Sections

पूर्ववैमनस्यातून एकाचा खून केल्याप्रकरणी तिघांना अटक

प्रफुल्ल भंडारी |   शुक्रवार, 4 मे 2018
Three youths arrested for killing one

सुजित टाक व त्याचे साथीदारांनी विनोद याचे दोन्ही हात व पाय दगडाने चेचण्यासह तलवारीने वार करून गंभीररित्या जखमी केले. तर काही माहिलांनी मीना नरवाल हिला मारहाण केली. सदर भांडणे सोडविण्यासाठी आलेल्या काही शेजाऱ्यांनाही मारहाण करण्यात आली.

दौंड (पुणे) : लिंगाळी (ता. दौंड) येथे पूर्ववैमनस्यातून विनोद बाबूलाल नरवाल (वय 42) या व्यक्तीची निर्घृणपणे हत्या केल्याप्रकरणी तीन महिलांसह एकूण 20 जणांविरूध्द गुन्हा दाखल करण्यात आला. पोलिसांनी याप्रकरणी त्यापैकी तिघांना अटक केली आहे. उर्वरित १७ आरोपी फरार असून, त्यामध्ये रेल्वे कर्मचारी, वकील आदींचा समावेश आहे. विनोद नरवाल यास मागील महिन्यात पोलिसांनी प्रतिबंधात्मक उपाय म्हणून दहा दिवसांसाठी दौंड तालुक्यातून हद्दपार केले होते.                     दौंड पोलिस ठाण्याचे अंमलदार बापू रोटे यांनी आज (ता. ४) या बाबत माहिती दिली. दौंड शहराजवळील लिंगाळी ग्रामपंचायत हद्दीतील पासलकर वस्ती येथे गुरूवारी (ता. ३) रात्री हा प्रकार घडला. दौंड न्यायालय इमारतीपासून वळसा घेत संजित टाक याच्या घरोसमोरून विनोद नरवाल हा त्याची पत्नी मीना यांच्यासह दुचाकीवरून जात असताना टाक बंधूंनी पूर्ववैमनस्यातून दोघांना अडवून मारहाण करण्यास सुरवात केली.

सुजित टाक व त्याचे साथीदारांनी विनोद याचे दोन्ही हात व पाय दगडाने चेचण्यासह तलवारीने वार करून गंभीररित्या जखमी केले. तर काही माहिलांनी मीना नरवाल हिला मारहाण केली. सदर भांडणे सोडविण्यासाठी आलेल्या काही शेजाऱ्यांनाही मारहाण करण्यात आली. दरम्यान टाक बंधू व त्यांचे साथीदार निघून गेल्यानंतर जखमी विनोद याला मध्यरात्री दौंड शहरातील एका खासगी रूग्णालयात दाखल करण्यात आले व पुणे येथे पुढील उपचारासाठी नेत असताना त्याचा मृत्यू झाला.

उपजिल्हा रूग्णालयातील वैद्यकीय पथकाने आज (ता. ४) सकाळी त्याचा मृत्यू झाल्याचे जाहीर केले. या खूनप्रकरणी मीना विनोद नरवाल (रा. पासलकर वस्ती, लिंगाळी) यांनी फिर्याद दिली आहे. फिर्यादीनुसार संजित जयप्रकाश टाक, सुजित जयप्रकाश टाक, रवी जयप्रकाश टाक, रणजित जयप्रकाश टाक, आकाश उर्फ छोटू बहोत, आशिष बहोत, नरेश वाल्मिकी, बबलू सारवान, सुरेश सारवान, उषा घंटे, मयुरी संजित टाक, माधुरी सुजित टाक, शोभा किशोर वाल्मिकी, विकी नरेश वाल्मिकी, सौरभ वाल्मिकी आणि इतर पाच जणांविरूध्द खून करणे, दंगल करणे, शस्त्रांचा वापर करणे, आदी प्रकरणी गुन्हे दाखल केले आहेत.   

सदर खूनप्रकरणी संजित जयप्रकाश टाक (वय ३८), रवी जयप्रकाश टाक (वय २७, दोघे रा. पासलकर वस्ती, लिंगाळी) व आकाश दीपक बहोत (वय २८, रा. वाल्मिकीनगर, रेल्वे वसाहत, दौंड) या तिघांना अटक करण्यात आली आहे. पोलिसांनी घटनास्थळावरून दोन तलवारी जप्त केल्या आहेत.    

विनोद नरवाल हा दौंड रेल्वे स्थानकाच्या साफसफाईचे काम कंत्राटी पध्दतीने करीत होता. त्याच्याकडील युवक रेल्वे प्रशासनाच्या संगनमताने दौंड - पुणे, दौंड - सोलापूर, दौंड - नगर दरम्यान धावत्या गाड्यांमध्ये अनधिकृतपणे भेळ व अन्य खाद्यपदार्थांची विक्री करीत होते. सुजित व रवी टाक यांनादेखील मागील महिन्यात पोलिसांनी दहा दिवसांसाठी दौंड तालुक्यातून हद्दपार केले होते.

उप अधीक्षक गणेश मोरे व निरीक्षक भगवान निंबाळकर यांनी घटनास्थळी भेट दिली आहे. सुरक्षेचा उपाय म्हणून गुन्ह्याच्या ठिकाणी व परिसरात दंगल नियंत्रण पथक तैनात करण्यात आले आहे. 

संशयित आरोपी सी. आर. संघटनेचा शहराध्यक्ष

कुख्यात गुंड छोटा राजन (सी. आर.) याचा मामेभाऊ आणि सी. आर. संघटनेचे संस्थापक अॅड. हेमचंद्र मोरे यांच्या सी. आर. सामाजिक संघटनेचा सुजित टाक हा दौंड शहराध्यक्ष होता. मार्च २०१८ मध्ये सुजित टाक याची या पदावर निवड करण्यात आली होती. 

Web Title: Three youths arrested for killing one

टॅग्स

संबंधित बातम्या

world chess championship 2018
जागतिक बुद्धिबळ स्पर्धेत बरोबरींची कोंडी कायम

जागतिक बुद्धिबळ स्पर्धा, लंडन २०१८ नॉर्वेचा तीन वेळा जगज्जेता ठरलेला मॅग्नस कार्लसन आणि अमेरिकेचा आव्हानवीर फॅबियानो कारुआना यांच्यातील जागतिक...

राज्यात प्रथमच पंढरपूरमध्ये तीर्थक्षेत्र पोलिसिंग

पंढरपूर- राज्यात प्रथमच पंढरपुरात कार्तिकी यात्रेच्या निमित्ताने तीर्थक्षेत्र पोलिस हा नवा उपक्रम पोलिसांच्या माध्यमातून आज सुरू करण्यात आला....

urali-kanchan.jpg
उरुळी कांचनमध्ये व्यापाऱ्यांचा कडकडीत बंद

उरुळी कांचन  : उरुळी कांचन (ता. हवेली) येथील वापारीमल सावलदास या कपडयाच्या दुकानावर स्थानिक गुंडांच्याकडुन खंडणीच्या उद्देशाने झालेला गोळीबार व...

mbl-ban
ताडोबा व्याघ्र प्रकल्पात एक डिसेंबरपासून मोबाईल बंदी

चंद्रपूर : सफारीच्यावेळी पर्यटकांना वाघ आणि अन्य वन्यजीवांना भ्रमणध्वनीत आता कैद करता येणार नाही. ताडोबा अंधारी व्याघ्र प्रकल्पाच्या व्यवस्थापनाने...

divyang
दिव्यागांनी मिळवला विकास निधीत वाटा

लातूर : स्थानिक स्वराज्य संस्थांना मिळणाऱ्या विकास निधीपैकी पाच टक्के निधी दिव्यांगांसाठी खर्च करण्याचे सरकारचे आदेश आहे. मात्र, या आदेशाची...

तुर्काबादला किराणा दुकान फोडून 10 हजारांची चोरी

लिंबेजलगाव : तुर्काबाद खराडी (ता.गंगापुर, जि. औरंगाबाद ) येथे चोरट्यांनी किराणा दुकान फोडुन साहित्यासह 10 हजार रुपये चोल्याची घटना शनिवारी (ता.17)...