Sections

"स्थायी'चे नवे सदस्य आज ठरणार 

मिलिंद वैद्य |   बुधवार, 28 फेब्रुवारी 2018
PCMC

पिंपरी - स्थायी समितीच्या रिक्त झालेल्या आठ जागांसाठी नव्या सदस्यांची नावे बुधवारी सर्वसाधारण सभेत जाहीर होणार आहेत. रिक्त जागांवर भाजपचे सहा, तर राष्ट्रवादीचे दोन सदस्य नव्याने निवडले जाणार असून, सत्ताधारी भाजपमध्ये त्यासाठी जोरदार रस्सीखेच सुरू आहे. 

पिंपरी - स्थायी समितीच्या रिक्त झालेल्या आठ जागांसाठी नव्या सदस्यांची नावे बुधवारी सर्वसाधारण सभेत जाहीर होणार आहेत. रिक्त जागांवर भाजपचे सहा, तर राष्ट्रवादीचे दोन सदस्य नव्याने निवडले जाणार असून, सत्ताधारी भाजपमध्ये त्यासाठी जोरदार रस्सीखेच सुरू आहे. 

सर्वसाधारण सभेत नावे जाहीर होण्यापूर्वी भाजपची यादी मुख्यमंत्री देवेंद्र फडणवीस यांच्याकडून, तर राष्ट्रवादीची नावे माजी उपमुख्यमंत्री अजित पवार यांच्याकडून सकाळी कळविण्यात येणार आहेत. निवृत्त होणाऱ्या सदस्यांमध्ये विद्यमान अध्यक्षा सीमा सावळे यांचेच नाव असल्यामुळे अध्यक्षपदासाठीदेखील भाजपमध्ये जोरदार तयारी सुरू आहे. शीतल शिंदे, विलास मडिगेरी, संदीप वाघेरे, राहुल जाधव, संदीप कस्पटे आणि उत्तम केंदळे यांची नावे चर्चेत आघाडीवर आहेत. 

भाजपकडे वीस इच्छुक  भाजपकडे एकूण वीस इच्छुकांनी अर्ज केले आहेत. त्यातून सहा सदस्यांची निवड होणार असल्याने पिंपरी, चिंचवड आणि भोसरी, अशा तीन विधानसभा मतदारसंघानुसार सदस्यांची नावे निवडली जाणार असल्याचे सांगण्यात आले. विद्यमान अध्यक्षा या भोसरी विधानसभा मतदारसंघातील असल्या, तरी त्या आमदार लक्ष्मण जगताप यांच्या समर्थक आहेत. त्यामुळे आता आमदार महेश लांडगे यांच्या समर्थकाला संधी देताना भोसरी विधानसभेलाच प्रतिनिधित्व मिळण्याची दाट शक्‍यता आहे. या विभागात विलास मडिगेरी आणि राहुल जाधव यांची नावे चर्चेत आहेत. मात्र, सूत्रांकडून मिळालेल्या माहितीनुसार मडिगेरी यांच्याकडे सभागृह नेतापदाची जबाबदारी दिली जाऊ शकते. त्यामुळे राहुल जाधव यांचा "स्थायी'च्या अध्यक्षपदाचा मार्ग मोकळा झाल्याचे मानले जात आहे. याच पदासाठी जुन्या गटाकडून शीतल शिंदे यांचे नाव श्रेष्ठींकडे लावून धरण्यात आले आहे. 

राष्ट्रवादीची चार नावे चर्चेत  स्थायी समितीमधून राष्ट्रवादी कॉंग्रेसच्या दोन महिला सदस्य निवृत्त झाल्या असल्याने त्या जागी पुन्हा दोन महिला सदस्यांना संधी दिली जाणार आहे. चिंचवड आणि भोसरी विधानसभा मतदारसंघातून दोन नवीन महिला सदस्यांची नावे अजित पवार यांच्याकडून सुचविली जाणार असून, त्यामध्ये गीता मंचरकर, प्रज्ञा खानोलकर, पौर्णिमा सोनवणे आणि संगीता ताम्हाणे या चार सदस्यांची नावे चर्चेत आघाडीवर आहेत. यातीलच दोन नावांना पवार यांच्याकडून संमती दिली जाण्याची शक्‍यता व्यक्त केली जात आहे. 

भाजपचा चार-दोन-चारचा फॉर्म्युला  भाजपचे सहा सदस्य स्थायी समितीतून निवृत्त होत असले, तरी उर्वरित चार सदस्यांचेदेखील राजीनामे घेण्यात आले आहेत. त्यामुळे आता सहा सदस्यांची नियुक्ती आणि पुढील महिन्यात उर्वरित चार सदस्यांची निवड भाजपकडून केली जाण्याची शक्‍यता आहे. त्यासाठी पक्षाने चिंचवड, पिंपरी आणि भोसरी विधानसभा मतदारसंघासाठी अनुक्रमे "चार-दोन-चार' असा फॉर्म्युला निश्‍चित केला आहे. त्यानुसार चिंचवडचे चार, पिंपरीचे दोन आणि भोसरीचे चार सदस्य स्थायी समितीत असतील, असे विश्‍वसनीय सूत्रांकडून सांगण्यात आले.

Web Title: marathi news PCMC standing committee

टॅग्स

संबंधित बातम्या

577525-mukta-tilak.jpg
सिंचन भवनमध्ये जाऊन महापौर विचारणार जाब

पुणे : मुख्यमंत्री आणि पालकमंत्री यांनी सांगून सुद्धा वारंवार पुणे शहराच्या पाणी पुरवठा बंद करणाऱ्या जलसंपदा खात्याच्या अधिकाऱ्यांनी सुरू...

तेलगू देसमला गोव्यात स्वारस्य

मडगाव- देशभरात भाजप विरोधी आघाडी स्थापन करण्यात पुढाकार घेतलेल्या नेत्यांपैकी एक असलेले तेलगू देसम पक्षाचे अध्यक्ष व आंध्र प्रदेशचे मुख्यमंत्री एन....

भाजपला रामराम ठोकणाऱ्या नेत्याची 'ही' आहे ओळख

नवी दिल्ली- 23 वर्षे अरुणाचल प्रदेशचे मुख्यमंत्री राहिलेले ज्येष्ठ नेते गेगांग अपांग यांनी आज (ता.16) भाजपला सोडचिठ्ठी दिली आहे. भाजप आणि शहा-मोदींवर...

Mehbooba Mufti
मेहबुबा मुफ्ती स्थानिक दहशतवाद्यांना म्हणतात भूमिपुत्र

श्रीनगरः काश्मिरच्या खोऱ्यात वाढत्या दहशतवादी कारवाया थांबवण्यासाठी केंद्र सरकारने दहशतवादी संघटनांच्या प्रमुखांशी बातचित करावी आणि त्यांना...

23 वर्षे मुख्यमंत्री राहिलेल्या नेत्याचा भाजपला 'रामराम'

नवी दिल्ली- 23 वर्षे अरुणाचल प्रदेशचे मुख्यमंत्री राहिलेले ज्येष्ठ नेते गेगांग अपांग यांनी आज (ता.16) भाजपला सोडचिठ्ठी दिली आहे. भाजप आता फक्त सत्ता...

सिंचनासाठी निधी वाढवा - नितीन गडकरी

औरंगाबाद- सिंचन क्षेत्रात वाढ होण्याची गरज असून सिंचनाच्या बजेटमध्ये वाढ करा, अशी सुचना केंद्रीय मंत्री नितीन गडकरी यांनी मुख्यमंत्री देवेंद्र फडणवीस...