयोजक आणि खेळाडूंचाही उत्साह वाढला होता,’ अशी आठवण माजी मंत्री अनिल देशमुख यांनी ‘सकाळ’ला सांगितली. १९९७ ते २००४ या कालावधीत त्यांनी फारसे चित्रपट केलेले नसले तरी रसिकांच्या मनावरील त्यांच्या अभिनयाचे गारूड कायम होते. त्यामुळेच काटोलमधील चाहत्यांनी अतिशय जल्लोषात स्वागत केले होते. मुंबईपासून साडेआठशे किलोमीटर लांब एका तालुक्‍याच्या ठिकाणी चाहत्यांचे आपल्यासाठी असलेले प्रेम बघून श्रीदेवीही भारवल्या होत्या, अशी आठवण विदर्भ युथचे अनुप खराडे सांगतात. बक्षीस वितरण सोहळ्यात भाषण करताना श्रीदेवी यांनी अनिल देशमुख यांच्या ‘हिरो’ पर्सनॅलिटीचे कौतुक करताना ‘आप गलतीसे पॉलिटिक्‍स में गये, आप को तो हमारे फिल्ड में होना था’ असा डायलॉगही मारला होता.

मराठीत काम करण्याची इच्छा या कार्यक्रमानंतर श्रीदेवी यांनी काटोल व नागपुरातील पत्रकारांशी संवाद साधला होता. मराठी चित्रपटात काम करण्याची इच्छा आहे का, असा प्रश्‍न त्यांना विचारण्यात आला. श्रीदेवी यांनी, ‘मराठीत काम करण्याची खूप इच्छा आहे. योग्य संधी मिळाल्यास नक्कीच काम करायला आवडेल’, अशी प्रतिक्रिया दिली होती. त्यानंतर मराठी चित्रपटांमध्ये तर त्यांना कामाची संधी मिळाली नाही; पण काही वर्षांपूर्वी ‘इंग्लिश विंग्लिश’ चित्रपटात मराठमोळ्या आईची भूमिका साकारून त्यांनी आपली इच्छा पूर्ण करून घेतली.

Web Title: marathi news nagpur news sridevi kho kho competition event

टॅग्स

संबंधित बातम्या

दुष्काळाचा कृती कार्यक्रम हाती घ्या; शरद पवारांचे मुख्यमंत्र्यांना पत्र

मुंबई : राज्यात निर्माण झालेल्या दुष्काळाचे गांभीर्य लक्षात घेऊन राज्य सरकारने निश्‍चित कृती कार्यक्रम हाती घ्यावा आणि वेळीच पावले उचलून जनतेला...

#PmcIssues 'स्मार्ट' पुण्याची टॉयलेट्‌स मात्र 'वर्स्ट' ! 

पुणे : तुटलेले दरवाजे, पाण्याचा अभाव, खिडक्‍यांच्या फुटलेल्या काचा, नळच गायब... जागोजागी कचरा..... हे आहे चित्र शहरातील महिलांच्या सार्वजनिक...

amol udgirkar
बायो'पीक' (अमोल उदगीरकर)

दिवाळीमध्ये प्रदर्शित झालेल्या "आणि डॉ. काशिनाथ घाणेकर' या चित्रपटानं "ठग्ज ऑफ हिंदुस्थान' या चित्रपटाला जोरदार टक्कर दिली आणि रसिकांची दाद मिळवली....

काँग्रेसचा सर्व लोकसभा मतदारसंघांचा आढावा

मुंबई : आगामी लोकसभा निवडणुकांमध्ये कॉंग्रेस, राष्ट्रवादी आघाडीनेच लढणार असल्याचे निश्‍चित झालेले असले तरी कॉंग्रेसने राज्यातील सर्वच्या सर्व 48...

sundeep waslekar
हवी विवाद-निराकरण यंत्रणा (संदीप वासलेकर)

विवादांना सकारात्मक वळण लागावं म्हणून प्रयत्न करून काही नवीन प्रक्रिया अमलात आणाव्या लागतात. गरज पडल्यास यंत्रणाही निर्माण कराव्या लागतात. भारतात...

sandeep kale
हसलेली झेंडूची फुले... (संदीप काळे)

आपल्या दोन विद्यार्थ्यांच्या तोंडून एका शिक्षकानं एक व्यथा ऐकली...झेंडूच्या फुलांची आणि त्यांच्या विक्रीविषयीची व्यथा...या व्यथेनं त्या शिक्षकाला...