Sections

मी अधिकृतपणे भाजपचा कार्यकर्ता - सदाभाऊ खोत 

सकाळ वृत्तसेवा |   रविवार, 8 एप्रिल 2018
Sadabhau-BJP

सांगली - रयत क्रांती संघटना हा पक्ष नाही, मी अधिकृतपणे भारतीय जनता पक्षाचा क्रियाशील कार्यकर्ता आहे. माझा भाजप प्रवेश झाला आहे, असा खळबळजनक खुलासा आज कृषी राज्यमंत्री सदाभाऊ खोत यांनी केला. ते पत्रकारांशी बोलत होते.

सदाभाऊ खोत यांनी स्वाभिमानी शेतकरी संघटनेला सोडचिठ्ठी देण्याआधीच त्यांनी भाजपमध्ये प्रवेश केला होता. विधान परिषदेसाठी उमेदवारी अर्ज दाखल करण्याआधी ही प्रक्रिया उरकली होती. "गळ्यात हार घालून सोहळा करण्याची गरज नाही'', असेही त्यांनी स्पष्ट केले. त्यामुळे सदाभाऊ खोत यांची ओळख आता भाजपचे नेते अशी करावा लागणार आहे. 

सांगली - रयत क्रांती संघटना हा पक्ष नाही, मी अधिकृतपणे भारतीय जनता पक्षाचा क्रियाशील कार्यकर्ता आहे. माझा भाजप प्रवेश झाला आहे, असा खळबळजनक खुलासा आज कृषी राज्यमंत्री सदाभाऊ खोत यांनी केला. ते पत्रकारांशी बोलत होते.

सदाभाऊ खोत यांनी स्वाभिमानी शेतकरी संघटनेला सोडचिठ्ठी देण्याआधीच त्यांनी भाजपमध्ये प्रवेश केला होता. विधान परिषदेसाठी उमेदवारी अर्ज दाखल करण्याआधी ही प्रक्रिया उरकली होती. "गळ्यात हार घालून सोहळा करण्याची गरज नाही'', असेही त्यांनी स्पष्ट केले. त्यामुळे सदाभाऊ खोत यांची ओळख आता भाजपचे नेते अशी करावा लागणार आहे. 

माजी मुख्यमंत्री नारायण राणे यांनी राज्यसभेसाठी अर्ज करताना ते पक्ष कोणता सांगणार? असा मुद्दा चर्चेला आला होता. कारण, विधान परिषद किंवा राज्यसभेला ज्या पक्षाकडून अर्ज दाखल करायचा त्याचे सभासद असणे गरजेचे असते. त्याच मुद्यावर आज सदाभाऊंना छेडले असता त्यांनी हा मोठा खुलासा केला. सदाभाऊ छातीला रयत क्रांती संघटनेचा बिल्ला लावतात आणि गळ्यात भाजपचे उपरणं घालतात, मात्र त्यांनी भाजप प्रवेश केला नाही, असाच कार्यकर्त्यांसह सर्वांचा समज होता. तो आज दूर झाला. 

सदाभाऊ म्हणाले, "मी भाजपचा क्रीयाशील सभासद आहे. विधान परिषदेसाठी ए बी फॉर्म भरतानाच मी भाजप प्रवेश केला आहे.'' एकाचवेळी भाजप व रयत क्रांती संघटना या दोन्ही ठिकाणी सभासद कसे राहता येईल, या प्रश्‍नावर ते म्हणाले, "रयत क्रांती संघटना ही राजकीय पक्ष नव्हे. लोकहितासाठी काम करणारी ती संघटना आहे. त्यामुळे मी भाजपचा असण्याचा आणि संघटनेचा तांत्रिक अडचणीचा विषय येत नाही.'' 

Web Title: sadabhau khot says he is bjp worker

टॅग्स

संबंधित बातम्या

सुमारे 4 हजार किमीचा प्रवास केला सायकलने!

सहकारनगर : शाहू महाविद्याल पर्वती येथील अभिजित गवळी व सायली महाराव या दोन विद्यार्थ्यांनी अरुणाचल प्रदेश ते गुजरात असा 3900 किलोमीटरचा सायकल...

'डॉक्टर चिंतेत; देश वाचवू की, दंगलखोर'

नवी दिल्ली- 'डॉक्टर चिंता में हैं...देश को बचाए या दंगाई को?' राष्ट्रधर्म का पालन हों। असं वादग्रस्त ट्वीट पाटीदार नेते हार्दिक पटेल यांनी केलं आहे....

आम्हाला हे सरकार आमचे वाटतच नाही - अर्जुन खोतकर 

औरंगाबाद - शिवसेनेच्या पाठिंब्यावर सत्तेवर असलेल्या भाजप सरकारने आम्हाला नेहमीच दुय्यम वागणूक दिली. प्रत्येक ठिकाणी आमदार, मंत्र्यांची अडवणूक...

राष्ट्रवादीचे शिवसेनेवर  "सर्जिकल स्ट्राइक' 

मनमाड - दिंडोरी विधानसभा मतदारसंघाचे माजी आमदार धनराज महाले यांनी गुरुवारी (ता. 17) समर्थकांसह राष्ट्रवादी कॉंग्रेसमध्ये प्रवेश केला. त्यामुळे...

"राष्ट्रवादी' पुन्हा होईल बलवान?

स्वातंत्र्यपूर्व काळात जळगाव जिल्ह्यात झालेले फैजपूर कॉंग्रेस अधिवेशन हे ऐतिहासिक आहे. त्यानंतर कॉंग्रेसची पाळेमुळे जिल्ह्यात रुजली होती....

"राष्ट्रवादी'चा गजर, देवकरांवरच नजर! 

जळगाव : लोकसभा मतदार संघात निवडणुकीचे वारे वाहू लागले आहेत. भारतीय जनता पक्ष व शिवसेनेतर्फे स्वतंत्र उमेदवार मैदानात उतरण्यास तयार आहेत. मात्र "युती'...