Sections

अवैध धंद्यांविरोधातील निगडी पोलिस ठाण्यावर बाटली मोर्चा 

रवींद्र जगधने  |   रविवार, 6 मे 2018
A protest was launched against Nigdi police station against illegal activities

मोर्चा दरम्यान अवैध दारू धंदे बंद करा, हफ्तेवसुली करणाऱ्या पोलिसांवर कारवाई करा, गुन्हेगारी थांबवा अशा प्रकारच्या घोषणा देण्यात आल्या. 

पिंपरी - पिंपरी चिंचवड शहरामधील वाढती गुन्हेगारी व अवैध धंद्यांविरोधात अपना वतन संघटनेचे अध्यक्ष सिद्दीक शेख यांच्या नेतृत्वाखाली अंकुश चौक ते निगडी पोलिस ठाण्यावर 'बाटली मोर्चा' काढण्यात आला. मोर्चा दरम्यान अवैध दारू धंदे बंद करा, हफ्तेवसुली करणाऱ्या पोलिसांवर कारवाई करा, गुन्हेगारी थांबवा अशा प्रकारच्या घोषणा देण्यात आल्या. 

यावेळी संघटनेचे संपर्कप्रमुख हरिश्‍चंद्र तोडकर, महिला शहराध्यक्ष राजश्री शिरवळकर, बेटींना दास, ऍड मेरी रणपिसे, काँग्रेस अल्पसंख्याक शहराध्यक्ष शहाबुद्दीन शेख, भारिपचे आकील सय्यद, संगीता शहा, आरती कोळी, गणेश हिंगडे, हमीद शेख, कुसुम गायकवाड, जयश्री आचार्य, सद्दाम सय्यद, लतीफ सय्यद, अय्याज शेख, अब्दुल शेख, अनिल कारेकर, हाजीमलंग शेख, दिवेश पिंगळे, इर्शाद शेख, विशाल वाघमारे यांसह मोठ्या संख्येने नागरिक सहभागी होते. 

निगडी पोलिस ठाण्यावर मार्चा पोचल्यानंतर याबाबत वरिष्ठ पोलिस निरीक्षक विजय पळसुले यांच्याशी चर्चा करण्यात आली. त्यावेळेस त्यांनी निगडी पोलिस ठाण्याच्या हद्दीतील सर्व अवैध दारू धंदे बंद केल्याचे सांगितले. काही ठिकाणी जर अवैध धंदे निदर्शनास आल्यास पोलिसांना कळवावे, आम्ही तत्काळ कारवाई करू, असे लेखी आश्वासन दिले. मोर्च्याला उद्देशून अपना वतन संघटनेचे अध्यक्ष सिद्दीक शेख म्हणाले, "निगडी पोलिस हद्दीसह संपूर्ण शहरामध्ये प्रचंड मोठ्या प्रमाणावर गुन्हेगारी वाढलेली आहे. सर्वसामान्य जनता प्रचंड दहशतीखाली जगत आहे. तसेच शहरात काही भ्रष्ट पोलिसांच्या आशिर्वादाने अवैध दारू धंदे मोठ्या प्रमाणावर चालू आहेत. अवैध धंदेवाल्याकडून करोडो रुपयाचा हप्ता वसूल केला जात आहे. काही रुपड्यांसाठी काही राजकीय पुढारी व काही भ्रष्ट पोलिस अधिकारी भारत देशाशी गद्दारी करत आहेत.'' 

शेख म्हणाले, "या अवैध धंद्यांपासून महिलांचे संसार उध्वस्त होत आहेत. अनेक तरुण वाममार्गाला जाऊन गुन्हेगारी क्षेत्राकडे वळत आहेत. शहरामध्ये दरवर्षी दोन लाख तरुण दारूच्या आहारी जात आहेत आणि हेच तरुण पुढे जाऊन देशाचा कारभार चालवणार आहेत. परंतु, हे देशाचे भविष्य असलेले तरुण जर गुन्हेगार, भ्रष्ट, बेवडे असतील तर देशाचे भविष्य काय असेल?'' असा प्रश्नही त्यांनी उपस्थित केला. 

Web Title: A protest was launched against Nigdi police station against illegal activities

टॅग्स

संबंधित बातम्या

Police-Bribe
सलग दुसऱ्या दिवशी पोलिस लाचेच्या जाळ्यात

औरंगाबाद - सातारा पोलिस ठाण्याचा सहायक फौजदार लाचेच्या सापळ्यात अडकल्यानंतर सिटी चौक ठाण्याच्या पोलिस नाईकाला अडीच हजारांची लाच घेताना पकडले. वाळू...

Harsul-Jail
कैदी महिलांचे हात, बनवू लागले लॉक!

औरंगाबाद - हर्सूल कारागृहात शिक्षा भोगणाऱ्या पंधरा महिलांनी महिन्याकाठी तब्बल दोन लाख दुचाकी लॉक असेंब्ली तयार करण्याची किमया साधली आहे. अवघ्या ५००...

औरंगाबाद - शहर पोलिस, धवल क्रांती, महापालिकेतर्फे राबविण्यात येत असलेल्या उपक्रमात प्रशिक्षण घेणाऱ्या तरुणांसोबत चिरंजीव प्रसाद, इतर अधिकारी.
प्रयत्नांतून परिवर्तनाकडे

औरंगाबाद - प्रयत्नांची पराकाष्ठा केली तर परिवर्तन नक्कीच घडते. असाच परिवर्तनाचा ध्यास पोलिस आयुक्त, सामाजिक संस्थेने घेतला. केंद्राच्या कौशल्य विकास...

Farmer-Suicide
मराठवाड्यात चार शेतकरी आत्महत्या 

औरंगाबाद - यंदाच्या दुष्काळी परिस्थितीमुळे मराठवाड्यात शेतकरी आत्महत्येचा प्रश्‍न दिवसेंदिवस गंभीर होत आहे. नापिकी आणि कर्जाला कंटाळून चार...

राहुरीमध्ये वाहनाच्या धडकेने बिबट्या ठार

राहुरी - राहुरी येथे काल (मंगळवारी) रात्री दहा वाजता, नगर-मनमाड महामार्ग ओलांडताना एक ते दीड वर्षाच्या नर बिबट्याला अज्ञात वाहनाने जोरदार धडक...

police
अल्पसंख्याक उमेदवारांसाठी पोलिस भरती पूर्व परीक्षा प्रशिक्षण

नांदेड : पोलिस शिपाई भरती पूर्व परीक्षा प्रशिक्षण योजनेंतर्गत" राज्यातील अल्पसंख्याक समाजातील इच्छुक उमेदवारांना शासनामार्फत विनामुल्य पोलिस शिपाई...