Sections

फसवणूक प्रकरणी शाळा पदाधिकाऱ्यांविरुध्द पोलिसांकडे तक्रार

दत्ता म्हसकर |   सोमवार, 30 एप्रिल 2018
crime

शाळेच्या अंदाजपत्रकात घसारा म्हणून २०१६-१७ ते २०१९-२० या चार वर्षात विविध रकमा दाखविल्या असताना या रक्कमा पालकांकडून वसूल करणे म्हणजे चक्क नफेखोरी सिध्द होत असल्याचे तक्रारीत म्हटले आहे.

जुन्नर : आर. टी. ई. नुसार 25% राखीव जागांवर प्रवेश दिलेल्या बालकांच्या पालकांकडून फी वसूल केल्याचा प्रकार उघडकीस आला असून या प्रकरणी जुन्नर एज्युकेशन सोसायटीच्या शंकरराव बुट्टे पाटील इंग्रजी माध्यमाच्या विद्यालयाचे पदाधिकाऱ्याविरुद्ध जुन्नर पोलिस ठाण्यात तक्रार दाखल करण्यात आली आहे अशी माहिती गट शिक्षणाधिकारी के. डी. भुजबळ यांनी दिली.

मोफत प्रवेश कोट्यातून शाळेने प्रवेश दिलेल्या बालकांच्या पालकांकडून वर्षाची संपूर्ण फी वसूल केली असल्याचे लाभार्थी पालकांच्या पडताळणीत त्यांनी दिलेल्या जबाबावरून स्पष्ट झाले आहे. असे प्रवेश मिळालेल्या मुलांकडून फी घेता येत नसताना या मुलांच्या पालकाकडून शाळेने सन २०१४-१५ ते २०१६-१७ या ३ वर्षात शाळेची फी वसूल करून कायद्याचे उल्लंघन केले आहे. २०१४-१५ अखेर पर्यंतचा फी परतावा शाळांना दिला असताना शाळा मुख्याध्यापक आणि शाळा व्यवस्थापन यांनी संगनमताने ही बाब पालकांना कळविली नाही.  

शाळेने वंचित व दुर्बल घटकातील मुलांसाठी २०१४-१५ व २०१५-१६ या वर्षात ५६ प्रवेश दिले आहेत.या प्रवेश दिलेल्या मुलांकडून फी वसूल करून शाळा व संस्थेने पालक आणि शासनाची फसवणूक केली आहे. ही शाळा २००१ पासून सुरु असून संस्थेने डिसेंबर २०१७ पर्यंत एकाही कर्मचाऱ्याचा EPF तसेच व्यवसाय कर, आयकर भरला नाही. ज्या शिक्षकांना नियुक्ती आदेशच दिलेले नाहीत अशा शिक्षकांना एकमुठी वेतन दिले आहे. शिक्षकांचे सेवापुस्तक ठेवले नाही अशा प्रकारे कर्मचाऱ्यांची गळचेपी केली आहे.

शाळेच्या अंदाजपत्रकात घसारा म्हणून २०१६-१७ ते २०१९-२० या चार वर्षात विविध रकमा दाखविल्या असताना या रक्कमा पालकांकडून वसूल करणे म्हणजे चक्क नफेखोरी सिध्द होत असल्याचे तक्रारीत म्हटले आहे.

आर्थिक दुर्बल व वंचित घटकातील मुलांना मोफत शिक्षण देणे बंधनकारक असतांना त्यांच्याकडून फी वसूल करणे आणि शासन व पालक यांची फसवणूक करणे, नफेखोरी करणे , शासनाचा व्यवसाय कर चुकविणे, नियुक्ती आदेशच न दिलेल्या शिक्षकांना मुलांच्या फी मधून पगार देणे, मोठ्या प्रमाणात फी वसूल करून शिक्षकांना कमी पगारावर ठेऊन वेठबिगारी स्थिती आणणे, या व इतर गंभीर कारणामुळे सदर शाळेच्या मुख्याध्यापिका गायत्री शैलेंद्र काजळे ,संस्थेचे कार्याध्यक्ष तथा शाळा समिती अध्यक्ष नितीन कांतीलाल मेहता , संस्थेचे सचिव तथा शाळा समिती सदस्य सुधीर मनोहर ढोबळे, सदस्य धनेश चुनीलाल संचेती , सदस्य अविनाश विठ्ठलराव थोरवे, सदस्य नेहा भरत सदाकाळ यांचेविरुद्ध दखलपात्र गुन्हा नोंदवून त्यांचेवर पुढील कायदेशीर कारवाई करावी असे नमूद केले आहे.

Web Title: cheating case in junnar

टॅग्स

संबंधित बातम्या

राज्यात प्रथमच पंढरपूरमध्ये तीर्थक्षेत्र पोलिसिंग

पंढरपूर- राज्यात प्रथमच पंढरपुरात कार्तिकी यात्रेच्या निमित्ताने तीर्थक्षेत्र पोलिस हा नवा उपक्रम पोलिसांच्या माध्यमातून आज सुरू करण्यात आला....

urali-kanchan.jpg
उरुळी कांचनमध्ये व्यापाऱ्यांचा कडकडीत बंद

उरुळी कांचन  : उरुळी कांचन (ता. हवेली) येथील वापारीमल सावलदास या कपडयाच्या दुकानावर स्थानिक गुंडांच्याकडुन खंडणीच्या उद्देशाने झालेला गोळीबार व...

तुर्काबादला किराणा दुकान फोडून 10 हजारांची चोरी

लिंबेजलगाव : तुर्काबाद खराडी (ता.गंगापुर, जि. औरंगाबाद ) येथे चोरट्यांनी किराणा दुकान फोडुन साहित्यासह 10 हजार रुपये चोल्याची घटना शनिवारी (ता.17)...

44crime_logo_525_1.jpg
शरीरसुखाची मागणी करणाऱ्या डॉक्‍टरवर गुन्हा 

पिंपरी : शरीर सुखाची मागणी मान्य न केल्यास एका 36 वर्षीय महिलेला बदनामी करण्याची व जीवे मारण्याची धमकी देणाऱ्या वायसीएम रुग्णालयातील डॉक्‍टराच्या...

vajreshvari.
वज्रेश्वरी योगिनी देवी संस्थानामध्ये सव्वातीन कोटींचा अपहार

वज्रेश्वरी - भिवंडी तालुक्यातील श्री वज्रेश्वरी योगिनी देवी संस्थानात जवळपास सव्वा तीन कोटी रुपयांच्या अपहार झाला आहे. या प्रकरणी विश्वस्थ...

15 मुद्यांच्या आधारे सोलापुरातील झेडपी शाळांची तपासणी

सोलापूर- दिवाळीच्या सुटीनंतर यंदाच्या वर्षातील दुसऱ्या शैक्षणिक सत्राला सोमवारपासून (ता. 19) सुरवात होत आहे. सुटीनंतरच्या पहिल्याच दिवशी जिल्ह्यातील...