Sections

पाचशे वृक्षांची कत्तल

सकाळ वृत्तसेवा |   शुक्रवार, 16 मार्च 2018
Tree-Cutting

वडगाव शेरी - नगर रस्ता परिसराचे भूषण असणाऱ्या डॉ. सालीम अली अभयारण्यातील जी जागा विकास आराखड्यानुसार निवासी करण्यात आली, त्याच जागेवरील सुमारे पाचशे झाडांची कत्तल करण्यात आल्याचे समोर आले आहे. नऊ महिन्यांपूर्वी पालिकेने केलेल्या वृक्षगणनेत या जागेवर पाचशे ब्याण्णव झाडे असल्याची नोंद असून, सध्या मात्र त्याच जागेवर फक्त पंचवीस झाडे शिल्लक आहेत.    

वडगाव शेरी - नगर रस्ता परिसराचे भूषण असणाऱ्या डॉ. सालीम अली अभयारण्यातील जी जागा विकास आराखड्यानुसार निवासी करण्यात आली, त्याच जागेवरील सुमारे पाचशे झाडांची कत्तल करण्यात आल्याचे समोर आले आहे. नऊ महिन्यांपूर्वी पालिकेने केलेल्या वृक्षगणनेत या जागेवर पाचशे ब्याण्णव झाडे असल्याची नोंद असून, सध्या मात्र त्याच जागेवर फक्त पंचवीस झाडे शिल्लक आहेत.    

कारवाईची मागणी पुणे महानगरपालिकेच्या वृक्ष प्राधिकरण समितीचे सदस्य मनोज पाचपुते व धनंजय जाधव यांनी हा प्रकार उघडकीस आणला असून, संबंधितांवर कारवाई करण्याची मागणी त्यांनी वृक्ष प्राधिकरण विभागाचे सदस्य सचिव दयानंद घाडगे यांच्याकडे केली आहे. नगर रोड भागातील कल्याणी नगर येथील नदीपात्रालगत हरित पट्ट्याचे आरक्षण होते. परंतु विकास आराखड्यात ते बदलून त्यातील काही जागा निवासी करण्यात आली. हा संपूर्ण हरितपट्टा नदीपात्रालगत असल्याने येथे भरपूर  झाडे आहेत. परंतु ज्या भूखंडावरील आरक्षण बदलण्यात आले त्या जागेवरील सुमारे पाचशे वृक्षांची बेकायदेशीर कत्तल झाली आहे.

अहवालात नोंद वृक्षतोड झाल्याचे समोर आल्यानंतर घाडगे यांनी वृक्षगणनेचे काम दिलेल्या सार आयटी रिसोर्सेस प्रा. लि. या कंपनीकडून संबंधित जागेवर केलेल्या वृक्षगणनेची माहिती मागवली होती. त्यानुसार या जागेवर नऊ महिन्यांपूर्वी वृक्षगणना केल्याचे नमूद करून संबंधित जागेवर एकूण पाचशे ब्याण्णव झाडे होती, असे कंपनीने आपल्या अहवालात नमूद केले आहे. याविषयी पाचपुते व जाधव म्हणाले, की नदीपात्रालगतची जागा निवासी केल्याने पर्यावरणाचे नुकसान झाले. त्याही पुढे जाऊन वृक्षातोडीसाठी कोणतीही परवानगी घेण्यात आली नाही. या भागातील वृक्षगणना यापूर्वीच झाली असल्याने बेकायदा वृक्षतोडीचा प्रकार समोर आला.

अद्याप माझ्याकडे अशी वृक्षतोड झाल्याबाबत कोणतीही तक्रार आलेली नाही. संबंधित विभागाच्या उद्यान पर्यवेक्षकाला जागेवर पाठवून माहिती घेतली जाईल.  - वसंत पाटील, वृक्ष अधिकारी, नगर रस्ता

माझ्याकडे प्रशासकीय जबाबदारी आहे. जागेवर वृक्षतोड झाली का, याची माहिती तेथील वृक्षअधिकारी वसंत पाटीलच देऊ शकतील.   -  दयानंद घाडगे, सचिव, वृक्ष प्राधिकरण

Web Title: marathi news vadgaon sheri news 500 tree cutting

टॅग्स

संबंधित बातम्या

पर्यावरण दाखला स्थानिक संस्थांकडेच

पुणे - वीस हजार ते पन्नास हजार चौरस मीटरपर्यंतच्या निवासी गृहप्रकल्पांना काही अटींवर पर्यावरण दाखला देण्याची जबाबदारी पुन्हा एकदा केंद्र...

मार्केट यार्डमध्ये ड्राय फ्रूट व्यापाऱ्याला लुबाडले

पुणे - दुचाकीवर आलेल्या चोरट्यांनी मार्केट यार्ड येथील एका ड्राय फ्रूट व्यापाऱ्याची रोकड लुटल्याची घटना गुरुवारी रात्री सव्वाआठच्या सुमारास घडली...

ऑपरेशन ऑलआऊट मध्ये तीघांना अटक

लातूर : शहरात गुरुवारी रात्री राबवण्यात आलेल्या ऑलआऊट ऑपरेशन व नाकाबंदीमध्ये तीन तरुणांना अटक करण्यात आली आहे. त्यांच्याकडून दोन गावठी बनावटीचे...

pune-herritage-walk.jpg
"हेरिटेज वॉक' चालू आहे की बंद

पुणे : महापालिकेच्या उद्यानांपैकी एक चंद्रमौळीश्‍वर मंदिराजवळील राम मनोहर लोहिया उद्यान. छोटंस, आटोपशीर, चांगली देखभाल असलेलं हे उद्यान. या...

nashik
विंचूर - प्रकाशा राज्य महामार्ग मृत्युचा सापळा

सटाणा : शहरातून जाणाऱ्या विंचूर - प्रकाशा राज्य महामार्गाच्या दुतर्फा दिवसेंदिवस वाढत असलेले अतिक्रमण, अवजड व बेशिस्त वाहतूकीस वळण लावण्यास...

jaiswal
छावणी उपाध्यक्षपदी पद्मश्री जैस्वाल बिनविरोध

औरंगाबाद : छावणी परिषदेच्या उपाध्यक्षपदी शिवसेनेच्या पद्मश्री अनील जैस्वाल यांची बिनविरोध निवड करण्यात आली.  छावणी परिषदेच्या उपाध्यक्षपदाचा...