Sections

लग्नासाठी रुपयाचाही खर्च नाही

सकाळ वृत्तसेवा |   मंगळवार, 24 एप्रिल 2018
Marriage

पुणे - लग्नसोहळा म्हटलं की हजारो-लाखो रुपयांचा खर्च... मुलीचं लग्न त्यातही अधिक खर्चिक... लग्नासाठी घेतलेलं कर्ज फेडताना आई-वडिलांचे होणारे हाल... कर्जबाजारी झाल्यामुळे गरीब, शेतकरी, कष्टकऱ्यांच्या आत्महत्या... हे सर्व दुष्टचक्र थांबविण्यासाठी धर्मादाय आयुक्‍त कार्यालयाने पुढाकार घेतला आहे. त्यांच्या आवाहनाला प्रतिसाद देत सामाजिक आणि धार्मिक संस्थांनी मोफत लग्नसोहळ्यांचे आयोजन केले आहे. 

पुणे - लग्नसोहळा म्हटलं की हजारो-लाखो रुपयांचा खर्च... मुलीचं लग्न त्यातही अधिक खर्चिक... लग्नासाठी घेतलेलं कर्ज फेडताना आई-वडिलांचे होणारे हाल... कर्जबाजारी झाल्यामुळे गरीब, शेतकरी, कष्टकऱ्यांच्या आत्महत्या... हे सर्व दुष्टचक्र थांबविण्यासाठी धर्मादाय आयुक्‍त कार्यालयाने पुढाकार घेतला आहे. त्यांच्या आवाहनाला प्रतिसाद देत सामाजिक आणि धार्मिक संस्थांनी मोफत लग्नसोहळ्यांचे आयोजन केले आहे. 

राज्याचे धर्मादाय आयुक्‍त शिवकुमार डिगे यांनी धर्मादाय संस्थांना सामुदायिक विवाह सोहळ्यांचे आयोजन करण्याचे आवाहन केले होते. त्याला पुण्यासह राज्यभरातून चांगला प्रतिसाद मिळत आहे. पुणे जिल्ह्यात लोणावळ्यात सामुदायिक सोहळ्यात १८ जोडप्यांचा आणि भीमाशंकर येथे ११ जोडप्यांचा विवाह नुकताच पार पडला. 

पुणे जिल्हा धर्मादाय सामुदायिक विवाह समिती आणि संस्थांच्या वतीने एप्रिल आणि मे महिन्यात विवाह सोहळ्यांचे आयोजन करण्यात आले आहे. या सोहळ्यात गरीब, श्रीमंत आणि कोणत्याही जाती-धर्माच्या वधूवरांना सहभागी होता येईल. लग्नासाठी एकही रुपयाचा खर्च येणार नाही. काही संस्थांकडून सोहळ्यात वधूवरांना पूर्ण पोशाख, शालू, मणीमंगळसूत्र अशा सुविधा देण्यात येणार आहेत. या सोहळ्यात गरीब, श्रीमंत तसेच शेतकरी, कष्टकऱ्यांनी मुला-मुलींचे लग्न सामुदायिक विवाह सोहळ्यात करावीत, असे आवाहन पुणे विभागाचे धर्मादाय सहआयुक्‍त शिवाजीराव कचरे आणि धर्मादाय उपायुक्‍त नवनाथ जगताप यांनी केले आहे. 

संस्थापिका होणार विवाहबद्ध दौंड येथील आई सेवाभावी संस्थेच्या संस्थापिका शुभांगी धायगुडे यांनी सामुदायिक विवाह सोहळ्याचे आयोजन केले आहे. या सोहळ्यात त्या स्वतः आणि अन्य २१ जोडपी विवाहबद्ध होत आहेत. शुभांगी यांचे वडील नवनाथ धायगुडे हे सहायक फौजदार आहेत. धर्मादाय आयुक्‍त डिगे यांच्या विचारांच्या प्रेरणेतून सामुदायिक विवाह सोहळ्यात लग्न करण्याचा निर्णय घेतला, असे नियोजित वधू शुभांगी यांनी सांगितले.

जिल्ह्यातील सामुदायिक विवाह सोहळा, आयोजक संस्था आणि तारीख  आई सेवाभावी संस्था, दौंड : २७ एप्रिल २०१८  श्री पांडुरंग ग्रामीण विकास प्रतिष्ठान, निमगाव सावा,  ता. मावळ : २८ एप्रिल २०१८  ग्राम विकास मंडळ, खोडद : २९ एप्रिल २०१८   म्हसोबा देवस्थान, खारवडे, मुळशी : २९ एप्रिल २०१८  श्री भैरवनाथ आदिवासी मंडळ : ६ मे २०१८  आदर्श क्रांती संघ, सासवड : ७ मे २०१८  रांजणगाव गणपती : ९ मे २०१८  मार्तंड देव संस्थान, जेजुरी : १० मे २०१८  विघ्नहर देवस्थान, ओझर : ११ मे २०१८

सामुदायिक विवाह सोहळ्यात लग्न करणे हे कमीपणाचे नसून, प्रतिष्ठेची बाब आहे. सामाजिक बांधिलकी आणि सलोखा जोपासण्यासोबतच अनावश्‍यक खर्च होऊ नये, हा यामागील उद्देश आहे. धार्मिक संस्थांकडे पडून असलेला निधी हा सार्वजनिक पैसा आहे. त्यापैकी काही निधीचा वापर हा शेतकरी आणि गरीब घटकांसाठी झाल्यास त्यांना मोठा दिलासा मिळणार आहे.  - शिवकुमार डिगे, धर्मादाय आयुक्‍त.

Web Title: Community marriage event expenditure organisation

टॅग्स

संबंधित बातम्या

PNE18O75034.jpg
कोंढवे-धावडे बस स्टॅंडचा प्रश्न मार्गी लावा 

पुणे : पुणे महापालिका, स्वारगेट, डेक्कन, मार्केट यार्ड येथून पीएमपीच्या रोज शेकडो बस कोंढवे- धावडे येथे शेवटच्या थांब्याला येतात. पहिल्या या बस नॅशनल...

PNE18O75031.jpg
नदीपात्र बुजवण्याचा प्रयत्न 

पुणे : बाणेर येथे मुळा नदीपात्र बुजवण्याचा प्रयत्न होत आहे. याची दखल महापालिका घेताना दिसत नाही. हा प्रकार असाच चालू राहिला तर एक दिवस या नद्या...

लग्नानंतर दीपिकाचे नव्या घरी जोरदार स्वागत; दीपवीरचे भारतात आगमन

मुंबई- इटलीत विधी पूर्ण केल्यानंतर दीपिका पादुकोण व रणवीर सिंग रविवारी मुंबईत दाखल झाले. पण मुंबईत परतल्यानंतर दीपिकाने रणवीरसोबत एक खास विधी पूर्ण...

कर्जबाजारी शेतकऱ्याची आत्महत्या; भोकर तालुक्यातील घटना

नांदेड : सततची नापिकी व कर्जबाजारीपणाला कंटाळून एका तरूण शेतकऱ्याने झाडाला गळफास घेऊन आत्महत्या केली. ही घटना कोळगाव (ता. भोकर) शिवारात शनिवारी (ता....

नापिकीला कंटाळुन शेतकऱ्याची आत्‍महत्या

हिंगोली- कळमनुरी तालुक्‍यातील येहळेगाव गवळी येथील एका शेतकऱ्याने सततच्या नापीकीमुळे बँकेचे कर्ज कसे  फेडावे म्‍हणून शेतात लिंबाच्या झाडाला...

ujwal-nikam.jpg
आपले ज्ञान व बुध्दीसामर्थांचा देशहितासाठी उपयोग करा : उज्वल निकम

परभणी : ''ज्ञान व बुध्दीसामर्थ्य सर्वांजवळ असते. परंतू ते ओळखता आले पाहिजे. आपले ज्ञान व बुध्दीसामर्थांचा देशहितासाठी कसा उपयोग करता येऊ शकेल हे...