Sections

बापाकडून मुलीवर बलात्कार 

सकाळ वृत्तसेवा |   शनिवार, 7 एप्रिल 2018
rapecase

पुणे - मुख्याध्यापिकेने विद्यार्थिनीशी मनमोकळेपणाने संवाद साधल्यानंतर तिने वडिलांनी आपल्यावर बलात्कार केल्याची धक्कादायक माहिती दिली. त्यानंतर मुख्याध्यापिकेने दिलेल्या फिर्यादीवरून पोलिसांनी पीडित मुलीच्या बापास अटक केली. आंबेगाव परिसरात ही घटना घडली. 

पुणे - मुख्याध्यापिकेने विद्यार्थिनीशी मनमोकळेपणाने संवाद साधल्यानंतर तिने वडिलांनी आपल्यावर बलात्कार केल्याची धक्कादायक माहिती दिली. त्यानंतर मुख्याध्यापिकेने दिलेल्या फिर्यादीवरून पोलिसांनी पीडित मुलीच्या बापास अटक केली. आंबेगाव परिसरात ही घटना घडली. 

याप्रकरणी अकरा वर्षीय पीडित मुलगी कात्रज-आंबेगाव परिसरातील एका शाळेत शिक्षण घेत आहे. तिने दिलेल्या अत्याचाराच्या माहितीवरून शाळेच्या मुख्याध्यापिकेने भारती विद्यापीठ पोलिस ठाण्यामध्ये फिर्याद दिली आहे. पोलिसांनी दिलेल्या माहितीनुसार, पीडित मुलीच्या आईचे आठ वर्षांपूर्वी निधन झाल्यानंतर ती वडिलांबरोबर राहात होती. मागील रविवारी दुपारी बारा वाजता ती घरात एकटी असताना वडिलाने तिच्यावर बलात्कार केला. हा प्रकार कोणाला सांगितल्यास जिवे मारण्याची धमकी वडिलांनी दिल्याने पीडित मुलगी घाबरली होती. अस्वस्थ असण्याचे व घाबरण्याचे कारण मुख्याध्यापिकेने विद्यार्थिनीस विचारले. त्यानंतर पीडित मुलीने वडिलांनी केलेल्या अत्याचाराबाबत माहिती दिली. त्यानंतर मुख्याध्यापिकेने भारती विद्यापीठ पोलिस ठाण्यात वडिलांविरुद्ध बाल लैंगिक अत्याचार प्रतिबंधक कायद्यानुसार फिर्याद दिली. (मुलीचे नाव उघड होऊ नये, म्हणून वडिलाचा नामोल्लेख टाळलेला आहे.) 

मुला-मुलींवर अत्याचार कमी व्हावेत व त्यांनी मनमोकळेपणाने बोलावे, यासाठी अनेक शाळांमध्ये "गुड टच, बॅड टच' हा उपक्रम राबविण्यात येतो. त्याद्वारे कोणाचा स्पर्श कसा आहे, याची ओळख मुलांना व्हावी, यादृष्टीने प्रयत्न केले जातात. शिक्षक हे विद्यार्थ्यांच्या सर्वाधिक जवळ असतात. त्यामुळे विद्यार्थी व शिक्षकांमध्ये संवाद वाढल्यास मुले मोकळेपणे बोलू लागतील. - स्मिता जोशी, समुपदेशक. 

मुले निरागस असतात त्यांना स्पर्श किंवा नजरेची जाणीव नसते. ही जाणीव निर्माण व्हावी, यासाठी प्रत्येक शाळांमध्ये जनजागृतीपर उपक्रम झाले पाहिजेत. आपल्यावर अत्याचार होत असल्यास तक्रार कोणाकडे करायची, असा प्रश्‍न त्यांना भेडसावतो. पालक व शिक्षकांनी मुलांशी संवाद वाढविल्यास हा प्रश्‍न कमी होईल.'' - डॉ. सागर पाठक, समुपदेशक 

बाल लैंगिक शोषणावर 2012च्या गणेशोत्सवामध्ये आम्ही "सावधान, बागलबुवा आलाय' या विषयावरील जिवंत देखावा सादर केला. बाल लैंगिक शोषणाविषयी जागृती व्हावी, यासाठी 15 हजार पुस्तिका छापून त्या भाविकांबरोबरच शाळांमध्ये मोफत वाटल्या. शाळेच्या पहिल्या दिवशी "गुड टच, बॅड टच'वर आधारित पपेट शो घेतला होता.'' - पीयूष शहा, अध्यक्ष, साईनाथ मंडळ ट्रस्ट 

Web Title: father raped daughter in pune

टॅग्स

संबंधित बातम्या

crime
दिवसा मोलमजुरी आणि रात्री घरफोडी

मेहुणबारे (ता. चाळीसगाव) : सायगाव( ता.चाळीसगाव) येथे दोन महीन्यापुर्वी दोन ठीकाणी  घरफोडी करणाऱ्या संशयित आरोपीच्या मेहुणबारे पोलिसांनी वेहळगाव...

सकाळ कार्यालय, पिंपरी - संपादकीय कामकाजाविषयी विद्यार्थ्यांना माहिती देताना ‘सकाळ’चे सहयोगी संपादक अविनाश चिलेकर.
विद्यार्थी झाले अतिथी संपादक

पिंपरी - वृत्तपत्र म्हणजे काय?..., ते कसे छापले जाते?..., बातम्या कुठून मिळतात?..., मीडियाविषयी आस्था..., त्याच्या कार्यपद्धतीविषयी जाणून घेण्याची...

Crime
विद्यार्थ्याच्या मारहाणप्रकरणी शिक्षकाला अटक

पुणे - गृहपाठ न केल्याबद्दल सहावीच्या विद्यार्थ्याला मारहाण केल्याप्रकरणी शिक्षकाला शिवाजीनगर पोलिसांनी अटक केली असून, त्याला १५ नोव्हेंबरपर्यंत...

Crime
१५ वितरकांना ९० लाखांना ठकविले

पुणे - शहरातील १५ मोबाईल वितरकांची सुमारे ९० लाख ९६ हजार रुपयांची फसवणूक करून एका दुकानदाराने ठकविल्याचा गुन्हा सहकारनगर पोलिस ठाण्यात दाखल झाला आहे...

महिला-बालविकास विभागाचे वरातीमागून घोडे!

मुंबई - महिला व बालविकास विभागाने दोन आणि तीन नोव्हेंबरला १२५ बालगृहांवर तब्बल २४ कोटींच्या अनुदानाची खैरात केल्यानंतर पाच नोव्हेंबरला एक फतवा...

#Children'sDay संवाद हरवतो आहे...

संवाद एक अशी गोष्ट की, ज्याच्याशिवाय आपले दैनंदिन जीवनसुद्धा अवघड होऊन बसेल. दोन व्यक्तींमधील नात्यांचा पाया म्हणजे संवाद. संवादाच्या अनेक पद्धती...