Sections

विश्‍वकोशातून उलगडणार मराठी भाषेचे नवे रूप

संदीप खांडेकर |   मंगळवार, 27 फेब्रुवारी 2018

कोल्हापूर - मराठी भाषेतील आधुनिक साहित्याच्या अद्ययावतीकरणातून मराठी भाषेचे नवे रूप विश्‍वकोशातून उलगडले जाणार आहे. शिवाजी विद्यापीठ व विश्‍वकोश निर्मिती मंडळाच्या सामंजस्य करारांतर्गत त्याचा अभ्यास सुरू असून, त्यासंदर्भातील नोंदी घेण्याचे काम वेगाने सुरू आहे.

कोल्हापूर - मराठी भाषेतील आधुनिक साहित्याच्या अद्ययावतीकरणातून मराठी भाषेचे नवे रूप विश्‍वकोशातून उलगडले जाणार आहे. शिवाजी विद्यापीठ व विश्‍वकोश निर्मिती मंडळाच्या सामंजस्य करारांतर्गत त्याचा अभ्यास सुरू असून, त्यासंदर्भातील नोंदी घेण्याचे काम वेगाने सुरू आहे. या नोंदींवर विश्‍वकोश निर्मिती मंडळाच्या संपादकीय मंडळाकडून शिक्कामोर्तब झाल्यानंतर त्या वाचकांसाठी ऑनलाइन उपलब्ध केल्या जाणार आहेत. विशेष म्हणजे विद्यापीठाने मराठी भाषेच्या संवर्धनासाठी उचललेले हे पाऊल महत्त्वपूर्ण ठरणार आहे. 

विश्‍वकोश निर्मिती मंडळाने वीस खंड प्रकाशित केले आहेत. मंडळाने हे खंड अद्ययावत करण्याचे काम हाती घेतले आहे. विश्‍वकोशात अंतर्भूत नोंदींत नवी भर घालण्यासाठी विषयनिहाय शैक्षणिक संस्थांना जबाबदारी दिली. यासाठी अठ्ठावीस ज्ञान मंडळे स्थापन केली आहेत. डेक्‍कन वॉरियरकडे पुरातत्त्व, मुंबई विद्यापीठाकडे विज्ञान, प्रभात चित्र मंडळाकडे चित्रपट, तर शिवाजी विद्यापीठाकडे मराठी, राज्यशास्त्र, इतिहास विषयांतील नोंदी घेण्याचे काम सोपविले. मराठी अधिविभाग प्रमुख डॉ. राजन गवस हे मराठी, डॉ. अवनीश पाटील इतिहास, तर डॉ. प्रकाश पवार हे राज्यशास्त्र विषयाचे समन्वयक म्हणून काम पाहत आहेत. 

मराठी भाषेसाठी आवश्‍यक नोंदींची यादी विद्यापीठाकडे सुपूर्द केली. आधुनिक साहित्यातील लेखक, त्यांच्या कथा, कादंबऱ्या, कविता, समीक्षक, मराठी भाषेतील कवी, त्यांचे साहित्य असा या माहितीचा परीघ आहे. या विषयातील तज्ज्ञांकडून ही माहिती संकलित केली जात आहे. डॉ. गवस यांच्यासह अन्य तज्ज्ञांकडून ती तपासून घेतली जात आहे. ही माहिती विश्‍वकोश मंडळाच्या संपादकीय मंडळाकडून पुन्हा तपासून झाल्यानंतर वाचकांसाठी ऑनलाइन उपलब्ध होईल.

विश्‍वकोश हा विश्‍वासार्हतेचा गाभा आहे. त्यातील माहिती अचूक असणे आवश्‍यक असते. ही माहिती संकलित करताना शैक्षणिक संस्थांना जबाबदारीने काम करावे लागते. ही जबाबदारी शिवाजी विद्यापीठाने सामंजस्य कराराद्वारे स्वीकारली आहे. विद्यापीठाचे विश्‍वकोशाच्या निर्मितीसाठीचे काम मोलाचे ठरेल, यात शंका नाही. - सरोजकुमार मिठारी,  सहायक संपादक, विश्‍वकोश निर्मिती मंडळ.

Web Title: Kolhapur News Marathi Rajbhasha Din special

टॅग्स

संबंधित बातम्या

sahitya
रविवारपासून कल्याणमध्ये  44 वे महानगर साहित्य संमेलन 

कल्याण - मुंबई मराठी साहित्य संघ आणि सार्वजनिक वाचनालय यांच्या संयुक्तविद्यमाने आयोजित करण्यात आलेले 44 वे महानगर साहित्य संमेलन यंदा कल्याणमधील...

प्र. ना. परांजपे यांच्या पत्नीचे नागपुरात निधन

नागपूर : ज्येष्ठ भाषा अभ्यासक प्र. ना. परांजपे यांच्या पत्नी वसुधा परांजपे (७६) यांचे मंगळवारी (ता.१५) नागपुरात ह्रदयविकाराच्या तीव्र धक्क्याने निधन...

aruna-dhere
संमेलन अध्यक्षपदावरून लेखिकांवर अन्याय  - डॉ. अरुणा ढेरे 

नागपूर - अखिल भारतीय मराठी साहित्य संमेलनाच्या अध्यक्षपदावरून स्त्री-पुरुष भेद होऊ नये. पण, आतापर्यंत हक्क असलेल्या लेखिकांनासुद्धा अध्यक्षपद...

3sehgal.jpg
महाराष्ट्राचे नयनतारांकडून आभार 

पुणे : अखिल भारतीय साहित्य संमेलनाच्या उद्‌घाटक म्हणून लेखिका नयनतारा सहगल यांना दिलेले आमंत्रण रद्द करण्यात आले. त्यानंतर राज्यभरातून त्याचा...

marathi
आगामी साहित्य संमेलन मराठवाड्यात

लातूर : गेल्या 14 वर्षांत मराठवाड्यात एकही अखिल भारतीय मराठी साहित्य संमेलन होऊ शकले नाही. त्यामुळे आगामी साहित्य संमेलन मराठवाड्यात घेण्याच्या...

अजून जिवंत आहे मराठी संवेदना!

नालासोपारा - ‘रहस्यकथांचा सम्राट तळमळतोय उपेक्षेच्या उन्हात!’ या आशयाची बातमी रविवारी ‘सकाळ’मध्ये प्रसिद्ध होताच प्रसिद्ध कादंबरीकार गुरुनाथ नाईक...