Sections

शेतकऱ्याकडून अडीच हजारांची लाच घेणाऱ्या लेखापाल, प्रतवारीकारास अटक 

सकाळ वृत्तसेवा |   गुरुवार, 29 मार्च 2018
Accountant arrested for taking bribe from the farmer

अक्कलकोट कृषी उत्पन्न बाजार समितीमधील लेखापाल राजशेखर श्रीमंत मुळे, नाफेड प्रतवारीकार विनायक अंबादास जाधव अशी आरोपींची नावे आहेत. 

सोलापूर - वखार महामंडळांनी नाकारलेली तूर चाळणी केल्यानंतर परत घेण्यासाठी शेतकऱ्याकडून अडीच हजार रुपयांची लाच घेणाऱ्या अक्कलकोट कृषी उत्पन्न बाजार समितीमधील लेखापाल आणि नाफेड प्रतवारीकारास लाचलुचपत प्रतिबंधक विभागाने गुरुवारी अटक केली. 

अक्कलकोट कृषी उत्पन्न बाजार समितीमधील लेखापाल राजशेखर श्रीमंत मुळे (वय 55, सोलापूर. रा. आदर्श नगर, मार्केटयार्ड जवळ, अक्कलकोट) नाफेड प्रतवारीकार विनायक अंबादास जाधव (वय 29, रा. मु.पो. किणी, ता. अक्कलकोट) अशी आरोपींची नावे आहेत. 

तक्रारदार हे शेतकरी असून त्यांनी दि. 26 मार्च 2018 रोजी 64 पाकिटे अक्कलकोट येथील कृषी उत्पन्न बाजार समितीमधील तूर शासनाचे हमीभाव केंद्रात विक्रीसाठी दिली होती. वखार महामंडळ, अक्कलकोट यांनी तक्रारदार शेतकऱ्याची 31 पाकीट तूर खराब असल्याचे सांगून परत पाठवली. ती 31 पाकिटे तूर चाळणी करुन परत वखार महामंडळ, अक्कलकोट येथे पाठवून जमा करुन घेण्यासाठी तक्रारदार शेतकऱ्याकडून लेखापाल राजशेखर मुळे याने दोन हजार पाचशे रुपये लाचेची मागणी केली. गुरुवारी दुपारी दीडच्या सुमारास लाचलुचपत प्रतिबंधक विभागाच्या पथकाने सापळा लावला. लाचेची रक्कम प्रतवारीकार जाधव याने स्विकारली. याप्रकरणी दोघांना अटक करण्यात आली आहे. याप्रकरणात अक्कलकोट पोलिसात गुन्हा दाखल झाला आहे.

Web Title: Accountant arrested for taking bribe from the farmer

टॅग्स

संबंधित बातम्या

फलोदे (ता. आंबेगाव) येथील शहीद राजगुरू ग्रंथालय यांना रूग्णवाहिका येथील जनतेच्या सुविधांसाठी उपलब्ध करून देण्यात आली यावेळी उपस्थित मान्यवर व ग्रामस्थ.
फलोदे भागातील रुग्णांसाठी रुग्णवाहिका उपलब्ध

घोडेगाव (पुणे): फलोदे (ता. आंबेगाव) या भागातील रूग्णांना तातडीच्या वेळेस रूग्णवाहिका उपलब्ध व्हावी यासाठी रोहन नाईक चॅरिटेबल ट्रस्ट पुणे, कंपेटीटोर्स...

Solapur
यंदा समाधानकारक पाऊस; सिद्धेश्वर यात्रेतील भाकणूक

सोलापूर  : यंदा समाधानकारक पाऊस होईल. शेती व्यवस्था बळकट होईल. तसेच सर्वत्र भयमुक्त वातावरण असेल, अशी भाकणूक मंगळवारी रात्री सिद्धेश्‍वर यात्रेत...

गृहरक्षक दलाची स्थिती म्हणजे बिन पगार फुल अधिकारी

माढा (सोलापूर) - अंगात खाकी वर्दी हातात काठी तरीही अभिमान वाटत नाही. बंदोबस्त संपला की, जय महाराष्ट्र केला जातो. वर्षभरातुन फक्त दोन ते तीन महिनेच...

smt
एसएमटीच्या 58 कोटींच्या बस 'धूळखात' 

सोलापूर : महापालिका परिवहन उपक्रमाकडील सुमारे 58 कोटींच्या 100 बस धुळखात पडून आहेत. दरम्यान, उत्पन्नवाढीसाठी व्हाल्व्हो भाड्याने देण्याचा प्रस्ताव...

Solapur Municipal Corporation
स्थायी समितीसाठी इच्छुक नगरसेवकांचे देव पाण्यात 

सोलापूर : महापालिका स्थायी समिती सदस्य निवडीची प्रक्रिया प्रशासनाने सुरू केली आहे. कायद्यातील तरतुदीनुसार 20 फेब्रुवारीपूर्वी सदस्य निवडणे बंधनकारक...

Ujani-Dam
उजनीतून सोलापूरला पाणी

सोलापूर - उजनी धरणातून सोलापूर शहराला पिण्यासाठी पाणी सोडण्यास सोमवारपासून (ता. १४) सुरवात झाली आहे. सुरवातीला एक हजार ६०० क्‍युसेकने असलेला विसर्ग...