Sections

हापूस अजूनही आवाक्‍याबाहेरच

सकाळ वृत्तसेवा |   सोमवार, 16 एप्रिल 2018
मार्केट यार्ड - रविवारी बाजारात कच्च्या हापूस आंब्याची आवक झाल्यानंतर प्रतवारी तपासताना अडतदार आणि खरेदीदार.

आंबा महोत्सवाचे आयोजन
पुणे कृषी उत्पन्न बाजार समितीच्या सहकार्याने श्री छत्रपती शिवाजी मार्केट यार्ड आडते असोसिएशनने आंबा महोत्सवाचे आयोजन केले आहे. हा महोत्सव बुधवारपासून (ता. १८) बाजार आवारातच होणार आहे. हापूसच्या नावाखाली होणारी फसवणूक टाळण्यासाठी असोसिएशनतर्फे सोशल मीडियाद्वारे जागृती केली जाणार असल्याची माहिती अध्यक्ष विलास भुजबळ आणि सचिव रोहन उरसळ यांनी पत्रकार परिषदेत दिली. आंबा उत्पादकांना महोत्सवासाठी सहकार्य केले जाईल, असे समितीचे सचिव बी. जे. देशमुख यांनी या वेळी नमूद केले.

पुणे - कोकणातील हापूस आंब्याचे भाव आवाक्‍यात येण्यासाठी सर्वसामान्यांना आणखी दहा ते पंधरा दिवस वाट पाहावी लागणार आहे. आवक कमी असल्याने सध्या हापूसचे दर जास्त आहेत. अक्षय तृतीया सण असल्यामुळेही आंब्यांकरिता जास्त पैसे मोजावे लागत आहेत. 

अक्षय तृतीया सण दोन दिवसांवर आला आहे. अद्याप बाजारातील आवक वाढलेली नाही. हवामानाने साथ न दिल्याने आंब्याच्या उत्पादनावर परिणाम झाल्याचा दावा बागायतदार करीत आहेत. त्यामुळे बाजारात आवक कमी होत आहे. त्यामुळे हापूसच्या चार ते सहा डझनाच्या पेटीचा भाव हा दोन हजार ते साडेचार हजार रुपये आहे. तयार हापूस आंब्यांच्या डझनाचा भाव साडेसातशे ते दीड हजार रुपये आहे, असे व्यापारी करण जाधव यांनी सांगितले. 

हवामानाने साथ न दिल्याने फळांची वाढ व्यवस्थित झाली नाही, काही भागात कैरी छोटी असतानाच ती गळण्याचे प्रमाण वाढले होते. त्याचा फटका बसला आहे. केवळ पुणेच नाही, तर इतर बाजारपेठांतही हापूस आंब्यांची आवक कमीच आहे. दहा ते पंधरा दिवसांनंतर आवक वाढेल, असा अंदाज आहे. त्याकाळात कच्च्या आंब्यांची आवक वाढेल आणि भाव कमी होऊ लागतील असाही अंदाज आहे. त्यामुळे पुणेकरांना कोकण हापूसची गोडी चाखण्यासाठी आणखी काही दिवस वाट पाहावी लागणार आहे. फळबाजारात रविवारी (ता. १५) रत्नागिरी, देवगड, रायगड भागातून आंब्याची चार ते साडेचार हजार पेटी इतकी आवक झाली. गेल्या आठवड्यात प्रतिदिन दोन ते अडीच हजार पेटी इतकी आवक झाली.

Web Title: hapus mango rate

टॅग्स

संबंधित बातम्या

बळिराजाच्या विम्यावर कंपन्याच मालामाल

सोलापूर : मागील दोन वर्षांत राज्यातील 20 लाख 28 हजार शेतकऱ्यांनी रब्बीसाठी पिकविमा भरला. मात्र, त्यापैकी फक्‍त सहा लाख 27 हजार शेतकरीच भरपाईसाठी...

#PmcIssues 'स्मार्ट' पुण्याची टॉयलेट्‌स मात्र 'वर्स्ट' ! 

पुणे : तुटलेले दरवाजे, पाण्याचा अभाव, खिडक्‍यांच्या फुटलेल्या काचा, नळच गायब... जागोजागी कचरा..... हे आहे चित्र शहरातील महिलांच्या सार्वजनिक...

औरंगाबादची हवा हानिकारक

औरंगाबाद- शहरात वावरत असताना आपण घेत असलेला श्वास हा रोगांचे ओझे लादणारा ठरतो आहे. शहराच्या हवेत रोगांचा राबता असल्याचे समोर आले आहे. औरंगाबाद...

shriram pawar
पुन्हा तालिबान... (श्रीराम पवार)

रशियाच्या पुढाकारानं "मॉस्को फॉरमॅट'च्या नावाखाली अफगाणिस्तानातल्या शांततेसाठी झालेल्या बैठकीत पहिल्यांदाच अफगाणिस्तान सरकारनं पाठवलेले प्रतिनिधी आणि...

काँग्रेसचा सर्व लोकसभा मतदारसंघांचा आढावा

मुंबई : आगामी लोकसभा निवडणुकांमध्ये कॉंग्रेस, राष्ट्रवादी आघाडीनेच लढणार असल्याचे निश्‍चित झालेले असले तरी कॉंग्रेसने राज्यातील सर्वच्या सर्व 48...

sandeep kale
हसलेली झेंडूची फुले... (संदीप काळे)

आपल्या दोन विद्यार्थ्यांच्या तोंडून एका शिक्षकानं एक व्यथा ऐकली...झेंडूच्या फुलांची आणि त्यांच्या विक्रीविषयीची व्यथा...या व्यथेनं त्या शिक्षकाला...