Sections

भामा- आसखेडचे काम पंधरा दिवसांत सुरू?

सकाळ वृत्तसेवा |   मंगळवार, 27 मार्च 2018
Devendra Fadnavis

शेतकऱ्यांशी चर्चा केल्यानंतरच काम सुरू केले होते. पण ते बंद केल्याने अडचणी निर्माण झाल्या आहेत. हे काम सुरू करण्यासाठी आधी शेतकऱ्यांची बैठक घ्यावी लागणार आहे. निधी उपलब्ध झाल्याने काम वेगाने करता येणार आहे. मात्र, राज्य सरकारबरोबर बैठक झाल्यानंतर काम हाती घेतले जाईल.
-  व्ही. जी. कुलकर्णी, प्रमुख, पाणीपुरवठा विभाग 

पुणे - शहराच्या पूर्व भागाला पाणीपुरवठा करण्यासाठी आखलेल्या भामा-आसखेड प्रकल्पाकरिता केंद्र आणि राज्य सरकारने निधी दिला मात्र, प्रकल्पग्रस्त शेतकऱ्यांच्या भूमिकेमुळे पुन्हा कामात अडथळे आले असून, त्यावर तोडगा काढण्यासाठी मुख्यमंत्री हस्तक्षेप करणार आहेत. शेतकरी, महापालिका आणि जिल्हा प्रशासन यांची एकत्रित बैठक घेऊन कायमस्वरूपी मार्ग काढण्याच्या दृष्टीने पावले उचलली जाणार आहे. त्यामुळे पुढील पंधरा दिवसांत या प्रकल्पाचे काम पुन्हा सुरू होईल, अशी आशा आहे. 

येथील प्रकल्पग्रस्त शेतकरी आपल्या मागण्यांवर ठाम राहिल्याने सन २०१४ मध्ये सुरू केलेल्या या प्रकल्पाचे काम अद्याप पूर्ण झालेले नाही. त्यातच, केंद्र आणि राज्य सरकारने चौथ्या टप्प्यातील सुमारे ६६ कोटी ५२ लाख रुपयांचा निधी गेल्या आठवड्यात महापालिकेला दिला. त्यामुळे प्रकल्प पूर्ण करण्याच्या उद्देशाने सुरू केलेले जलवाहिनीचे काम शेतकऱ्यांनी रविवारी पुन्हा बंद पाडले. एवढेच नाही तर, शेतकऱ्यांनी आक्रमक भूमिका घेतल्याने काम सुरू करण्यात मोठ्या अडचणी असल्याचे महापालिकेच्या निदर्शनास आले आहे. त्यामुळे हे काम थांबवून आधी शेतकऱ्यांशी चर्चा करण्याचा निर्णय महापालिकेने घेतला आहे. या पार्श्‍वभूमीवर प्रकल्पग्रस्त शेतकऱ्यांच्या मागण्या मार्गी लावण्यासाठी मुख्यमंत्र्यांसमवेत बैठक होईल. त्यानंतरच काम सुरू करण्यात येणार असल्याचे महापालिकेने स्पष्ट केले आहे.  

या आधीही शेतकऱ्यांच्या मागण्यांबाबत मुंबईत बैठक घेऊन तोडगा काढण्यात आला होता. मात्र, पुनर्वसनाबाबत जिल्हा प्रशासनाने मांडलेल्या प्रस्तावावर आक्षेप घेत, शेतकऱ्यांनी कामाला विरोध केला. त्यामुळे काम पूर्णपणे बंद करण्यात आले होते. 

Web Title: pune news bhama-aaskhed work devendra fadnavis

टॅग्स

संबंधित बातम्या

PNE18O75034.jpg
कोंढवे-धावडे बस स्टॅंडचा प्रश्न मार्गी लावा 

पुणे : पुणे महापालिका, स्वारगेट, डेक्कन, मार्केट यार्ड येथून पीएमपीच्या रोज शेकडो बस कोंढवे- धावडे येथे शेवटच्या थांब्याला येतात. पहिल्या या बस नॅशनल...

PNE18O75031.jpg
नदीपात्र बुजवण्याचा प्रयत्न 

पुणे : बाणेर येथे मुळा नदीपात्र बुजवण्याचा प्रयत्न होत आहे. याची दखल महापालिका घेताना दिसत नाही. हा प्रकार असाच चालू राहिला तर एक दिवस या नद्या...

शेतकऱ्यांच्या विम्यावर कंपन्या मालामाल

सोलापूर : मागील दोन वर्षांत राज्यातील 20 लाख 28 हजार शेतकऱ्यांनी रब्बीसाठी पीकविमा भरला. मात्र, त्यापैकी फक्‍त सहा लाख 27 हजार शेतकरीच भरपाईसाठी...

सोलापूर बाजार समितीचा राष्ट्रीय बाजार करण्याच्या हालचाली

सोलापूर : ज्या बाजार समित्यांमध्ये तीन राज्यांतून शेतमालाची आवक 30 टक्के होते त्या बाजार समित्यांचे संचालक मंडळ बरखास्त करून त्यांचा राष्ट्रीय बाजार...

'येत्या 5 वर्षात राज्यात आमचेच सरकार' 

पणजी (गोवा) - राष्ट्रीय स्वयंसेवक संघ केडरचे माजी प्रमुख प्रा. सुभाष वेलिंगकर यांनी आज अधिकृतपणे गाेवा सुरक्षा मंच या पक्षातून राजकारणात प्रवेश केला...

'मुख्यमंत्रीपदाचा चेहरा मीच"

पणजी- मुख्यमंत्रीपदाचा आपण उमेदवार आहे असे सांगून राष्ट्रीय स्वयंसेवक संघाचे माजी प्रांत संघचालक सुभाष वेलिंगकर यांनी राजकीय चर्चेला पूर्णविराम दिला...