Sections

बेकायदेशीर रिक्षा पार्क करणाऱ्या चालकांविरोधात वाहतूक पोलिसांची कारवाई 

रविंद्र खरात  |   सोमवार, 5 मार्च 2018
marathi news mumbai kalyan rikshaw illegal parking traffic police

वाहतूक पोलिसांनी आज पासून कारवाईला सुरुवात केली असून आगामी काळात काही दिवस ही कारवाई सुरू राहणार असल्याचे वाहतूक पोलिसांनी स्पष्ट केले आहे. 

कल्याण - कल्याण डोंबिवली महानगर पालिका परिवहन उपक्रमाच्या (केडीएमटी) कल्याण परिसरात अनेक बस स्टॉप आहेत. मात्र त्यावर दुचाकी, कार, खासगी बस आणि रिक्षा बेकायदेशीर पार्क करणाऱ्या विरोधात वाहतूक पोलिसांनी आज पासून कारवाईला सुरुवात केली असून आगामी काळात काही दिवस ही कारवाई सुरू राहणार असल्याचे वाहतूक पोलिसांनी स्पष्ट केले आहे. 

कल्याण डोंबिवली महानगर पालिका परिवहन उपक्रमाच्या (केडीएमटी) बसेस कल्याण पश्चिम मधून मुरबाड रोड आणि बिर्ला कॉलेज रोडने धावतात, प्रवासी वर्गाला उतरण्यासाठी आणि चढण्यासाठी अनेक ठिकाणी केडीएमटीने बस स्टॉप बांधले आहेत. मात्र त्यावर रिक्षा, खासगी बसेस, दुचाकी, वाहन चालकांनी वाहन बेकायदेशीर रित्या पार्क करत असल्याने सर्व सामान्य नागरीकांना नाहक त्रास सहन करावा लागत होता. याबाबत कल्याण डोंबिवली राष्ट्रवादी युवक काँग्रेस उपाध्यक्ष प्रसाद महाजन यांनी आंदोलनाचा इशारा दिला होता. 

अनेक नागरीकांच्या तक्रारी पाहता आज सोमवारी (ता 5 मार्च) सकाळी कल्याण वाहतूक शाखेचे वरिष्ठ पोलीस निरीक्षक संभाजी जाधव यांच्या नेतृत्वाखाली बेशिस्त वाहन चालकाविरोधात धडक कारवाई करण्यास सुरुवात झाली. केडीएमटी बसस्टॉप वर बेकायदा पार्क करणाऱ्या 8 रिक्षा चालक तर चौथे सीट प्रवासी घेऊन प्रवास करणाऱ्या आणि नियम न पाळणाऱ्या 20 रिक्षा चालकाविरोधात दंडात्मक कारवाई करण्यात आली असून ही पुढील आदेश येईपर्यंत कारवाई सुरू राहणार असल्याचे वाहतूक पोलिसांनी स्पष्ट केले आहे.

रिक्षा चालकांनी त्यांना दिलेल्या रिक्षा स्थानक मधून व्यवसाय करावा, नियमाचे पालन करावे, बसस्टॉपवर रिक्षा किंवा अन्य वाहनांनी वाहन पार्क केल्यास त्यावर कठोर कारवाई केली जाईल, ही कारवाई पुढील आदेश येई पर्यंत सुरू राहणार असल्याची माहिती कल्याण वाहतूक शाखेचे वरिष्ठ पोलिस निरीक्षक संभाजी जाधव यांनी दिली.

 

Web Title: marathi news mumbai kalyan rikshaw illegal parking traffic police

टॅग्स

संबंधित बातम्या

ganpati
मुस्लिम एकतेतून जोपासला सामाजिक उपक्रम 

फुलंब्री : फुलंब्री येथिल गणेशोत्सवात हिंदू मुस्लिम एकतेचे गेल्या अकरा वर्षांपासून दर्शन घडत आहे. गणेश महासंघाच्या कार्यकारिणीत गेल्या गेल्या...

Gadchiroli
'पंचायत समिती सदस्यांना विकास निधी द्या'

कोरची : पंचायत समिती सदस्याच्या विविध समस्या बाबत गडचिरोली प्रेस क्लब येथे जिल्हयातील पंचायत समिती सदस्यांची बैठक चामोशीँ पं. स. चे सभापती आनंदभाऊ...

Mahadevrao Mahadik
...तर कोल्हापूर दक्षिणमधून निवडणूक लढविणार : महाडिक

कोल्हापूर : कोल्हापूर दक्षिण विधानसभा मतदार संघातून 2019 च्या निवडणुकीसाठी आमदार अमल महाडिक यांना मी अजून विचारलयं कुठे? जर ते तयार नसतील तर मी...

#GyanGanesh बुद्धीला मिळाली कष्टाची साथ अन्‌...

समाजाच्या विविध स्तरांत आणि क्षेत्रांत बुद्धीच्या बळावर वेगळी वाट शोधून त्यात यश मिळविणाऱ्यांची काही वानवा नाही. ‘सकाळ’ने ‘ज्ञान गणेश’ सदरात...

हिंजवडी -शिवाजीनगर मेट्रोला केंद्राची मंजुरी

पुणे -  पुणे महनगर प्रदेश विकास प्राधिकरणाने (पीएमआरडीए) हाती घेतलेल्या हिंजवडी ते शिवाजीनगर या मेट्रो प्रकल्पावर केंद्र सरकारच्या मान्यतेची...