Sections

महावितरणची मोबाईल सेवा लोकप्रिय

सकाळ वृत्तसेवा |   मंगळवार, 24 एप्रिल 2018
Mahavitaran-App

सातारा - वीजबिलाचा तपशील, तसेच वीजपुरवठा बंद असण्याचा कालावधी व इतर माहिती वीज ग्राहकांच्या मोबाईलवर ‘एसएमएस’द्वारे पाठविण्याची सेवा ‘महावितरण’ने सुरू केली आहे. ‘महावितरण’कडे मोबाईल क्रमांकांची नोंदणी केलेल्या सातारा मंडलातील आठ लाख ८९ हजार १८० ग्राहकांपैकी आठ लाख ३८ हजार ८९० ग्राहक या सुविधेचा लाभ घेत आहेत.

सातारा - वीजबिलाचा तपशील, तसेच वीजपुरवठा बंद असण्याचा कालावधी व इतर माहिती वीज ग्राहकांच्या मोबाईलवर ‘एसएमएस’द्वारे पाठविण्याची सेवा ‘महावितरण’ने सुरू केली आहे. ‘महावितरण’कडे मोबाईल क्रमांकांची नोंदणी केलेल्या सातारा मंडलातील आठ लाख ८९ हजार १८० ग्राहकांपैकी आठ लाख ३८ हजार ८९० ग्राहक या सुविधेचा लाभ घेत आहेत.

बारामती परिमंडलात घरगुती, वाणिज्यिक, औद्योगिक, कृषिपंपधारक व इतर असे एकूण २४ लाख २६ हजार ३३५ वीज ग्राहक आहेत. त्यापैकी २२ लाख ३९ हजार १९६ वीज ग्राहकांनी ग्राहक क्रमांकासोबत स्वतःचे मोबाईल क्रमांक ‘महावितरण’कडे नोंदवले आहेत. त्यात सातारा मंडलातील आठ लाख ८९ हजार १८० ग्राहकांपैकी आठ लाख ३८ हजार ८९० ग्राहकांनी आपले मोबाईल क्रमांक नोंदवले आहेत. 

मोबाईल क्रमांकाची नोंदणी केलेल्या वीज ग्राहकांच्या मोबाईलवर वीज सेवेसंबंधित विविध माहिती ‘एसएमएस’द्वारे पाठविण्यात येते. वीजबिल तयार होताच ग्राहकाने किती वीज वापरली, मीटर रीडिंग, एकूण वीजबिल, सध्याचे रीडिंग, बिल भरण्याची अंतिम तारीख आदी माहिती ग्राहकांना देण्यात येते, तसेच तांत्रिक बिघाड किंवा नियोजित देखभाल व दुरुस्तीमुळे वाहिनीवरील बंद असलेला वीजपुरवठा पूर्ववत होण्याचा कालावधी वीज ग्राहकांना ‘एसएमएस’द्वारे कळविण्यात येतो. ‘महावितरण’ने कर्मचाऱ्यांसाठी तयार केलेल्या ‘कर्मचारी मित्र’ या मोबाईल ॲपद्वारे वीजपुरवठा बंद असलेल्या वीज वाहिनीची नोंद घेऊन संबंधित वीज ग्राहकांच्या मोबाईलवर वीजपुरवठा बंद बाबतचा कालावधी एसएमएसद्वारे नियमित कळविण्यात येतो. 

वीज ग्राहकांना स्वतःहून मोबाईल क्रमांकाची नोंदणी करता येणार आहे. त्यात त्यांनी नोंदणी करावयाच्या मोबाईल क्रमांकावरून ९२२५५९२२५५ क्रमांकावर MREG (बारा अंकी ग्राहक क्रमांक) अशी माहिती टाईप करून एसएमएस केल्यास मोबाईल क्रमांकाची नोंदणी होणार आहे. MREG व ग्राहक क्रमांक यात स्पेस देणे आवश्‍यक आहे. त्याशिवाय २४ तास सुरू असणाऱ्या कॉल सेंटरचे १९१२ किंवा १८००-१०२-३४३५ आणि १८००-२३३-३४३५ हे तीन टोल फ्री क्रमांक उपलब्ध असून, कोणत्याही कंपनीच्या मोबाईल किंवा दूरध्वनीद्वारे या दोन्ही क्रमांकावर संपर्क साधता येतो. 

मराठीतही मिळणार मेसेज भाषेची अडचण लक्षात घेऊन आता मराठी भाषेतही ‘एसएमएस’ पाठविण्यात येतात. त्यासाठी ग्राहकांनी मोबाईल क्रमांक ‘महावितरण’कडे नोंदवला असेल तर त्यावरून मराठी भाषेसाठी MLANG टाईप करून स्पेस देऊन आपला १२ आकडी ग्राहक क्रमांक टाकावा. त्यानंतर स्पेस देऊन १ क्रमांक टाकून ९२२५५९२२५५ या क्रमांकावर पाठवावा, असे आवाहन ‘महावितरण’ने केले आहे. 

मोबाईल क्रमांक नोंदवलेले ग्राहक बारामती मंडल - २२,३९,१९६  सातारा मंडल - ८,३८,८९०

Web Title: mahavitaran mobile app electricity bill

टॅग्स

संबंधित बातम्या

Mobile
व्हिडिओ गेमच्या नादातून विद्यार्थ्याची आत्महत्या

नागपूर - शाळकरी विद्यार्थ्याने घरी कुणी नसताना गळफास लावून आत्महत्या केल्याची दुर्दैवी घटना महाल परिसरात उघडकीस आली आहे. मोबाईल व व्हिडिओ गेमच्या...

Crime
१५ वितरकांना ९० लाखांना ठकविले

पुणे - शहरातील १५ मोबाईल वितरकांची सुमारे ९० लाख ९६ हजार रुपयांची फसवणूक करून एका दुकानदाराने ठकविल्याचा गुन्हा सहकारनगर पोलिस ठाण्यात दाखल झाला आहे...

Toll
वर्तुळाकार मार्गासाठी टोल

पुणे - शहरात उच्च क्षमता वर्तुळाकार वाहतूक मार्ग (एचसीएमटीआर) प्रकल्पाच्या आर्थिक सल्लागाराने प्राथमिक अहवाल सादर केला आहे. यामध्ये टोलचा पर्याय...

छोट्यांचे मोठे यश

छोट्यांचे मोठे यश नागपूर : छोटा बच्चा जान के हमसे ना टकराना रे... असं म्हणणाऱ्या लिटल जीनिअसची संख्या समाजात वाढली आहे. नागपूरमध्येही अशा मास्टर...

ट्रामा सेंटरला अखेर मुहूर्त

पिंपरी - पुणे-मुंबई द्रुतगती मार्गावरील अपघातग्रस्तांना तत्काळ मदत मिळावी, म्हणून येथे प्रस्तावित असणारे ट्रामा केअर सेंटर सुरू होण्यासाठी आणखी...

तीन पानी पत्त्याच्या जुगारावर पोलिसांचा छापा

कऱ्हाड : तीन पानी पत्त्याच्या जुगारावर छापा टाकून पोलिसांनी जुगार खेळणार्‍या 15 जणांना ताब्यात घेतले. त्यांच्याकडून 19 हजारांच्या रोख रकमेसह तेरा...