Sections

माजी गृहमंत्र्यांच्या पत्नीवर दुर्दैवी वेळ - अजित पवार 

सकाळ वृत्तसेवा |   बुधवार, 4 एप्रिल 2018
In the NCPs Hallabol Agitation Ajit Pawar Criticized to Government

आज तासगाव बंद होते. तर आमदार सुमन पाटील यांनी खासदारांवर कारावाई करावी यासाठी धरणे आंदोलन केले आहे. या सर्व प्रकरणाच्या छायेतच राष्ट्रवादीच्या हल्लाबोलला प्रारंभ झाला. 

आटपाडी - तासगावातील भाजप व राष्ट्रवादीत झालेल्या राड्याचा संदर्भ घेत माजी उपमुख्यमंत्री आमदार अजित पवार यांनी गृहखात्यावर तोफ डागली. राज्यातील कायदा सुव्यवस्था धोक्‍यात असून राष्ट्रवादीच्या कार्यकर्त्यांवर हल्ले होत आहेत. यामुळे माजी गृहमंत्री आर. आर. पाटील यांच्या आमदार पत्नीवर उपोषणाची वेळ आली आहे. तेथे सर्वसामान्यांची कोण दाद घेणार? अशा शब्दात त्यांनी गृहखात्याचे वाभाडे काढले. जिल्ह्यात राष्ट्रवादीच्या हल्लाबोल आंदोलनास आज आटपाडीतून प्रारंभ झाला. 

राष्ट्रवादीच्या या हल्लाबोल यात्रेच्या पार्श्‍वभूमीवरच तासगावात भाजपने राष्ट्रवादीच्या कार्यकर्त्यांसह पोलिसांवरही हल्ला केला. यासाठी आज तासगाव बंद होते. तर आमदार सुमन पाटील यांनी खासदारांवर कारावाई करावी यासाठी धरणे आंदोलन केले आहे. या सर्व प्रकरणाच्या छायेतच राष्ट्रवादीच्या हल्लाबोलला प्रारंभ झाला. 

श्री. पवार म्हणाले, 'केंद्र आणि राज्यातील भाजप सरकारकडून पश्‍चिम महाराष्ट्रावर सर्वात मोठा अन्याय केला जात आहे. आजचे मंत्रालय आत्महत्यालय झाले आहे. राज्यातील कायदा सुव्यवस्था धोक्‍यात आली आहे. आधारभूत किंमत, वर्षाला दोन लाख नोकऱ्या, पंधरा लाख खात्यावर जमा करणार, आरक्षण यापैकी एकही शब्द सरकारने पाळला नाही', अशा शब्दात त्यांनी तोफ डागली.

माजी उपमुख्यमंत्री अजित पवार, माजी मंत्री आमदार जयंत पाटील, प्रदेशाध्यक्ष सुनिल तटकरे, दिलीप वळसे पाटील, अण्णासाहेब डांगे, जिल्हाध्यक्ष विलासराव शिंदे, महिला प्रदेशाध्यक्ष चित्रा वाघ, मध्यवर्ती बँकेचे अध्यक्ष दिलीप पाटील आदी उपस्थित होते. रणरणत्या उन्हात झालेल्या या सभेला आटपाडीत चांगला प्रतिसाद मिळाला. शेतकरी, तरूण आणि महीलांची लक्षणीय उपस्थिती होती. 

श्री. पवार म्हणाले, 'भाजपकडून पश्‍चिम महाराष्ट्रावर सर्वात मोठा अन्याय झाला आहे. कृषीमंत्री असताना शरद पवारांनी शेतकऱ्यांना मोठी मदत केली. मात्र आताचे कृषीमंत्री कोण ते जनतेला माहितही नाहीत. राष्ट्रवादी जातीपातीचे आणि नात्यागोत्याचं राजकारण करीत नाही आमची जातच शेतकरी आहे.' 

भाजपचे पालकमंत्री सुभाष देशमुख यांच्यावर टीकेची झोड उठवताना ते म्हणाले, '32 रूपये किलोने साखर घेण्याचे पालकमंत्र्यांनी आश्वासन दिले, मात्र एक किलोही घेतली नाही. तुरघोटाळा केला. उंदीर घोटाळा, चहा घोटाळाही केला. लोकमंगलमध्ये सापडलेल्या 500, 1000 च्या नोटा कोणाच्या होत्या? असा सवाल करत सोलापुरात फायरबिग्रेडच्या जागेवर घर बांधले आहे.' 

प्रदेशाध्यक्ष तटकरे म्हणाले, 'कर्जमाफीच्या नावाखाली शेतकऱ्यांच्या तोंडाला पाने पुसली आहेत. मात्र 89 लाख शेतकऱ्यांना कर्जमाफी मिळेपर्यंत हल्लाबोल सुरू राहणार आहे. सरकारच्या धोरणामुळे डाळिंब, द्राक्ष आणि भाजीपाला उत्पादक शेतकरी रस्त्यावर आला आहे. खोटं पण रेटून बोलणारे हे सरकार आहे. साडेतीन वर्षात जनतेच्या खात्यात पंधरा लाख नव्हे एक पैसाही जमा झाला नाही.'

आपण एका क्लिकवर ताजे अपडेट्स आपल्या मोबाईलमध्येही मिळवू शकता.

  • 'ई सकाळ'चे अॅप डाउनलोड करण्यासाठी क्लिक करा.
  • शेतीविषयीची अपडेट असलेले 'अॅग्रोवन' अॅप डाउनलोड करण्यासाठी ​क्लिक करा.
  • राजकारणाची प्रत्येक घडामोड कळविणारे 'सरकारनामा' अॅप डाउनलोड करण्यासाठी क्लिक करा.
Web Title: In the NCPs Hallabol Agitation Ajit Pawar Criticized to Government

टॅग्स

संबंधित बातम्या

राज्यात प्रथमच पंढरपूरमध्ये तीर्थक्षेत्र पोलिसिंग

पंढरपूर- राज्यात प्रथमच पंढरपुरात कार्तिकी यात्रेच्या निमित्ताने तीर्थक्षेत्र पोलिस हा नवा उपक्रम पोलिसांच्या माध्यमातून आज सुरू करण्यात आला....

इंदापुरातील सुमारे चार किमी रस्त्याचेे भूमिपूजन

इंदापूर : मुख्यमंत्री ग्रामसडक योजनेतून मौजे बेडशिंग ते भाटनिमगाव या सुमारे साडेतीन किलोमीटर लांबीच्या तसेच एक कोटी 65 लाख 28...

कान्हूर मेसाई (ता. शिरूर) येथे दुष्काळी भागातील नागरीकांचे प्रश्न समजावून घेऊन त्यांच्याशी संवाद साधताना विधानसभेचे माजी अध्यक्ष दिलीप वळसे पाटील.
पाणी, चारा नसल्याने जनावरांना कसे संभाळायचे? (व्हिडिओ)

टाकळी हाजी (शिरूर, पुणे): साहेब, पिण्यासाठी पाणी नाही, चारा नसल्य़ाने जनावरांना कसे संभाळायचे यांची चिंता, दु्ष्काळी परीस्थीतीत हाताला काम मिळणे...

mbl-ban
ताडोबा व्याघ्र प्रकल्पात एक डिसेंबरपासून मोबाईल बंदी

चंद्रपूर : सफारीच्यावेळी पर्यटकांना वाघ आणि अन्य वन्यजीवांना भ्रमणध्वनीत आता कैद करता येणार नाही. ताडोबा अंधारी व्याघ्र प्रकल्पाच्या व्यवस्थापनाने...

MES
महाराष्ट्र एज्युकेशन सोसायटीच्या स्नेहमेळाव्याचे आयोजन

पुणे : पुण्यातील महाराष्ट्र एज्युकेशन सोसायटी ही नामांकित संस्था 19 नोव्हेंबरला 159व्या वर्षात पदार्पण करीत आहे. याचनिमित्ताने 24 नोव्हेंबर (शनिवार)...

divyang
दिव्यागांनी मिळवला विकास निधीत वाटा

लातूर : स्थानिक स्वराज्य संस्थांना मिळणाऱ्या विकास निधीपैकी पाच टक्के निधी दिव्यांगांसाठी खर्च करण्याचे सरकारचे आदेश आहे. मात्र, या आदेशाची...