Sections

महापालिकेमुळेच रखडले धावपट्टीचे विस्तारीकरण 

सकाळ वृत्तसेवा |   मंगळवार, 27 फेब्रुवारी 2018
pmc

पुणे - लोहगाव विमानतळ धावपट्टीच्या विस्तारीकरणाचे काम हवाई दलामुळे नव्हे, तर महापालिकेच्या दिरंगाईमुळे रखडल्याचे स्पष्ट झाले आहे. त्यामुळे यात तातडीने लक्ष घालून विमान प्रवाशांची गैरसोय दूर करावी, असे आवाहन हवाई वाहतूक विश्‍लेषक धैर्यशील वंडेकर यांनी निवेदनाद्वारे पालकमंत्री गिरीश बापट यांना सोमवारी केले. 

पुणे - लोहगाव विमानतळ धावपट्टीच्या विस्तारीकरणाचे काम हवाई दलामुळे नव्हे, तर महापालिकेच्या दिरंगाईमुळे रखडल्याचे स्पष्ट झाले आहे. त्यामुळे यात तातडीने लक्ष घालून विमान प्रवाशांची गैरसोय दूर करावी, असे आवाहन हवाई वाहतूक विश्‍लेषक धैर्यशील वंडेकर यांनी निवेदनाद्वारे पालकमंत्री गिरीश बापट यांना सोमवारी केले. 

लोहगाव विमानतळाच्या धावपट्टीचे विस्तारीकरण गेल्या दहा वर्षांपासून रखडले आहे. परिणामी आंतरराष्ट्रीय तसेच लांब पल्ल्याच्या विमानांचे उड्डाण होण्यावर मर्यादा आल्या आहेत. धावपट्टीचे विस्तारीकरण तातडीने करण्याची मागणी अनेक विमान कंपन्यांनी वारंवार केली असून, याला हवाई दलानेही अनुकूल प्रतिसाद दिला आहे. 

पुणे विमानतळ सल्लागार समितीमध्ये केंद्रीय हवाई वाहतूक मंत्री आणि पालकमंत्री यांनाही समाविष्ट करावे, त्यामुळे निर्णय प्रक्रिया वेगाने पार पडू शकते, असेही त्यात म्हटले आहे. पुणे विमानतळावरून दररोज 160 विमानांचे उड्डाण होते आणि सुमारे 20 हजारांहून अधिक प्रवाशांची वाहतूक होते. धावपट्टीचे विस्तारीकरण झाल्यास ही संख्या वाढण्याची दाट शक्‍यता असल्याचेही वंडेकर यांनी म्हटले आहे. 

भूसंपादनाअभावी पर्यायी रस्ता नाही  विमानतळाचे विस्तारीकरण पूर्वेच्या बाजूने होणार आहे, त्यासाठी लोहगाव- येरवडा रस्ता बंद करावा लागणार असल्याने पर्यायी रस्ता उपलब्ध करावा लागणार आहे. त्यासाठीची तरतूदही आहे. परंतु महापालिकेने भूसंपादन करून रस्ता निर्माण केला पाहिजे. याबाबत प्रशासनाकडून दिरंगाई होत असून, तरतूद केलेल्या रस्त्यालगत नागरीकरण वाढत आहे. हा पर्यायी रस्ता रखडल्यास भविष्यात धावपट्टीचे विस्तारीकरण करताच येणार नाही. त्यामुळे तातडीने उपाययोजना करण्याची गरज आहे, असे वंडेकर यांनी दिलेल्या निवेदनात म्हटले आहे. 

3300 फुटांचे विस्तारीकरण हवे  लोहगाव विमानतळाच्या धावपट्टीची लांबी सुमारे 8 हजार 350 फूट आहे. आंतरराष्ट्रीय व लांब पल्ल्याच्या विमानांसाठी धावपट्टीचे आणखी 3 हजार 300 फुटांचे विस्तारीकरण होणे गरजेचे आहे, असे तज्ज्ञांचे म्हणणे आहे. याबाबतचा प्रस्ताव गेल्या दहा वर्षांपासून रखडला असून, लोकप्रतिनिधींनी आता तरी या प्रश्‍नात लक्ष घालावे, असे निवेदनात म्हटले आहे.

Web Title: marathi news pune news airport

टॅग्स

संबंधित बातम्या

577525-mukta-tilak.jpg
सिंचन भवनमध्ये जाऊन महापौर विचारणार जाब

पुणे : मुख्यमंत्री आणि पालकमंत्री यांनी सांगून सुद्धा वारंवार पुणे शहराच्या पाणी पुरवठा बंद करणाऱ्या जलसंपदा खात्याच्या अधिकाऱ्यांनी सुरू...

फलोदे (ता. आंबेगाव) येथील शहीद राजगुरू ग्रंथालय यांना रूग्णवाहिका येथील जनतेच्या सुविधांसाठी उपलब्ध करून देण्यात आली यावेळी उपस्थित मान्यवर व ग्रामस्थ.
फलोदे भागातील रुग्णांसाठी रुग्णवाहिका उपलब्ध

घोडेगाव (पुणे): फलोदे (ता. आंबेगाव) या भागातील रूग्णांना तातडीच्या वेळेस रूग्णवाहिका उपलब्ध व्हावी यासाठी रोहन नाईक चॅरिटेबल ट्रस्ट पुणे, कंपेटीटोर्स...

PDCC-Bank
पुणे जिल्हा बॅंक अजूनही देशात पहिल्या क्रमांकावर

पुणे - केंद्र आणि राज्य सरकारच्या चुकीच्या धोरणांमुळे पुणे जिल्हा मध्यवर्ती सहकारी बॅंकेचे (पीडीसीसी) मोठे आर्थिक नुकसान झाले असले, तरी बॅंक अजूनही...

फलोदे (ता. आंबेगाव) - रुग्णवाहिका लोकार्पणप्रसंगी मान्यवर व ग्रामस्थ.
आदिवासींसाठी रुग्णवाहिका

मंचर - आंबेगाव तालुक्‍यातील आदिवासी भागातील रुग्णांना वेळेत दवाखान्यात नेण्यासाठी रोहन नाईक चॅरिटेबल ट्रस्ट पुणे, कॉम्प्टीटर फाउंडेशन पुणे व आदिम...

Municipal-Revenue
पिंपरी-चिंचवड पालिकेचा महसूल घटला

पिंपरी - महापालिकेने खोदाईच्या दरात केलेल्या वाढीमुळे पालिकेच्या तिजोरीमध्ये आठ महिन्यात केवळ १८ कोटी जमा झाल्याची माहिती समोर आली आहे. मागील वर्षी...

Wi-Fi
‘वाय-फाय’युक्त योजनेस हरताळ

पुणे - पुणे महापालिका आणि स्मार्ट सिटीचे प्रशासन यांच्यात विसंवाद असल्यामुळे शहरातील ११५ ठिकाणे वाय-फाययुक्त करण्याच्या प्रयत्नांना हरताळ फासला गेला...