Sections

न गोठणारी इच्छाशक्ती

संजय जाधव   |   सोमवार, 19 मार्च 2018
Pune Edition Pune Editorial Nammudra Article by Sanjay Jadhav

जगातील सर्वांत निर्जन स्थळी तिच्या सोबतीला होते अनोळखी 22 पुरुष. ही महिला म्हणजे मंगला मणी. अंटार्क्‍टिकावर वर्षभरापेक्षा अधिक वास्तव करणाऱ्या "इस्रो'च्या त्या पहिल्या महिला संशोधक ठरल्या आहेत. कायम नवीन काही तरी शोधण्याची धडपड आणि जिद्द हे मंगला मणी यांचे वैशिष्ट्य.

हाडे गोठविणारी थंडी आणि क्षितिजापर्यंत पसरलेला बर्फ अशा वातावरणात वर्षभरापेक्षा अधिक काळ राहणे आव्हानात्मकच. यातही आयुष्यात कधीही बर्फवृष्टी न पाहिलेली एक 56 वर्षीय संशोधक महिला अशा ठिकाणी तब्बल 403 दिवस राहिली. जगातील सर्वांत निर्जन स्थळी तिच्या सोबतीला होते अनोळखी 22 पुरुष. ही महिला म्हणजे मंगला मणी. अंटार्क्‍टिकावर वर्षभरापेक्षा अधिक वास्तव करणाऱ्या "इस्रो'च्या त्या पहिल्या महिला संशोधक ठरल्या आहेत. कायम नवीन काही तरी शोधण्याची धडपड आणि जिद्द हे मंगला मणी यांचे वैशिष्ट्य. 

"इस्रो'च्या 23 संशोधकांच्या पथकामध्ये त्यांचा समावेश होता. अंटार्क्‍टिकावरील भारती या संशोधन केंद्रात हे पथक नोव्हेंबर 2016पासून वास्तव्यास होते. गेल्या वर्षी डिसेंबरात मोहीम पूर्ण झाली. या पथकाकडे उपग्रहांद्वारे मिळणारी माहिती संकलित करण्याचे काम होते. आपल्या येथून उपग्रहाच्या केवळ तीन ते चार कक्षा दिसू शकतात. अंटार्क्‍टिकावरून मात्र 14 कक्षा दिसतात. तेथील केंद्रात उपग्रहाद्वारे मिळालेली प्रचंड प्रमाणात माहिती जमा केली जाते आणि ती दळणवळण उपग्रहाद्वारे हैदराबाद येथील केंद्राला पाठविली जाते.  मंगला या केवळ भारती केंद्रातच नव्हे, तर त्या परिसरात असलेल्या एकट्याच महिला होत्या. अशी निवड होणे हे यश साधेसुधे नाही. अत्यंत कठोर अशा शारीरिक, बौद्धिक चाचण्यानंतरच मोहिमेसाठी निवड होते. या चाचण्यांना त्या पुरेपूर उतरल्या. जड बॅकपॅक वाहून नेत गिर्यारोहण करणे यासारख्या दमसास आणि तंदुरुस्तीचा कस पाहणाऱ्या चाचण्या त्यांनी पार केल्या. 

तरीही पुरुषांच्या शक्तीच्या तुलनेत स्त्रियांची शारीरिक शक्ती कमी असते, असे त्या नमूद करतात. पण त्यांचा पुढचा मुद्दा महत्त्वाचा आहे. महिला या भावनिकदृष्ट्या सक्षम असतात. या सामर्थ्याच्या जोरावर त्या अगदी अवघड वाटणारे यशही संपादू शकतात, असे मंगलाताईंना वाटते. त्यांनी ते स्वतःच्या उदाहरणावरून सिद्धही केले. प्रत्येक महिलेने स्वत:वर विश्‍वास ठेवावा आणि कायम आपल्यात असलेल्या चांगल्या गुणांना वाव द्यावा, हे त्यांचे सांगणे त्यामुळेच अनेक महिलांसाठी प्रेरणादायी आहे. 

Web Title: Marathi News Pune Edition Pune Editorial Nammudra Article by Sanjay Jadhav

टॅग्स

संबंधित बातम्या

live photo
मनपा बालवाडी सेविकांवर प्राणघातक हल्ल्याचा प्रयत्न 

जळगाव ः शहरात महापालिकेतर्फे रूबेला निर्मूलन राष्ट्रीय कार्यक्रमांतर्गत लसीकरण मोहीम सुरू आहे. त्यानुसार शिवाजीनगर परिसरातील गेंदालाल मिलमध्ये...

अमरावती ः संघाच्या शिबिरस्थळाच्या प्रवेशद्वारावर अंबा व एकवीरा मातेची मूर्ती लावण्यात आल्या आहेत.
स्त्रीचा सन्मान करणारे देश प्रगतिपथावर

अमरावती : समाज घडविण्याची ताकद स्त्रियांमध्येच आहे. ज्या देशांनी स्त्रीचा सन्मान केला ते देश जगात प्रगतिपथावर आहेत, असे प्रतिपादन सामाजिक...

नागपूर : जप्त मद्यसाठा आणि महिला तस्करांसह कारवाई करणारे रेल्वे सुरक्षा दलाचे पथक.
साडीत बाटल्या लपवून मद्यतस्करी

नागपूर : रेल्वे सुरक्षा दलाच्या नागपूर स्थानकावरील पथकाने मद्यतस्करांना जेरीस आणले आहे. वेगवेगळ्या शक्कल लढवूनही मद्यसाठा पकडला जात आहे. साडीखालील...

The unfortunate decision to ban dance bars: Chitra Wagh
डान्सबारवरील बंदी उठवणे हा दुर्भाग्यपूर्ण निर्णय : चित्रा वाघ

मुंबई : राज्य सरकारने डान्स बारबाबत घातलेले अनेक नियम आज (गुरुवार) सर्वोच्च न्यायालयाने रद्द केले. तसेच राज्यातील डान्सबार पुन्हा सुरु करण्यास...

Dance Bar
'त्या'पेक्षा डान्स बार केव्हाही चांगला: वर्षा काळे

मुंबईः महाराष्ट्र सरकारने डान्स बारबाबत घातलेले अनेक नियम रद्द करत सर्वोच्च न्यायालयाने आज (गुरुवार) राज्यातील पुन्हा डान्सबार सुरु करण्यास परवानगी...

Pune Prostitution
पुण्यातील बुधवार पेठेत पोलिसांनी तपासली महिलांची ओळखपत्रे

पुणे - बुधवार पेठेतील वेश्‍यावस्तीमध्ये बेकायदेशीर राहणाऱ्या बांगलादेशी महिला आणि अल्पवयीन मुलींचा शोध घेण्यासाठी फरासखाना पोलिसांकडून बुधवारी...