Sections

 पंचगंगेचे प्रदूषण करणाऱ्यांवर येत्या ४८ तासांत कारवाई करा - कदम

गणेश शिंदे |   शुक्रवार, 4 मे 2018

जयसिंगपूर - पंचगंगेचे प्रदूषण करणाऱ्यांवर येत्या ४८ तासांत कठोर कारवाई करा; अन्यथा मी तुमच्यावर कारवाई करेन, असा सज्जड दम पर्यावरण मंत्री रामदास कदम यांनी प्रदूषण नियंत्रण मंडळाचे प्रादेशिक अधिकारी दिलीप खेडकर यांना गुरुवारी दिला. 

जयसिंगपूर - पंचगंगेचे प्रदूषण करणाऱ्यांवर येत्या ४८ तासांत कठोर कारवाई करा; अन्यथा मी तुमच्यावर कारवाई करेन, असा सज्जड दम पर्यावरण मंत्री रामदास कदम यांनी प्रदूषण नियंत्रण मंडळाचे प्रादेशिक अधिकारी दिलीप खेडकर यांना गुरुवारी दिला. 

यानंतर खडबडून जागे झालेल्या मंडळाने कोल्हापूर महापालिका आणि इचलकरंजी पालिकेवर कारवाईच्या हालचालींना प्रारंभ केला. दरम्यान, वारणेच्या पाण्यावरून निर्माण झालेल्या वादाच्या पार्श्‍वभूमीवर कारवाईचा निर्णय घेण्यात आला आहे.  आदेशानुसार ४८ तासांत कारवाई होणार का, याकडे लक्ष लागून राहिले आहे. 

आमदार उल्हास पाटील यांनी मुंबईत श्री. कदम यांची भेट घेऊन निवेदन दिले. त्यात म्हटले आहे, की वारणेतून इचलकरंजीला पाणी देण्यास दानोळीसह वारणाकाठच्या लोकांनी तीव्र विरोध केला आहे. साडेचारशे पोलिसांच्या फौजफाट्यासह आलेल्या अधिकाऱ्यांना विरोध झाल्यानंतर भूमिपूजनाचा घाट उधळला गेला. आधी पंचगंगा प्रदूषित झाली. कृष्णाही त्याच वाटेवर आहे. त्यामुळे अन्य नद्यांमधून पाणीपुरवठ्याचा आग्रह होत आहे.

नदी प्रदूषण करणाऱ्यांवर कठोर कारवाईची गरज आहे, तरच नदी स्वच्छ राहील. इतर नद्यांवरही ताण पडणार नाही. आजवर प्रदूषण नियंत्रण मंडळाने पाहणी आणि अहवाल यातच वेळ घालवला आहे. प्रत्यक्षात कारवाई होत नाही. परिणामी, घटकांकडून बिनधास्तपणे प्रदूषण केले जात असल्याचे आमदार पाटील यांनी मंत्र्यांच्या निदर्शनास आणून दिले. 

यानंतर श्री. कदम यांनी खेडकर यांना दूरध्वनीवरून कठोर कारवाईचे आदेश दिले. येत्या ४८ तासांत कारवाई झाली पाहिजे; अन्यथा मी तुमच्यावर कारवाई करेन, असा दमही भरला. 

श्री. कदम यांनी कारवाईचे आदेश दिले आहेत. पहिल्या टप्प्यात कोल्हापूर महापालिका आणि इचलकरंजी पालिकेला नोटीस दिली जाईल. यानंतर कठोर कारवाई करू. टप्प्याटप्प्याने अन्य घटकांवर कारवाई करू.  - दिलीप खेडकर, प्रादेशिक अधिकारी, प्रदूषण नियंत्रण मंडळ

माझा फोन हाच आदेश... श्री. कदम यांनी संबंधित अधिकाऱ्यांना ‘माझा फोन हाच आदेश समजा. वेगळ्या आदेशाची वाट पाहू नका,’ असे दूरध्वनीवरून खडसावले. 

पंचगंगेच्या प्रदूषणामुळेच आज वारणेच्या पाण्यावरून वाद निर्माण झाला आहे. जखम डोक्‍याला आणि पट्टी गुडघ्याला अशी स्थिती आहे. पंचगंगाच प्रदूषणमुक्त झाली तर वारणेचा प्रश्‍नच निर्माण होणार नाही. दानोळीतून इचलकरंजीला पाणी दिल्यास भविष्यात पाण्याचे दुर्भिक्ष्य निर्माण होऊ शकते. वारणा नदीवर ताण पडू द्यायचा नसेल तर पंचगंगा प्रदूषणमुक्त झालीच पाहिजे. त्यासाठी पाठपुरावा करू. - उल्हास पाटील,  आमदार

Web Title: Kolhapur News Panchagang River Pollution Issue

टॅग्स

संबंधित बातम्या

औरंगाबादची हवा हानिकारक

औरंगाबाद- शहरात वावरत असताना आपण घेत असलेला श्वास हा रोगांचे ओझे लादणारा ठरतो आहे. शहराच्या हवेत रोगांचा राबता असल्याचे समोर आले आहे. औरंगाबाद...

sundeep waslekar
हवी विवाद-निराकरण यंत्रणा (संदीप वासलेकर)

विवादांना सकारात्मक वळण लागावं म्हणून प्रयत्न करून काही नवीन प्रक्रिया अमलात आणाव्या लागतात. गरज पडल्यास यंत्रणाही निर्माण कराव्या लागतात. भारतात...

samir abhyankar
गाण्यात इतरांची नक्कल नको (समीर अभ्यंकर)

शास्त्रीय असो वा उपशास्त्रीय सादरीकरण, श्रोत्यांना निराळं काहीतरी ऐकवण्यासाठी मी नेहमीच उत्सुक असतो. गाण्यात इतरांची नक्कल नसावी, स्वतःची अशी...

dr sanjay dhole
अतिसूक्ष्म विज्ञानाची गरुडझेप (डॉ. संजय ढोले)

नॅनो टेक्‍नॉलॉजी म्हणजे अतिसूक्ष्म पदार्थांचा उपयोग करून विविध गोष्टी साध्य करण्याचं तंत्रज्ञान सध्या वेगानं लोकप्रिय होत आहे. वैद्यकशास्त्रापासून ते...

इंदापुरातील सुमारे चार किमी रस्त्याचेे भूमिपूजन

इंदापूर : मुख्यमंत्री ग्रामसडक योजनेतून मौजे बेडशिंग ते भाटनिमगाव या सुमारे साडेतीन किलोमीटर लांबीच्या तसेच एक कोटी 65 लाख 28...

कान्हूर मेसाई (ता. शिरूर) येथे दुष्काळी भागातील नागरीकांचे प्रश्न समजावून घेऊन त्यांच्याशी संवाद साधताना विधानसभेचे माजी अध्यक्ष दिलीप वळसे पाटील.
पाणी, चारा नसल्याने जनावरांना कसे संभाळायचे? (व्हिडिओ)

टाकळी हाजी (शिरूर, पुणे): साहेब, पिण्यासाठी पाणी नाही, चारा नसल्य़ाने जनावरांना कसे संभाळायचे यांची चिंता, दु्ष्काळी परीस्थीतीत हाताला काम मिळणे...