Sections

यात्रा तोंडावर... बांधकाम विभाग ढिम्मच!

सकाळ वृत्तसेवा |   मंगळवार, 13 मार्च 2018
श्री क्षेत्र नाईकबा - घाटात रस्त्याशेजारीच दरडींचे दगड पडून आहेत.

ढेबेवाडी - चैत्राच्या चाहूलीबरोबरच महाराष्ट्र आणि कर्नाटकातील लाखो भाविकांना बनपुरी (ता. पाटण) येथील श्री नाईकबा यात्रेची चाहूल लागते. अवघ्या दहा दिवसांवर यात्रा येऊन ठेपल्याने तयारीची लगबग सुरू आहे. प्रतिवर्षी यात्रेपूर्वी दोन-चार दिवस अगोदर रस्त्यांच्या डागडुजीची कामे हाती घेऊन समस्या वाढविणाऱ्या बांधकाम विभागाबद्दल भाविकांसह नागरिकांतून तीव्र नाराजी व्यक्त होत आहे. 

ढेबेवाडी - चैत्राच्या चाहूलीबरोबरच महाराष्ट्र आणि कर्नाटकातील लाखो भाविकांना बनपुरी (ता. पाटण) येथील श्री नाईकबा यात्रेची चाहूल लागते. अवघ्या दहा दिवसांवर यात्रा येऊन ठेपल्याने तयारीची लगबग सुरू आहे. प्रतिवर्षी यात्रेपूर्वी दोन-चार दिवस अगोदर रस्त्यांच्या डागडुजीची कामे हाती घेऊन समस्या वाढविणाऱ्या बांधकाम विभागाबद्दल भाविकांसह नागरिकांतून तीव्र नाराजी व्यक्त होत आहे. 

चैत्रात होणाऱ्या श्री नाईकबा देवाच्या यात्रेसाठी दूरवरून भाविक येतात. यात्रेचे दोन दिवस आणि त्यानंतरच्या पाच रविवारी होणाऱ्या पाकाळण्यांना गर्दी असते. यात्रेत भाविकांची गैरसोय होऊ नये, कायदा व सुव्यवस्था टिकून राहावी, यासाठी प्रशासनाकडून पोलिस बंदोबस्त, एसटी वाहतूक, पार्किंग, पाणीपुरवठा, वीजपुरवठा आदींचे नियोजन केले जाते. त्यासाठी विविध विभागांच्या अधिकाऱ्यांची यात्रास्थळी बैठकही होते. यात्राकाळात गर्दीवर तसेच मंदिर परिसरावर लक्ष ठेवण्यासाठी सीसीटीव्ही कॅमेरे बसविण्यात येतात. शिस्तबद्ध दर्शन घडण्यासाठी पोलिस आणि स्वयंसेवकांची पथकेही तैनात असतात. डोंगरमाथ्यावर यात्रेपुरते तात्पुरते बस स्थानक उभारून विविध आगारांतून बसचे नियोजन करण्यात येते.  

डोंगरमाथ्यावर भाविकांची गर्दी गुढीपाडव्याच्या आदल्या दिवशी कऱ्हाडहून मानाच्या सासनकाठीचे आगमन झाल्यानंतर यात्रेची चाहूल लागते. येत्या २२ मार्चला श्रींच्या नैवद्याचा दिवस असून २३ मार्चला पालखी सोहळा निघणार आहे. काही वर्षांपासून डोंगरमाथ्यावर श्री नाईकबा मंदिराचे बांधकाम सुरू आहे. आतापर्यंत मंदिराच्या बऱ्याच कामाचा उरक झाला आहे.

अनेक भाविक कुटुंबीयांसह बैलगाडीतूनही येतात. यात्रा जवळ आल्याने मंदिरात भाविकांची गर्दी वाढू लागली आहे. डोंगरमाथ्यावरील विहिरीत पायथ्याला असलेल्या बनपुरीतून पाणी आणण्यात आले आहे. यात्राकाळात विहिरीची पाणीपातळी कमी होत असल्याने महिंद धरणातून वांग नदीत पाणी सोडण्याचे नियोजनही करावे लागते. 

घाटमार्गातील रस्त्याची दुरवस्था घाट मार्गातील रस्त्याच्या साइडपट्ट्या अनेक ठिकाणी उद्‌ध्वस्त झाल्या आहेत. पावसाळ्यात वळणावर तुटलेला रस्ताही तसाच आहे. दरडींचे अनेक मोठे दगड रस्त्याशेजारीच पडून आहेत. घाटात कुठेही सूचना फलक नसल्याने नवख्या वाहनचालकांचा गोंधळ उडत आहे. रस्त्याच्या दुतर्फा वाढलेले गवत आणि झुडपेही तशीच आहेत. शिवाय ठिकठिकाणी खड्डेही दिसत आहेत. काही दिवसांपूर्वीच मिरज भागातून आलेली भाविकांची कार घाटातील वळणाचा अंदाज न आल्याने घाटातून खाली कोसळल्याची घटना घडली. प्रतिवर्षी यात्रेपूर्वी दोन-चार दिवस अगोदर रस्त्याची डागडुजी हाती घेण्यात येत असल्याने बारीक खडी आणि मुरूम रस्त्यावर पसरून वाहने घसरण्याचे प्रकार घडतात. यात्रेच्या अगदी तोंडावर हे सोपस्कार करणाऱ्या बांधकाम विभागाला अगोदर का जाग येत नाही, असा प्रश्‍न भाविकांना अनेक वर्षांपासून येथे पडत आहे.

...ही आहे वस्तुस्थिती  घाटात अनेक ठिकाणी साइडपट्ट्या उद्‌ध्वस्त  दरडींचे मोठे दगड रस्त्याशेजारी पडून  वळणावर तुटलेला रस्ता तसाच  घाटात कुठेही नाहीत सूचना फलक  रस्त्याच्या दुतर्फा गवत अन्‌ झुडपेही

Web Title: marathi news dhebewadi news yatra construction road

टॅग्स

संबंधित बातम्या

muktapeeth
घरचे कार्य! (ढिंग टांग)

गेले दोन-तीन आठवडे आम्हाला महाराष्ट्रातील राजकारणाकडे तितकेसे लक्ष देता आले नाही, ह्याबद्दल दिलगीर आहो. घरात मंगलकार्य निघाल्यामुळे लगीनघाईच्या...

जमावाने केलेल्या दगडफेकीत मलठणला चार पोलिस जखमी 

फलटण - शहरातील मलठणमधील कुंभार टेक-गोसावी वस्तीवर सुरू असलेल्या जुगार अड्डयावर छापा टाकताना 20 ते 21 लोकांच्या जमावाने पोलिस पथकावर दगडफेक केली...

बेस्टच्या ताफ्यात भाड्याच्या बस 

मुंबई - बेस्ट आर्थिक संकटात असल्याने त्यावर उपाय म्हणून एक हजार बस भाडेतत्त्वावर घेण्याचा निर्णय बेस्ट प्रशासनाने घेतला आहे. या निर्णयामुळे...

फेरीवाल्यांसाठीचा प्रस्ताव सत्ताधाऱ्यांनीच अडवला

पुणे - पथारी व्यावसायिकांना शिस्त लावण्यासह महापालिकेच्या उत्पन्नात वाढ करण्याच्या हेतूने या व्यावसायिकांना भाडे आकारण्याचा निर्णय महापालिका...

खासगी बसच्या प्रवेशबंदीला स्थगिती

पुणे- प्रवाशांची वाहतूक करणाऱ्या खासगी बसना शहरात सकाळी ८ ते दुपारी १२ आणि सायंकाळी ते ५ ते रात्री ९ प्रवेशबंदी करण्याच्या वाहतूक पोलिसांच्या आदेशाला...

मार्केट यार्डमध्ये ड्राय फ्रूट व्यापाऱ्याला लुबाडले

पुणे - दुचाकीवर आलेल्या चोरट्यांनी मार्केट यार्ड येथील एका ड्राय फ्रूट व्यापाऱ्याची रोकड लुटल्याची घटना गुरुवारी रात्री सव्वाआठच्या सुमारास घडली...