Sections

"म्हैसाळ' च्या पाण्यासाठी मिरजेत सर्वपक्षीय मोर्चा 

संतोष भिसे |   मंगळवार, 27 फेब्रुवारी 2018
मिरज - म्हैसाळ सिंचन योजनेचा उपसा त्वरित सुरू करावा या मागणीसाठी सर्वपक्षीय कार्यकर्ते व शेतकऱ्यांचा तहसील कार्यालयावर मोर्चा. 

मिरज -  म्हैसाळ योजनेच्या पाण्यासाठी शेतकरी आज रस्त्यावर उतरले. मिरजेत मोर्चा काढून तहसीलदारांना निवेदन दिले. आठवड्यात योजना सुरू झाली नाही, तर आंदोलन तीव्र करण्याचा इशारा देण्यात आला आहे. 

मिरज -  म्हैसाळ योजनेच्या पाण्यासाठी शेतकरी आज रस्त्यावर उतरले. मिरजेत मोर्चा काढून तहसीलदारांना निवेदन दिले. आठवड्यात योजना सुरू झाली नाही, तर आंदोलन तीव्र करण्याचा इशारा देण्यात आला आहे. 

काँग्रेसचे तालुकाध्यक्ष अण्णासाहेब कोरे, पंचायत समितीतील प्रतोद अनिल आमटवणे, राष्ट्रवादीचे जिल्हा उपाध्यक्ष मनोज शिंदे, वसंतदादा कारखान्याचे अध्यक्ष विशाल पाटील, जिल्हा बॅंकेचे संचालक बाळासाहेब होनमोरे, बाजार समितीचे सभापती दिनकर पाटील, वसंतराव गायकवाड, आप्पासाहेब हुळ्ळे, प्रा. सिद्धार्थ जाधव, शिवसेनेचे संजय काटे, चंद्रकांत मैगुरे, शेतकरी संघटनेचे जिल्हाध्यक्ष महादेव कोरे, स्वाभिमानीचे तालुकाध्यक्ष बी. आर. पाटील यांनी नेतृत्व केले. 

10 मार्चला रास्तो रोको  योजनेच्या पाणीपट्टीचा सातबारावर चढवलेले बोजे त्वरित कमी करावेत. पाणीवापर संस्था तत्काळ स्थापन कराव्यात. मागील बिल माफ करावे. आठ मार्चपर्यंत उपसा सुरू झाला नाही, तर 10 मार्च रोजी पंढरपूर रस्त्यावर रास्ता रोको केला जाईल. पुढील टप्प्यात आंदोलन आणखी तीव्र करू. 

किसान चौकातून मोर्चा सुरू झाला. शासनाच्या निषेधाच्या घोषणा देत श्रीकांत चौकमार्गे तहसील कार्यालयावर तो गेला. तेथे जोरदार घोषणाबाजी झाली. "पाणी आमच्या हक्‍काचे' असे ठणकावत उपसा सुरू करण्याची जोरदार मागणी करण्यात आली. 

श्री. कोरे म्हणाले, ""पाणीटंचाई गंभीर स्वरूप धारण करीत आहे. योजना सुरू करण्याशिवाय पर्याय नाही.'' 

श्री. शिंदे म्हणाले,""उपसा सुरू झाला नाही हजारो एकर बागायत मातीमोल ठरेल. शेतकऱ्यांना कोट्यवधींचा फटका बसेल. पिण्याच्या पाण्यासाठीही वणवण करावी लागेल.'' 

श्री. आमटवणे म्हणाले,""शेतकऱ्यांच्या सुख-दुःखाशी देणेघेणे नसल्यासारखी भाजप सरकारची वागणूक आहे. मार्च उजाडला तरी उपसा सुरू झालेला नाही. यापूर्वीची थकबाकी टंचाईनिधीतून भागवून योजनेचा उपसा त्वरित सुरू करावा.'' 

सुभाष खोत म्हणाले,""सरकारचे धोरण शेतकऱ्यांना देशोधडीला लावणारे आहे. योजना सुरू न झाल्यास मिरज, जत, तासगाव, कवठेमहांकाळ व सांगोला तालुक्‍यांतील शेती धोक्‍यात येणार आहे.'' 

नायब तहसीलदारांना निवेदन देण्यात आले. पंचायत समितीचे माजी सभापती दिलीप बुरसे, सुभाष पाटील, संभाजी पाटील, विष्णू पाटील, बाळासाहेब नलवडे, गणेश देसाई, सुरेश कोळेकर, बाबासाहेब शिंदे, मौलाअली मुजावर, प्रमोद इनामदार, पप्पू शिंदे, शिवाजी महाडिक, गंगाधर तोडकर, वास्कर शिंदे, तानाजी सातपुते, गुलाबराव भोसले, अशोक रजपूत, अनिता कदम, संकेत परब, अख्तरपाशा पटेल, प्रशांत माळी, आशा कुंभार, सुरेखा पाटील, रमेश भोसले, अजित ढोले, रफिक मुजावर, सदाशिव खाडे, खंडेराव जगताप, तुषार खांडेकर, रावसाहेब पाटील आदी सहभागी झाले. 

 

Web Title: Sangli News agitation for Mheshal water

टॅग्स

संबंधित बातम्या

बळिराजाच्या विम्यावर कंपन्याच मालामाल

सोलापूर : मागील दोन वर्षांत राज्यातील 20 लाख 28 हजार शेतकऱ्यांनी रब्बीसाठी पिकविमा भरला. मात्र, त्यापैकी फक्‍त सहा लाख 27 हजार शेतकरीच भरपाईसाठी...

काँग्रेसचा सर्व लोकसभा मतदारसंघांचा आढावा

मुंबई : आगामी लोकसभा निवडणुकांमध्ये कॉंग्रेस, राष्ट्रवादी आघाडीनेच लढणार असल्याचे निश्‍चित झालेले असले तरी कॉंग्रेसने राज्यातील सर्वच्या सर्व 48...

sundeep waslekar
हवी विवाद-निराकरण यंत्रणा (संदीप वासलेकर)

विवादांना सकारात्मक वळण लागावं म्हणून प्रयत्न करून काही नवीन प्रक्रिया अमलात आणाव्या लागतात. गरज पडल्यास यंत्रणाही निर्माण कराव्या लागतात. भारतात...

राज्यात प्रथमच पंढरपूरमध्ये तीर्थक्षेत्र पोलिसिंग

पंढरपूर- राज्यात प्रथमच पंढरपुरात कार्तिकी यात्रेच्या निमित्ताने तीर्थक्षेत्र पोलिस हा नवा उपक्रम पोलिसांच्या माध्यमातून आज सुरू करण्यात आला....

इंदापुरातील सुमारे चार किमी रस्त्याचेे भूमिपूजन

इंदापूर : मुख्यमंत्री ग्रामसडक योजनेतून मौजे बेडशिंग ते भाटनिमगाव या सुमारे साडेतीन किलोमीटर लांबीच्या तसेच एक कोटी 65 लाख 28...

divyang
दिव्यागांनी मिळवला विकास निधीत वाटा

लातूर : स्थानिक स्वराज्य संस्थांना मिळणाऱ्या विकास निधीपैकी पाच टक्के निधी दिव्यांगांसाठी खर्च करण्याचे सरकारचे आदेश आहे. मात्र, या आदेशाची...