Sections

पोलिस अधीक्षक कार्यालयासह सर्व पोलिस ठाणी ‘आयएसओ’

सकाळ वृत्तसेवा |   सोमवार, 26 फेब्रुवारी 2018
पोलिस अधीक्षक कार्यालय.

रेकॉर्ड अद्ययावत ठेवण्याचे काम यानिमित्ताने झाले आहे. पोलिस ठाण्यांत प्राथमिक सुविधा उपलब्ध करण्यात आल्या असून, नागरिकांच्या अडचणी लवकरात लवकर सोडविण्याचा आमचा प्रयत्न राहणार आहे. आयएसओचा मुख्य फायदा कर्मचाऱ्यांमध्ये सांघिक भावना वाढीस लागली आहे. कर्मचारी अधिक उत्साहाने काम करीत आहेत.
- पंकज देशमुख, पोलिस अधीक्षक

उस्मानाबाद - जिल्ह्यातील सर्व पोलिस ठाण्यांसह पोलिस अधीक्षक कार्यालय, पोलिस उपअधीक्षक कार्यालयांना आयएसओ मानांकन मिळाले आहे. पोलिस दल गुन्ह्यांचा छडा लावण्याबरोबरच गुणवत्तेबाबत अग्रेसर ठरल्याचे दिसून येत आहे. गेल्या सहा महिन्यांपासून जिल्हा पोलिस अधीक्षक पंकज देशमुख यांच्या नेतृत्वाखाली यासाठी प्रयत्न सुरू होते.

पोलिस ठाण्यातील यंत्रणा अद्ययावत करण्यासह सोयी-सुविधांनी सज्ज करण्यासाठी जिल्ह्यातील पोलिस यंत्रणा कामाला लागली होती. त्याचा चांगला परिणाम आता दिसून आला आहे. पोलिस ठाण्याचे रूपडे पालटण्यात यंत्रणेला यश आले आहे. सर्व पोलिस ठाण्याच्या रंगरंगोटीवरच नाही, तर रेकॉर्ड आणि अंतर्गत सुधारणा केल्याने कामाची गती वाढेल, अशी एक अपेक्षा आता व्यक्त होऊ लागली आहे. जिल्ह्यातील १८ पोलिस ठाण्याला आयएसओ मानांकन मिळाले आहे. ठाणे परिसर सुशोभित करण्याबरोबरच नागरिकांसाठी अनेक सुविधा येथे निर्माण केल्या आहेत. आरोपी कोठडीतही सर्व मूलभूत सुविधा, वीज, सीसीटीव्ही कॅमेरे, तक्रारदार यांना बसण्याची व्यवस्था, तसेच वाहनतळ अशा सोयी निर्माण करून दिल्या आहेत. 

पोलिस ठाणे परिसरात विविध जातींची फुलझाडे लावण्यात आली आहेत. सर्वसामान्यांना ठाण्यात आल्यानंतर कायद्याची माहिती व्हावी यासाठी फलक लावण्यात आले आहेत. शिवाय सर्व बीट अंमलदारांची नावे व संपर्क क्रमांक दिल्याने नागरिकांच्या अडचणी कमी होणार आहेत. ठाण्यातील रेकॉर्ड संपूर्ण संगणकीकृत करण्यात आले असून, नागरिकांना गोपनीय माहिती, तसेच सूचना करण्यासाठी तक्रार पेटीची सोय केली आहे.

Web Title: marathi news osmanabad news Superintendent of Police iso

टॅग्स

संबंधित बातम्या

Sandeep Shetty
माफ करा; मी आत्ताच खून करून आलोय...

बंगळूरुः सर मला माफ करा, मी आत्ताच मित्राचा खून करून आलो असून, आत्मसमर्पन करण्यासाठी पोलिस ठाण्यातच चाललो आहे, अशी कबुली एका युवकाने वाहतूक पोलिसाला...

रिक्षात विसरलेल्या पर्समधील दागिने दिले मित्राकडे! 

सोलापूर : रिक्षात विसरलेले पाच लाख 10 हजार रुपयांचे 17 तोळे सोन्याचे दागिने अप्रामाणिकपणे लपवून ठेवणाऱ्या रिक्षा चालकाला गुन्हे शाखेने अटक केली....

ullasnagar.
उल्हासनगरमध्ये वाढीव वीज बिलाच्या विरोधात साईपक्ष रस्त्यावर

उल्हासनगर - पूर्वी कमी येणारे वीज बिल अधिक प्रमाणात किंबहूना अनेक पटीने येत असल्याने ते भरताना सर्वसामान्यांसोबत व्यापाऱ्यांचे कंबरडे मोडले आहे....

pathak
राज्यातील शेतकऱ्यांच्या रोहित्रासाठी 5 हजार कोटीची तरतुद : विश्वास पाठक

परभणी : गेल्या 4 वर्षात ऊर्जा विभागातर्फे राज्यात 11 हजार कोटींची कामे पुर्ण करण्यात आली आहेत. तसेच उच्चदाब वितरण प्रणाली योजनेअंतर्गत शेतकऱ्यांसाठी...

savarkar
स्वातंत्र्यवीर सावरकर उड्डाणपुलावर रेखाटले #माफीवीर सावरकर

औरंगाबाद : सिडको चौकातील स्वातंत्र्यवीर सावरकर या उड्डाणपुलावर माफीवीर सावरकर असा हॅशटॅग लिहण्यात आल्याची घटना शुक्रवारी (ता.16) सकाळी समोर आली...

गेवराई - शहराजवळ दुचाकीला धडक दिल्यानंतर गॅरेजमध्ये घुसलेले ट्रॅक्‍टर.
वाळू तस्करीमुळे विद्यार्थिनीचा बळी

गेवराई - अवैध वाळू उपसा बंद असल्याची टिमकी महसूल विभाग वाजवित असले तरी विद्यार्थिनीचा बळी गेल्याने पुन्हा एकदा तालुक्‍यातील वाळू तस्करी चव्हाट्यावर...