Sections

शिक्रापुरात बांधकाम साहित्य खरेदीची गुंडांकडून सक्ती

भरत पचंगे |   शनिवार, 17 मार्च 2018
शिक्रापुरात बांधकाम साहित्य खरेदीची गुंडांकडून सक्ती

शिक्रापूर (ता. शिरूर, पुणे) : "माझीच वाळू घ्यायची, माझेच पाणी घ्यायचे, मी सांगेन तेच स्टील वापरायचे आणि मी सांगेन त्याच भावात सर्व बांधकाम मटेरियल खरेदी करायचे,' अशी दादागिरी शिक्रापुरात नवीन बांधकाम करणाऱ्यांवर सुरू आहे. शिक्रापूर पोलिसांकडूनही कोणतीच कारवाई होत नसल्याने त्यांची मुजोरी दिवसेंदिवस वाढत आहे. या प्रकाराने अनेक जण हैराण झाले आहेत.

शिक्रापूर (ता. शिरूर, पुणे) : "माझीच वाळू घ्यायची, माझेच पाणी घ्यायचे, मी सांगेन तेच स्टील वापरायचे आणि मी सांगेन त्याच भावात सर्व बांधकाम मटेरियल खरेदी करायचे,' अशी दादागिरी शिक्रापुरात नवीन बांधकाम करणाऱ्यांवर सुरू आहे. शिक्रापूर पोलिसांकडूनही कोणतीच कारवाई होत नसल्याने त्यांची मुजोरी दिवसेंदिवस वाढत आहे. या प्रकाराने अनेक जण हैराण झाले आहेत.

शिरूर तालुक्‍यात सर्वांत वेगाने वाढणारे गाव म्हणून शिक्रापूरची ओळख आहे. पाच वर्षांपूर्वी साधारण पंधरा-अठरा हजारांच्या दरम्यान लोकसंख्या असलेल्या या गावात सध्या 30 ते 40 हजारांपर्यंत लोकसंख्या आहे. या ठिकाणी राहायला येणाऱ्यांचे प्रमाण वर्षाकाठी 15 ते 20 टक्के एवढ्या मोठ्या गतीचे आहे. अशा स्थितीत गावकारभाऱ्यांचे स्थानिक राजकारण काहीही असले, तरी त्यांचा उपद्रव बाहेरच्या व्यक्तीला कधीच झाला नाही. मात्र, गेल्या दोन वर्षांपासून शिक्रापुरात नवीन घरे बांधणारांना एका वेगळ्याच धमक्‍यांना सामोरे जावे लागत आहे.

याबाबत सुरवातीला दबक्‍या आवाजात चर्चा होती. मात्र, मागील आठवड्यात एका पत्रकाराच्या नातेवाईकालाच या धमक्‍यांचा सामना करावा लागल्याने हे प्रकरण आता थेट पोलिसांपर्यंत पोचले आहे. मात्र या गुंडांकडून, "तुम्ही कुणालाही सांगा आम्ही घाबरत नाही. पोलिसांना तर आम्ही थेट पैसे देतो, त्यामुळे ते आमचे काहीच बिघडवू शकत नाहीत,' अशी अरेरावी केली जात आहे. धमक्‍यांमुळे अनेक जण भीतीच्या सावटाखाली आहेत. या संपूर्ण प्रकरणात शिक्रापूर पोलिस काय भूमिका घेतात, त्याची उत्सुकता आहे.

कुणीही असूद्या तक्रार द्या, जेरबंद करतो! याबाबत पोलिस निरीक्षक रमेश गलांडे म्हणाले, ""शिक्रापुरात अशी कुठलीच आणि कुणाचीच दहशत सहन केली जाणार नाही. जो कुणी असे प्रकार करतोय त्याच्या नावाने कुणीही थेट तक्रार करावी, त्यावर कारवाई करून त्याला जेरबंद करू. अर्थात तक्रारदाराचे नाव गुप्त ठेवले जाईल आणि या प्रकारात कोणत्या पोलिसांच्या नावाने दादागिरी केली जातेय त्याचाही शोध घेऊन योग्य ती कारवाई केली जाईल.''

Web Title: pune news shirur shikrapur new home material goon police

टॅग्स

संबंधित बातम्या

मुख्यमंत्री, वरिष्ठ अधिकाऱ्यांना बोलवा - ॲड. प्रकाश आंबेडकर

पुणे - कोरेगाव भीमा हिंसाचारप्रकरणी पुणे ग्रामीण पोलिसांनी सर्वोच्च न्यायालयात दिलेले प्रतिज्ञापत्र आणि शहर पोलिसांचा तपास एकमेकांच्या विरुद्ध...

File photo
भारत-ऑस्ट्रेलिया "वनडे' महागणार

भारत-ऑस्ट्रेलिया "वनडे' महागणार नागपूर : राज्य सरकारने विशेष पोलिस बंदोबस्त शुल्कात वाढ केल्यामुळे मार्चमध्ये नागपुरात होणाऱ्या ऑस्ट्रेलिया-भारत...

एक लाख कोटींचा खड्डा 

नाशिक - महाराष्ट्राचे वार्षिक सकल उत्पन्न 28 लाख कोटींचे असून, त्यात शेतीचा बारा टक्के हिस्सा आहे. पण पावसाअभावी खरीप पिकांच्या वाढीवर परिणाम होऊन...

File photo
संमेलन स्मरणिकेवर आदिवासी संस्कृतीचे "गोंदण'

संमेलन स्मरणिकेवर आदिवासी संस्कृतीचे "गोंदण' नागपूर : आदिवासी संस्कृतीचे प्रतीक असलेले "गोंदण' 92व्या अखिल भारतीय मराठी साहित्य संमेलनाच्या...

आलोक नाथ यांची "सिन्टा'तून उचलबांगडी 

मुंबई - दिग्दर्शिका विनिता नंदा यांनी केलेल्या आरोपांची घेत दि सिने ऍण्ड टेलिव्हिजन आर्टिस्ट असोसिएशनने अभिनेते आलोक नाथ यांची संघटनेच्या...

वृद्धाच्या हत्येप्रकरणी कोपरखैरणेत मुलाला अटक 

नवी मुंबई - कोपरखैरणे सेक्‍टर 14 मधील न्यू कृष्णा टॉवरमध्ये राहणाऱ्या विजयकुमार धाहोत्रे (62) या वृद्धाची त्यांचा मुलगा निखिल यानेच हत्या...