Sections

गोदावरी गौरव'द्वारे आज कृतज्ञतेचा नमस्कार 

सकाळ वृत्तसेवा |   शुक्रवार, 9 मार्च 2018
residentional photo

नाशिकः कुसुमाग्रज प्रतिष्ठानतर्फे दर दोन वर्षांनी देण्यात येणाऱ्या गोदावरी गौरव पुरस्काराचे वितरण शनिवारी (ता. 10) सायंकाळी सहाला रावसाहेब थोरात सभागृह, गंगापूर रोड येथे होणार आहे. प्रतिष्ठानचे अध्यक्ष मधू मंगेश कर्णिक यांच्या हस्ते या पुरस्कारांचे वितरण होईल. 

नाशिकः कुसुमाग्रज प्रतिष्ठानतर्फे दर दोन वर्षांनी देण्यात येणाऱ्या गोदावरी गौरव पुरस्काराचे वितरण शनिवारी (ता. 10) सायंकाळी सहाला रावसाहेब थोरात सभागृह, गंगापूर रोड येथे होणार आहे. प्रतिष्ठानचे अध्यक्ष मधू मंगेश कर्णिक यांच्या हस्ते या पुरस्कारांचे वितरण होईल.  गोदावरी गौरव म्हणजे विशिष्ट क्षेत्रात असामान्य कामगिरी करून समाजाचे सांस्कृतिक जीवन संपन्न करणाऱ्या व्यक्तींना या पुरस्काराने गौरविण्यात येते. या पुरस्कारासाठी लोकसेवा, ज्ञान, शिल्प, संगीत, चित्रपट-नाट्य, तसेच साहस अशा सहा क्षेत्रांतील मान्यवरांना यंदाचा गोदावरी गौरव पुरस्कार देण्यात येणार आहे. 21 हजार रुपये, सन्मानचिन्ह व मानपत्र, असे या पुरस्काराचे स्वरूप आहे.  पुरस्कारार्थींमध्ये मेळघाटमध्ये समाजसेवा करणारे डॉ. रवींद्र व डॉ. स्मिता कोल्हे (लोकसेवा), मुंबई विद्यापीठाच्या माजी कुलगुरू डॉ. स्नेहलता देशमुख (ज्ञान), ज्येष्ठ चित्रकार सुभाष अवचट (चित्र-शिल्प), पं. सत्यशील देशपांडे (संगीत), ज्येष्ठ अभिनेते अमोल पालेकर (चित्रपट-नाट्य), मुंबईच्या कमला मिलमध्ये लागलेल्या आगीतून नागरिकांना वाचविणारे सुदर्शन शिंदे, महेश साबळे (साहस) यांचा समावेश आहे. जास्तीत जास्त नाशिककरांनी या सोहळ्यास उपस्थित राहावे, असे आवाहन कुसुमाग्रज प्रतिष्ठानतर्फे करण्यात आले.  आतापर्यंत 13 पुरस्कार सोहळे  कविवर्य कुसुमाग्रजांच्या संकल्पनेतून 1992 पासून दर दोन वर्षांनी गोदावरी गौरव हे राष्ट्रीय पातळीवरील पुरस्कार दिले जातात. या पुरस्कारांना तात्यासाहेब "कृतज्ञतेचा नमस्कार' असे संबोधत असत. पहिल्या वर्षी ज्येष्ठ अभिनेते अशोक कुमार, क्रीडापटू विजय हजारे, गंगूबाई हनगल, ज्येष्ठ शास्त्रज्ञ वसंत गोवारीकर, ज्येष्ठ समाजसेवक डॉ. प्रकाश आमटे यांना गौरविण्यात आले होते. 1992 पासून आतापर्यंत 13 पुरस्कार सोहळे नाशिकला झाले आहेत. यात लोकसेवा, ज्ञान, चित्र-शिल्प, संगीत क्षेत्रातील 76 मान्यवरांना आतापर्यंत गौरविले आहे.   

Web Title: marathi news godavari gaurav

टॅग्स

संबंधित बातम्या

‘पिफ’च्या समारोपात ‘चुंबक’चा गौरव

पुणे - पुणे फिल्म फाउंडेशन आणि महाराष्ट्र शासन आयोजित १७ व्या पुणे आंतरराष्ट्रीय चित्रपट महोत्सवाची आज सांगता झाली. या वेळी ‘पिफ’च्या या...

File photo
दीक्षान्त सोहळ्यातील 275 पदके घटली

नागपूर : राष्ट्रसंत तुकडोजी महाराज नागपूर विद्यापीठाद्वारे दीक्षान्त समारंभात पदक, पारितोषिकांसाठी वाढीव रक्‍कम देण्याचे आवाहन करण्यात आले होते....

वयाच्या विशीतच जग जिंकणाऱ्या तरुणाईसाठी मतदान

मुंबई : देशातील तरुणाईचा सर्वांत प्राधान्यक्रम असलेली बँक अशी ओळख निर्माण करण्याचे लक्ष्य ठेवत स्टेट बँक ऑफ इंडियाने 'योनो 20 अंडर 20' या...

18 भावी जिल्हाधिकाऱ्यांनी घेतले एम डी सिंहकडून धडे; बीड आणले होते देशात पहिले

बीड: ऊसतोड मजूरांचा जिल्हा, कायम दुष्काळी, टंचाई अशी ओळख पुसून जिल्ह्याने राज्यातच नव्हे तर देशात प्रधानमंत्री पिकविमा योजनेत अव्वल येण्याचा मान...

प्र. ना. परांजपे यांच्या पत्नीचे नागपुरात निधन

नागपूर : ज्येष्ठ भाषा अभ्यासक प्र. ना. परांजपे यांच्या पत्नी वसुधा परांजपे (७६) यांचे मंगळवारी (ता.१५) नागपुरात ह्रदयविकाराच्या तीव्र धक्क्याने निधन...

संभाजी ब्रिगेडकडून आदर्श मातांचा गौरव

पुणे -  राजमाता जिजाऊ यांच्या जयंतीनिमित्त समाजामध्ये आदर्श निर्माण करणाऱ्या दहा मातांना संभाजी ब्रिगेडतर्फे आदर्श माता पुरस्काराने लाल...