Sections

हॉकिंग! (ढिंग टांग)

ब्रिटिश नंदी |   शुक्रवार, 16 मार्च 2018
dhing tang

काळोखाला नसते उत्तर
उजेड करतो सवाल तेव्हा
अज्ञानाच्या विवरालाही
लवलव सहस्र जिव्हा

ॐकाराच्या मूळारंभी
नव्हते येथे सत-असतही
आकाशाची नव्हती चाहूल,
अंकुरले नच अंतरिक्षही

येथे नव्हते काहीच आणिक
तेथेही नव्हतेच काहीही
असण्या-नसण्याच्या व्योमातच
स्फुटल्या होत्या दिशा दहाही

कोण असावे साऱ्या मागे?
कोण असे तो, जो विश्‍वंभर?
कुणी रुजविले आदिबीज अन्‌
कुणी रचियले हे अवडंबर?

कोठे लपले होते इतुके
असण्याच्याही आधी सारे?
नसण्याच्याही आधी होते
जळस्थळ किंवा चांद सितारे?

काळोखाला नसते उत्तर उजेड करतो सवाल तेव्हा अज्ञानाच्या विवरालाही लवलव सहस्र जिव्हा

ॐकाराच्या मूळारंभी नव्हते येथे सत-असतही आकाशाची नव्हती चाहूल, अंकुरले नच अंतरिक्षही

येथे नव्हते काहीच आणिक तेथेही नव्हतेच काहीही असण्या-नसण्याच्या व्योमातच स्फुटल्या होत्या दिशा दहाही

कोण असावे साऱ्या मागे? कोण असे तो, जो विश्‍वंभर? कुणी रुजविले आदिबीज अन्‌ कुणी रचियले हे अवडंबर?

कोठे लपले होते इतुके असण्याच्याही आधी सारे? नसण्याच्याही आधी होते जळस्थळ किंवा चांद सितारे?

खरेच का तो कृष्णविधाता हिरण्यगर्भामधुनी उगवला? की हा त्या सद्‌अध्यक्षाचा थातुरमातुर केवळ जुमला?

कूटघनाचे प्रश्‍न मांडती उपनिषदांची दीर्घ मंडले अवकाशाचे लोकन करिती इजिप्तातले त्रिकोण इमले

काळोखाचे शोधत उत्तर युगामागुनी युगे निमाली किती संस्कृत्या, शास्त्रे, वेत्ते नष्ट जहाल्या मातीखाली

तरिही नाही गमले उत्तर नाही कळले येथ प्रयोजन जीवित्वाचे गुह्य न कळले जन्म-मृत्यूचे नकळे सर्जन

अज्ञानाच्या वत्सल मार्गी धार्मिक करिती पवित्र शिंपण ज्ञाताच्या शेतास बांधती कर्मठतेचे कठोर कुंपण

सपाट पृथ्वीभवती फिरतो सहस्त्ररश्‍मी गुलाम तारा तिरक्‍या आसावर ध्रुवाचा तोल ढळावा जगदाकारा

पृथ्वीवरचे कुठले माकड उभे राहिले दोन पदांवर सुदूर तिथल्या अवकाशातच सुरू जाहला त्याचा वावर

शतसूर्याच्या शतमालांतील दुय्यम तिय्यम सौरजनांची प्रियतम प्रेमळ वसुंधरा ही जाग जपतसे अस्तित्वाची...

अनंतातल्या ब्रह्मरुपाने कृष्णवापीतील गुरुत्व प्यावे अज्ञाताच्या ओढीने मग सर्व चराचर मागून धावे

क्षणाक्षणाने पळापळाने घेऊन कळीकाळाला भयाण मरक्‍या भवतालाचे कोडे पडले महाभुताला

काळोखाला नसते उत्तर उजेड करतो सवाल तेव्हा अज्ञानाच्या विवरालाही लवलव सहस्र जिव्हा

नचिकेताचे वस्त्र लेवुनी पहा निघाला कुणी उदासी अतिथी असावा पृथ्वीवरचा अनंतातला खरा प्रवासी !

Web Title: editorial dhing tang british nandi article

टॅग्स

संबंधित बातम्या

muktapeeth
घरचे कार्य! (ढिंग टांग)

गेले दोन-तीन आठवडे आम्हाला महाराष्ट्रातील राजकारणाकडे तितकेसे लक्ष देता आले नाही, ह्याबद्दल दिलगीर आहो. घरात मंगलकार्य निघाल्यामुळे लगीनघाईच्या...

दुष्काळी भागांत चारा छावण्या सुरू करा 

मुंबई - राज्यावर दुष्काळाचे सावट दाटले असताना बॅंकेत भरभक्कम रक्कम असलेल्या धार्मिक संस्थांनी दुष्काळी भागात अन्नछत्रे आणि जनावरांसाठी चारा छावण्या...

Chaturshringi Temple
पाच हजार दिव्यांनी चतु:शृंगी मंदिर तेजोमय

पुणे - विविध रंगांची उधळण करीत विष्णू अवतार, धन्वंतरी त्यासोबतच संपूर्ण मंदिर परिसरात काढलेल्या रांगोळी आणि पाच हजार दिव्यांच्या सोनेरी प्रकाशाने चतु...

Bhaubeej
वेड्या बहिणीची रे वेडी माया..

पुणे - भाऊ-बहिणीच्या अतूट नात्याचा दिवस म्हणजे भाऊबीज. लग्नानंतर संसारात रमले; मात्र दरवर्षी माझ्या भावांना मी भाऊबीजेला आमंत्रित करते. भावाकडून...

आवश्यकता सार्वजनिक सुरक्षा कायद्याची (अतिथी संपादकीय)

महाराष्ट्र व देशातील शांतता बिघडवण्याचे व जनतेत  दहशत निर्माण करण्याचे मनसुबे काही संस्था व व्यक्तींचे असल्याचे आढळते. कोरेगाव भीमा दंगलीनंतर...

dhing tang
दिवाळीच्या शुभेच्छा! (ढिंग टांग)

(आशा, अपेक्षा आणि इच्छा...) स र्वप्रथम आमच्या लाखो लाखो वाचकांना दीपावलीच्या (खऱ्याखऱ्या) शुभेच्छा. औंदा दिवाळीचा माहौल टाइट असून, एकमेकांना...