Sections

कोल्हापूर जिल्ह्यात दाट धुक्यामुळे वीजपुरवठ्यात व्यत्यय…

राजकुमार चाैगुले |   सोमवार, 5 मार्च 2018

कोल्हापूर - सोमवारी (दि. 5) पहाटे कोल्हापूर जिल्ह्यात दाट धुके पसरल्याने वीजपुरवठ्यात तांत्रिक बिघाड झालेला आहे. पहाटे साडेपाचच्या सुमारास महापारेषणच्या तळंदगे 440 KV वीजउपकेंद्रातून मुडशिंगी 220 KV अतिउच्चदाब उपकेंद्राला वीजपुरवठा करणाऱ्या 220 KV वाहिनीची अर्थिंग तार तुटल्याने मुडशिंगी अतिउच्चदाब उपकेंद्र बंद पडले.

कोल्हापूर - सोमवारी (दि. 5) पहाटे कोल्हापूर जिल्ह्यात दाट धुके पसरल्याने वीजपुरवठ्यात तांत्रिक बिघाड झालेला आहे. पहाटे साडेपाचच्या सुमारास महापारेषणच्या तळंदगे 440 KV वीजउपकेंद्रातून मुडशिंगी 220 KV अतिउच्चदाब उपकेंद्राला वीजपुरवठा करणाऱ्या 220 KV वाहिनीची अर्थिंग तार तुटल्याने मुडशिंगी अतिउच्चदाब उपकेंद्र बंद पडले.

परिणामी कोल्हापूर जिल्ह्यातील अनेक भागात महावितरणचा वीजपुरवठा बंद झाल्याने ग्राहकांची गैरसोय झाली होती. जवळपास चार तास वीजपुरवठा बंद राहिला. मात्र धुके कमी होताच यंत्रणा पूर्ववत होत असून बहुतांश वीजपुरवठा पूर्ववत करण्यात आला आहे.  उर्वरित ठिकाणी काम युध्दपातळीवर सुरू आहे. 

दाट धुके पडल्याने हवेतील आर्द्रता वाढते. आर्द्रतेत पाण्याचा अंश असल्याने वाहिनीतील दोन तारांमधील हवेमुळे विलग राहणारा विद्युत दाब एक होतो. त्यामुळे विजेचे वहन किंवा पारेषण पुढे होऊ शकत नाही. पर्यायाने वीजपुरवठा ठप्प होतो. अशाच प्रकारचा बिघाड आज पहाटेपासून विविध अतिउच्चदाब वीजउपकेंद्रांना येणाऱ्या वाहिन्यावर होत असल्याने अर्ध्या जिल्ह्यातील विद्युत पारेषण यंत्रणा ठप्प झाली होती. जसजसे धुके कमी होत आहे तसतशी पारेषण यंत्रणा पूर्ववत केली जात आहे. 

वीज उपकेंद्रांना धुक्याचा फटका

महापारेषणच्या मुडशिंगी, तिळवणी, बिद्री, फाईव्ह स्टार एमआयडीसी, इचलकरंजी, जयसिंगपूर, कोथळी, राधानगरी, कुरूंदवाड या अतिउच्चदाब वीजउपकेंद्रांचा वीजपुरवठा पहाटेपासून ठप्प होता. सुमारे 295 मेगावॅट विजेचे पारेषण ठप्प झाले होते.

वीजपुरवठा पूर्ववत करण्याचे काम सुरू…

सकाळी 9 वाजेच्या सुमारास मुडशिंगी उपकेंद्राला कराडहून आलेल्या वाहिनीवरून सुरळीत करण्यात आले. कोल्हापूर शहरातील शाहूमिल व विद्यापीठ उपकेंद्राला धुक्याचा फटका बसला होता. सकाळी 9.30 च्या सुमारास दोन्ही उपकेंद्राचा वीजपुरवठा सुरू झाल्याने कोल्हापूर शहरातील वितरण पूर्ववत झाले. बिद्री, कोथळी, राधानगरी, गोकुळ शिरगाव, जयसिंगपूर व कुरूंदवाड अतिउच्चदाब केंद्रातून होणारा वीजपुरवठा पूर्ववत सुरु झाला आहे. गडहिंग्लज विभागातील वीजपुरवठाही पूर्ववत करण्यात आला आहे. सद्यस्थितीत फाईव्ह स्टार एमआयडीसी, हुपरी व इचलकरंजी येथील वीजपुरवठा बंद आहे. तो देखील थोड्याच वेळात पूर्ववत केला जात आहे.

सांगलीला जादा फटका नाही... सांगली जिल्ह्यात मिरज MIDC भागातील 33/11 KV वीज उपकेंद्राचा पुरवठा काहीअंशी पर्यायी मार्गाने सुरू करण्यात आला. तर 220 केव्ही मिरज ते विटा व कर्वे ते कडेगाव अतिउच्चदाब वीज वाहिन्यांवर बिघाड झाला असून पैकी कर्वे- कडेगाव वाहिनी कराडहून सुरू केली आहे. बाकी सांगली जिल्ह्यात वीज पुरवठा सुरळीतपणे सुरू आहे.

Web Title: Kolhapur News fog affects on electricity supply

टॅग्स

संबंधित बातम्या

बळिराजाच्या विम्यावर कंपन्याच मालामाल

सोलापूर : मागील दोन वर्षांत राज्यातील 20 लाख 28 हजार शेतकऱ्यांनी रब्बीसाठी पिकविमा भरला. मात्र, त्यापैकी फक्‍त सहा लाख 27 हजार शेतकरीच भरपाईसाठी...

#PmcIssues 'स्मार्ट' पुण्याची टॉयलेट्‌स मात्र 'वर्स्ट' ! 

पुणे : तुटलेले दरवाजे, पाण्याचा अभाव, खिडक्‍यांच्या फुटलेल्या काचा, नळच गायब... जागोजागी कचरा..... हे आहे चित्र शहरातील महिलांच्या सार्वजनिक...

डॉ. नरेंद्र दाभोलकर हत्या खटला; सीबीआयला 45 दिवसांची मुदतवाढ

पुणे : अंधश्रद्धा निर्मूलन समितीचे कार्याध्यक्ष डॉ. नरेंद्र दाभोलकर हत्या प्रकरणातील संशयित सचिन अंदुरे व शरद कळसकर यांच्यावर दाखल झालेल्या...

sandeep kale
हसलेली झेंडूची फुले... (संदीप काळे)

आपल्या दोन विद्यार्थ्यांच्या तोंडून एका शिक्षकानं एक व्यथा ऐकली...झेंडूच्या फुलांची आणि त्यांच्या विक्रीविषयीची व्यथा...या व्यथेनं त्या शिक्षकाला...

samir abhyankar
गाण्यात इतरांची नक्कल नको (समीर अभ्यंकर)

शास्त्रीय असो वा उपशास्त्रीय सादरीकरण, श्रोत्यांना निराळं काहीतरी ऐकवण्यासाठी मी नेहमीच उत्सुक असतो. गाण्यात इतरांची नक्कल नसावी, स्वतःची अशी...

pravin tokekar
रथचक्र उद्धरू दे... (प्रवीण टोकेकर)

"बेन-हर' ही क्रिस्तकाळातली गाथा. आहे काल्पनिकच; पण तिचं क्रिस्ती इतिहासाशी असं काही घट्ट नातं आहे की खरीच वाटावी. विल्यम वायलरनं दिग्दर्शित केलेला "...