Sections

इंदापूर पंचायत समितीमध्ये राष्ट्रवादीच्या सदस्यांचे आंदोलन

सकाळ वृत्तसेवा |   मंगळवार, 3 एप्रिल 2018
इंदापूर ः पंचायत समिती सभागृहात बैठे आंदोलन करताना राष्ट्रवादी कॉंग्रेसचे पंचायत समिती सदस्य.

पंचायत समिती सदस्यांनी खाली बसणे हा सभागृहाचा अवमान आहे. सर्व सदस्यांनी सुसंवाद ठेवून कामकाज केल्यास सभागृहाची शान वाढणार आहे.
- करणसिंह घोलप, सभापती

गटविकास अधिकारी बिचकुले यांच्यावर कारवाईची मागणी

इंदापूर (पुणे) इंदापूर पंचायत समितीच्या लोकनेते शंकररावजी पाटील सभागृहात सभापती करणसिंह घोलप यांच्या अध्यक्षतेखाली सोमवारी झालेल्या मासिक सभेत राष्ट्रवादी कॉंग्रेसच्या पंचायत समिती सदस्यांनी गटविकास अधिकारी माणिकराव बिचकुले यांच्यावर मनमानी कारभार व सदस्यांना अरेरावीची भाषा यामुळे शिस्तभंगाची कारवाई करावी, या मागणीसाठी बैठे आंदोलन केले. जोपर्यंत न्याय मिळत नाही, तोपर्यंत बैठे आंदोलन करण्याचा निर्धार या वेळी सदस्यांनी केला.

पळसदेव येथील एक ग्रामपंचायत सदस्य सलग सहा महिने गैरहजर राहिल्याने त्याचे सदस्यत्व रद्द करावे, एका सदस्याने शासकीय जागेत अतिक्रमण केल्याने त्याचे सदस्यत्व रद्द करावे, अशी मागणी गटविकास अधिकारी बिचकुले यांच्याकडे करण्यात आली होती. यासंदर्भात बिचकुले यांच्याशी पंचायत समिती कार्यालयात संपर्क साधला असता त्यांनी अरेरावीची भाषा वापरली, मनमानी कारभार करीत त्यांचे सभासदत्व रद्द केले नाही, असा आक्षेप होता. त्यामुळे पंचायत समिती सदस्य बाळासाहेब काळे यांच्या नेतृत्वाखाली सतीश पांढरे, शीतल वणवे, शैलजा फडतरे, सारिका लोंढे यांनी सभागृहात बैठे आंदोलन केले.

याबाबत गटविकास अधिकाऱ्यांशी संपर्क साधला असता दोन्ही तक्रारी आल्यानंतर विस्तार अधिकाऱ्यांना चौकशीसाठी पाठवून त्याचा अहवाल जिल्हाधिकारी कार्यालयाकडे पाठविला. तेथे दोन्ही तक्रारींसंदर्भात उपजिल्हाधिकारी स्तरावर निर्णय झाला. या निर्णयासंदर्भात संबंधित पंचायत समिती सदस्य तसेच ग्रामपंचायत सदस्यांनी दाद मागणे संयुक्तिक आहे. यासंदर्भात माझे काही चुकले असेल, तर जिल्हा परिषदेचे मुख्य कार्यकारी अधिकारी मला आदेश देतील. अरेरावीची भाषा ग्रामपंचायत सदस्य व पंचायत समिती सदस्यांनी माझ्या कार्यालयात येऊन वापरल्याचा दावा त्यांनी केला.

Web Title: indapur panchayat samiti and ncp

टॅग्स

संबंधित बातम्या

इंदापुरातील सुमारे चार किमी रस्त्याचेे भूमिपूजन

इंदापूर : मुख्यमंत्री ग्रामसडक योजनेतून मौजे बेडशिंग ते भाटनिमगाव या सुमारे साडेतीन किलोमीटर लांबीच्या तसेच एक कोटी 65 लाख 28...

divyang
दिव्यागांनी मिळवला विकास निधीत वाटा

लातूर : स्थानिक स्वराज्य संस्थांना मिळणाऱ्या विकास निधीपैकी पाच टक्के निधी दिव्यांगांसाठी खर्च करण्याचे सरकारचे आदेश आहे. मात्र, या आदेशाची...

vajreshvari.
वज्रेश्वरी योगिनी देवी संस्थानामध्ये सव्वातीन कोटींचा अपहार

वज्रेश्वरी - भिवंडी तालुक्यातील श्री वज्रेश्वरी योगिनी देवी संस्थानात जवळपास सव्वा तीन कोटी रुपयांच्या अपहार झाला आहे. या प्रकरणी विश्वस्थ...

पाण्यासाठी सांगोल्यात जनावरांसह शेतकर्यांचे धरणे आंदोलन

सांगोला : तालुक्यातील माण नदीकाठच्या 14 गावातील शेतकऱ्यानी नदीमध्ये टेंभू योजनेचे पाणी सोडावे, या मागणीसाठी येथील तहसिल कार्यालयावर जनावरासह मोर्चा...

बाळासाहेबांचे ते शेवटचे शब्द...

बाळ केशव ठाकरे ऊर्फ बाळासाहेब ठाकरे यांचा जन्म 23 जानेवारी 1926 ला पुण्यात झाला. त्यांनी महाराष्ट्रात शिवसेना या पक्षाची स्थापना केली. पुढे त्यानी...

kalsubai
सर्वोच्च कळसूबाई शिखरावर स्त्रीशक्तीचा सन्मान!

सोलापूर : रोजच्या धावपळीत थोडासा स्वत:साठी वेळ काढून गृहिणी, विद्यार्थिनी, डॉक्‍टर, पोलिस, वन अधिकारी, शिक्षिका, बॅक अधिकारी, वकील, शासकीय कर्मचारी,...