Sections

अंबाबाई मंदिरात आता सरकारी पुजारी 

संभाजी गंडमाळे |   बुधवार, 28 मार्च 2018

कोल्हापूर - अंबाबाई मंदिरात पगारी पुजारी नेमण्याबाबतचे विधेयक आज विधानसभेत एकमताने मंजूर झाले. आता हे विधेयक विधान परिषदेत मंजुरीसाठी जाणार असून, तेथे सर्वानुमते मंजुरी मिळाल्यानंतर विधेयक राज्यपालांच्या सहीसाठी जाईल.

कोल्हापूर - अंबाबाई मंदिरात पगारी पुजारी नेमण्याबाबतचे विधेयक आज विधानसभेत एकमताने मंजूर झाले. आता हे विधेयक विधान परिषदेत मंजुरीसाठी जाणार असून, तेथे सर्वानुमते मंजुरी मिळाल्यानंतर विधेयक राज्यपालांच्या सहीसाठी जाईल.

राज्यपालांची सही झाल्यानंतर त्याचे कायद्यात रुपांतर होणार आहे. दरम्यान, अंबाबाई मंदिर पुजारी हटाव संघर्ष समितीने याबाबत सर्वांचे अभिनंदन केले असून उद्या (ता. 29) आनंदोत्सव साजरा केला जाणार आहे. 

मंदिरात पंढरपूरच्या विठ्ठल मंदिराच्या धर्तीवर सरकारी पुजारी नेमावेत, यासाठी जून महिन्यापासून येथे आंदोलन तीव्र झाले. हिवाळी अधिवेशनात याबाबत कोणताच निर्णय झालेला नव्हता. त्यामुळे या अधिवेशनाकडे सर्वांचे लक्ष होते. काल विधिमंडळात श्री करवीर निवासिनी अंबाबाई मंदीर कोल्हापूर विधेयक मांडण्यात आले. त्याला आज विधानसभेत मंजुरी मिळाली आहे. या विधेयकाचे कायद्यात रूपांतर झाल्यानंतर मंदिरात असलेल्या पुजाऱ्यांचे हक्क संपुष्टात येणार आहेत. राज्यस्तरीय परीक्षा घेवून मंदिरातील पुजाऱ्यांची नेमणूक होणार आहे. त्यात 50 टक्के महिलांनाही संधी दिली जाणार आहे.

शाहू वैदीक विद्यालयातील विद्यार्थ्यांना मंदिरातील नेमणुकीसाठी प्राधान्य दिले जाणार आहे. याबाबत संघर्ष समितीचे आनंद माने म्हणाले, ""एकीकडे आंदोलन सुरू असताना निशिकांत मेथे यांच्यासह आम्ही न्यायालयात दावा दाखल केला होता. पंढरपूरप्रकरणी पंचवीस वर्षे न्यायालयीन लढाई सुरू होती. त्यात सर्वोच्च न्यायालयाने देवस्थान समितीला पुजारी नेमण्याचे अधिकार दिले असून याच आधारावर दावा दाखल केला. विधानपरिषदेत विधेयकाला मंजुरी मिळाल्यानंतर राज्यपालांच्या सहीनंतर हा कायदा लागू होईल.'' 

Web Title: Kolhapur News Goverment Pujari In Mahalaxmi Temple

टॅग्स

संबंधित बातम्या

Sadabhau-Khot
एफआरपी न दिल्यास कारवाईची मागणी

मुंबई - राज्यातील ११ साखर कारखान्यांनी गेल्या गाळप हंगामातील शेतकऱ्यांची ‘एफआरपी’ची १०२ कोटी ८६ लाख रुपयांची रक्कम थकवली आहे. कायद्यानुसार ‘एफआरपी’ न...

Toll
वर्तुळाकार मार्गासाठी टोल

पुणे - शहरात उच्च क्षमता वर्तुळाकार वाहतूक मार्ग (एचसीएमटीआर) प्रकल्पाच्या आर्थिक सल्लागाराने प्राथमिक अहवाल सादर केला आहे. यामध्ये टोलचा पर्याय...

मराठा आरक्षणाचा अहवाल आज सादर होणार

मुंबई - मराठा समाजाच्या आरक्षणाचा मार्ग मोकळा करणारा राज्य मागास आयोगाचा अहवाल राज्य सरकारला आज सादर होण्याचे संकेत आहेत. उच्च न्यायालयाच्या...

जैवविविधता समिती स्थापन करण्याची तंबी

जैवविविधता समिती स्थापन करण्याची तंबी राजेश रामपूरकर नागपूर : जैवविविधता संवर्धन जैविक स्त्रोतांचा शाश्‍वत वापर, जैवविविधतेच्या न्याय्य वाटणीसाठी...

मुख्यमंत्री, वरिष्ठ अधिकाऱ्यांना बोलवा - ॲड. प्रकाश आंबेडकर

पुणे - कोरेगाव भीमा हिंसाचारप्रकरणी पुणे ग्रामीण पोलिसांनी सर्वोच्च न्यायालयात दिलेले प्रतिज्ञापत्र आणि शहर पोलिसांचा तपास एकमेकांच्या विरुद्ध...

एक लाख कोटींचा खड्डा 

नाशिक - महाराष्ट्राचे वार्षिक सकल उत्पन्न 28 लाख कोटींचे असून, त्यात शेतीचा बारा टक्के हिस्सा आहे. पण पावसाअभावी खरीप पिकांच्या वाढीवर परिणाम होऊन...