Sections

पुणे - अंथुर्णे येथे शेतकरी मेळाव्याचे आयोजन

राजकुमार थोरात |   शनिवार, 28 एप्रिल 2018
pawar-bharane

वालचंदनगर (पुणे) : राष्ट्रवादी काॅग्रेस पक्षाचे अध्यक्ष शरद पवार यांच्या प्रमुख उपस्थिती मध्ये सोमवारी (ता.३०) अंथुर्णे येथे होणाऱ्या शेतकरी मेळाव्यामध्ये पवार शेतकऱ्यांच्या प्रश्‍नावर काय बोलणार? याकडे तालुक्यासह जिल्हातील शेतकऱ्यांचे लक्ष लागले आहे.

वालचंदनगर (पुणे) : राष्ट्रवादी काॅग्रेस पक्षाचे अध्यक्ष शरद पवार यांच्या प्रमुख उपस्थिती मध्ये सोमवारी (ता.३०) अंथुर्णे येथे होणाऱ्या शेतकरी मेळाव्यामध्ये पवार शेतकऱ्यांच्या प्रश्‍नावर काय बोलणार? याकडे तालुक्यासह जिल्हातील शेतकऱ्यांचे लक्ष लागले आहे.

इंदापूर तालुक्यातील अंथुर्णे येथे आमदार दत्तात्रेय भरणे यांनी  सोमवारी भव्य शेतकरी मेळ्याव्याचे आयोजन केले आहे. या मेळाव्याला राष्ट्रवादी कॉग्रेस पक्षाचे अध्यक्ष शरद पवार, प्रदेशाध्यक्ष सुनिल तटकरे, माजी उपमुख्यमंत्री अजित पवार,विजयसिंह मोहितेपाटील, विरोधी पक्ष नेते धनंजय मुंडे, विधानसभेचे सभापती रामराजे नाईक-निंबाळकर, खासदार सुप्रिया सुळे यांच्यासह दीडडझन  आमदार उपस्थित राहणार आहेत. भाजप-सेनेच्या काळामध्ये शेतकऱ्यांच्या शेतमालाला योग्य दर मिळत नसल्यामुळे शेतकरी वर्ग अडचणी मध्ये आला आहे.

नोटाबंदीनंतर डाळिंब,द्राक्षांच्या दरामध्ये घसरण झाली अाहेत.  दुधाचे दर ही कमी होत असून चारा व पेेंडीचे दर ही वाढत असल्यामुळे शेतीसोबत दुग्धव्यवसाय करणारे शेतकरी हतबल झाला अाहे. केंद्राच्या धोरणामुळे साखरेचे दर काेसळत असून साखरधंदा तोट्यात चालला आहे. एफआरफीचा दर देणे ही कारखान्यादाराला अवघड झाले आहे. उसाला दर कमी मिळाल्यामुळे शेतकऱ्यांचे कंबरडे मोडले अाहे. शासनाने स्वस्त धान्य दुकानामध्ये गव्हाबरोबर मकेचे ही वितरण सुरु केल्यामुळे ग्रामीण भागातील शेतकऱ्यांना व नागरिकांना भविष्यात चपाती ऐवजी मक्याची भाकरी खाण्याची वेळ येणार आहे.  

शासनाच्या धोरणामुळे भाजीपाल्याला ही कमी दर मिळत आहे. शासनाच्या उदासीनतेमुळे शेतकरी वर्गाची कोंडी झाली असून शेतकऱ्यांच्या प्रश्‍नावरती काय  बोलणार याकडे तालुक्यातील शेतकऱ्यासह जिल्हातील शेतकऱ्यांचे लक्ष लागले अाहे.  राज्यामध्ये शासनाच्या विरोधामध्ये राष्ट्रवादी कॉग्रेस पक्षाने हल्लाबोल आंदोलनास सुरवात  केली असुन  आगामी विधानसभेची निवडणूकीची तयारी केली असल्याने शरद पवार यांच्या उपस्थितीमधील मेळावा पक्षासाठी महत्वाचा ठरणार आहे.

राष्ट्रवादी कॉग्रेसचे आमदार दत्तात्रेय भरणे हे विरोधी पक्षाचे आमदार असताना देखील भरणे यांनी इंदापूर तालुक्याच्या विकासासाठी सत्ताधारी आमदारापेक्षा जास्त निधी खेचून आणला.तालुक्यामध्ये साडेतीन-चार वर्षाच्या कालावधीमध्ये रस्ते व इतर विकासकामासाठी पाचशे कोटी पेक्षा निधी आणला असुन मेळाव्यामध्ये आमदार भरणेच्या कामाचे कौतुक होणार अाहे.  

Web Title: farmers meet at anthurne pune

टॅग्स

संबंधित बातम्या

ओला, उबरचा उद्यापासून बंद 

मुंबई - बंद पुकारूनही मागण्या मान्य होत नसल्याने ओला, उबरचे चालक शनिवार (ता. 17) पासून पुन्हा बेमुदत आंदोलन सुरू करणार आहेत. त्यामुळे प्रवाशांचे...

कितीही आकांडतांडव केले तरी भाजपचीच सत्ता - रामदास आठवले  

पंढरपूर - पंतप्रधान नरेंद्र मोदी यांनी देशात अनेक विकासकामे केली आहेत. सर्वसामान्य नागरिकांच्या दृष्टीने अनेक चांगले निर्णय घेतले आहेत. त्यामुळे...

फेरीवाल्यांसाठीचा प्रस्ताव सत्ताधाऱ्यांनीच अडवला

पुणे - पथारी व्यावसायिकांना शिस्त लावण्यासह महापालिकेच्या उत्पन्नात वाढ करण्याच्या हेतूने या व्यावसायिकांना भाडे आकारण्याचा निर्णय महापालिका...

sanatkumar kolhatkar
अरब देशांचे इस्राईलशी वाढते साहचर्य

अरब देशांबरोबरील वर्षानुवर्षांचे वैमनस्य विसरून इस्राईल आता अधिकाधिक अरब देशांबरोबर मैत्रीचे संबंध प्रस्थापित करण्यासाठी प्रयत्न करीत आहे. अनेक अरब...

flex.jpg
धोकादायक फ्लेक्‍स हटवा

पुणे : कोथरूड-कर्वे रस्त्यावर विजेच्या खांबांवर भावी आमदार म्हणून एका नेत्याचे फ्लेक्‍स लावले आहेत. हे फ्लेक्‍स एवढे खाली लावले आहेत, की या फ्लेक्‍...

स्वत:चे सरण रचून महिला शेतकर्‍याची आत्महत्या

शेलसूर : चिखली तालुक्यातील धोत्रा भनगोजी येथील 58 वर्षीय आशाताई दिलीप इंगळे या महिला शेतकर्‍याने नापीकी व कर्जबाजारीपणाला कंटाळून गोठ्यात रात्री स्वत...