Sections

भाजपला गुर्मी नडली

ज्ञानेश सावंत |   रविवार, 8 एप्रिल 2018
हडपसर - राष्ट्रवादी काँग्रेसच्या पूजा कोद्रे यांच्या विजयाची घोषणा होताच, चेतन तुपे यांना खांद्यावर घेऊन जल्लोष करताना कार्यकर्ते.

नेत्यांची प्रतिष्ठा पणाला
या प्रभागात राष्ट्रवादीची ताकद असली, तरी पूजा यांना चंचला कोद्रे यांच्या इतकी मते मिळणार नसल्याची चर्चा होती. याचा फायदा घेण्यासाठी पालकमंत्री गिरीश बापट यांच्यासह आमदार टिळेकर, जगदीश मुळीक हे प्रचारात उतरले होते. मात्र त्याचा फायदा झाला नसल्याचे दिसून आले. राष्ट्रवादीकडून शहराध्यक्षा वंदना चव्हाण, महापालिकेतील विरोधी पक्षनेते चेतन तुपे, नगरसेवक बंडू गायकवाड यांनीही प्रतिष्ठा पणाला लावली होती. शिवसेनेचे माजी आमदार महादेव बाबर, नाना भानगिरे, प्राची आल्हाट यांनी जोरदार प्रचार केला.

पुणे - राज्यातील बदलती राजकीय परिस्थिती आणि वातावरणाचे पडसाद मुंढव्यातील पोटनिवडणुकीत उमटले. ही निवडणूक राष्ट्रवादी काँग्रेसने जिंकली; मात्र यानिमित्ताने भारतीय जनता पक्षाला सणसणीत चपराक बसल्याचे या निकालावरून स्पष्ट झाले. भाजप नेत्यांचा अविर्भाव, गटातटाचे राजकारण आणि ढिसाळ प्रचार यंत्रणेमुळेच या पक्षाला धक्का नव्हे, तर हादरा बसला आहे. या निकालामुळे भाजपविरोधातील असंतोषही दिसून आला. दुसरीकडे, शिवसेनेने मुसंडी मारत, पाच हजारांहून अधिक मते मिळविली. परिणामी, या निवडणुकीने हडपसरमधील राजकीय समीकरणे बदलण्याची चिन्हे निर्माण झाली आहेत. 

माजी महापौर चंचला कोद्रे यांच्या निधनामुळे रिक्त झालेल्या निवडणुकीत त्यांच्या जाऊ व राष्ट्रवादीच्या उमेदवार पूजा कोद्रे विजयी झाल्या.

शिवसेनेच्या मोनिका तुपे यांना दुसऱ्या क्रमांकाची मते मिळाली, तर सुकन्या गायकवाड यांच्या पारड्यात ४ हजार ३३४ मते पडली. महापालिकेच्या २०१७ च्या निवडणुकीत गायकवाड यांना ११ हजार ४०० मते मिळाली होती. राष्ट्रवादीच्या विजयापेक्षा भाजपची मते घटल्याने आगामी निवडणुकांमध्ये या पक्षासाठी धोक्‍याची घंटा मानली जात आहे. मुंढव्याच्या निकालामुळे आमदार योगेश टिळेकर यांच्यासाठी धक्कादायक असल्याची चर्चा आहे.भाजपला दुसरा क्रमांक टिकविता आला नाही. तसेच भाजप आणि शिवसेनेची मते एकत्र केल्यास तो आकडा राष्ट्रवादीच्या उमेदवाराला मिळालेल्या मतांपेक्षा अधिक आहे. हा आकडा राष्ट्रवादी आणि काँग्रेससाठीही इशारा असल्याची चर्चा आहे. येत्या काळात भाजप-शिवसेनेची युती झाल्यास त्याचा परिणाम दोन्ही काँग्रेसवर होईल, ही शक्‍यताही नाकारता येत नाही.

भाजपमध्ये गटतट मुंढवा-मगरपट्‌टासिटीमधील वर्चस्व कायम राखण्यासाठी राष्ट्रवादीने प्रभावी प्रचार यंत्रणा राबविली होती. राष्ट्रवादीच्या बालेकिल्ल्यात धूळ चारून ही जागा ताब्यात घेण्याची भाजपची रणनीती होती. परिणामी, या निवडणुकीत विजयाची माळ कोणाच्या गळ्यात पडणार, याची उत्सुकता होती. निवडणूक जाहीर झाल्यापासूनच भाजपमध्ये उमेदवारीवरून रस्सीखेच होती. गायकवाड यांना गेल्या वेळी संधी दिल्याने अन्य इच्छुकांनी यंदा उमेदवारीची मागणी केली होती. त्यावरून भाजपमध्ये गटतट दिसून आले.  

Web Title: bjp ncp municipal by election politics

टॅग्स

संबंधित बातम्या

भाजपविरोधात आम्ही प्रचारात उघडपणे सहभागी होणार - भालचंद्र कांगो 

बारामती - केंद्र व राज्यातील भाजपप्रणित सरकारविरोधातच आमची या पुढील काळात कायमच भूमिका राहणार असून भाजपविरोधात आम्ही प्रचारात उघडपणे सहभागी होणार...

चाकण (ता. खेड) - एका हॉटेलात एकत्र आलेले माजी आमदार विलास लांडे व दिलीप मोहिते.
लांडे-मोहिते यांच्यात दिलजमाई

चाकण - लोकसभा निवडणुकीत शिरूर लोकसभा मतदारसंघात माजी आमदार विलास लांडे उमेदवारीसाठी इच्छुक आहेत. त्या दृष्टीने त्यांनी प्रयत्न सुरू केले आहेत. माजी...

Laxmanrao-Patil
लक्ष्मणराव पाटील... करारी बाण्याचा नेता

राजकारण, समाजकारण, सहकार, शिक्षण, शेती, कला, क्रीडा अशा सर्व क्षेत्रांतील अभ्यासू व्यक्तिमत्त्व म्हणून राज्यभरात परिचित असलेले वाई तालुक्‍यातील...

नांदेड - वंचित बहुजन आघाडीच्या वतीने गुरूवारी नवीन मोंढा मैदानावर सत्ता संपादन महामेळाव्यात ॲड. प्रकाश आंबेडकर आणि खासदार असदुद्दीन ओवेसी यांचा सत्कार करण्यात आला. यावेळी आमदार इम्तीयाज जलील, डॉ.यशपाल भिंगे, डॉ. संघरत्न कुऱ्हे, फिरोज लाला, अमीत भुईगळ
"वंचित आघाडी'ला जागा दिल्यास माघार - ओवेसी

नांदेड - कॉंग्रेसने ऍड. प्रकाश आंबेडकर यांच्या वंचित बहुजन आघाडीला समाधानकारक जागा देत सन्मानपूर्वक...

सरकारला खाली खेचण्यासाठी कामगारांनी एकजूट दाखवावी : पवार

बारामती शहर : केंद्र व राज्यातील सरकारने समाजातील कोणत्याच घटकाला न्याय दिलेला नाही. प्रत्येक घटक अस्वस्थ आहे, समाजाशी ज्यांनी इमान राखलेले...

मगो पोटनिवडणूक लढविणार- ढवळीकर

गोवा - गोव्यातील मांद्रे व शिरोडा या दोन्ही मतदारसंघातील पोटनिवडणूक लढविण्याचा निर्णय आज झालेल्या पक्षाच्या बैठकीत केंद्रीय समितीने घेतला आहे. शिरोडा...