Sections

सोशल मीडियावर मराठी भाषेचाच बोलबाला

राजेभाऊ मोगल |   मंगळवार, 27 फेब्रुवारी 2018
marathi social media

शासकीय व निमशासकीय कार्यालयांत मराठी भाषेचाच वापर व्हायला हवा. कष्टकऱ्यांचे बॅंकांमध्ये खाते असल्याने त्यांचा सातत्याने तिथे संबंध येतो. मात्र, आजही त्यांच्याशी मराठीत नव्हे तर इंग्रजी भाषेतूनच व्यवहार होतो. अनेकांना पासबुकवरील नोंदी कळत नसल्याने इतरांकडे विनवणी करावी लागते. त्यामुळे मराठीतून बोलणे, लिहिण्याचा आग्रह धरण्याचा रेटा वाढायला हवा. - प्राचार्य रा. रं. बोराडे, ज्येष्ठ साहित्यिक

औरंगाबाद - जागतिकीकरणात मराठी भाषेचे अस्तित्व कसे टिकणार, भाषा जगवावी लागेल, अशी कितीही कोरडी ओरड सुरू असली तरी सोशल मीडियाच्या माध्यमात चर्चेसाठी, माहितीची देवाण-घेवाण करण्यासाठी सर्वाधिक मराठी भाषा वापरली जात आहे. यामुळे ई-बुक, मराठीच्या विविध साईट्‌सवर तरुण मंडळी सर्च करत वाचन करीत आहेत. श्रेष्ठ कवी वि. वा. शिरवाडकर अर्थात कुसुमाग्रज यांची जयंती जागतिक मराठी भाषा दिन म्हणून साजरी केली जाते. मागील काही वर्षांत रिमिक्‍सच्या युगात शुद्ध मराठी भाषेची अपेक्षा कशी ठेवायची, आपल्या मायबोलीचे कसे होणार, अशा शंका उपस्थित करीत गळे काढले जात आहेत. मात्र, सर्वाधिक वेगाने एकमेकांपर्यंत संदेश पोचविण्याचे माध्यम असलेल्या सोशल मीडियावर केवळ मराठी बोलणारीच नव्हे तर सतत इंग्रजीत बोलणारी तरुणाई मराठीमध्येच लेखन करीत आहे. त्यामुळे जवळपास 80 टक्‍क्‍यांहून अधिक मोबाईलधारक मराठी टायपिंगचे ऍप वापरत असल्याचे समोर आले आहे. त्यामुळे ही बाब अभिमानाची व कौतुकास्पद आहे. विशेष म्हणजे मराठी भाषेबद्दल मराठी माणसांच्या मनात किती प्रेम आहे, हे शुभेच्छांच्या देवाण-घेवाणीवरून पाहायला मिळते. झपाट्याने बदलणाऱ्या माहिती आणि तंत्रज्ञानाच्या युगात बदल स्वीकारतच पुढे जावे लागणार, हे सत्य आहे. बदलाची कास धरूनच पुढे जाणे क्रमप्राप्त ठरत असताना "जुने ते सोने' या म्हणीप्रमाणे तसेच तंत्रज्ञानाने उपलब्ध करून दिलेल्या साधनांमुळे मराठी भाषेचाच बोलबाला बघायला मिळत आहे. सरकारी कार्यालयांत भाषेबद्दल अनास्था बॅंकांसह राज्य सरकार, केंद्र सरकारच्या कार्यालयांत अमराठी अधिकाऱ्यांचा भरणा आहे. अशा ठिकाणी सामान्य माणूस आपले काम घेऊन गेला असता त्यांच्या मराठी बोलीभाषेकडे वेगळ्या नजरेतून पाहिले जाते. विशेषत: जर अर्ज, पत्रव्यवहार मराठीतून केला असता, जणू काही चूकच केलीय, असे निरीक्षण केले जाते, असा अनुभव अनेकजण सांगतात. मराठीचे फारसे ज्ञान नसल्याने बॅंकांमध्ये तर पासबुक व अन्य कामकाजात अनंत चुका केल्याचे दिसून येते. त्यामुळे सरकारी कार्यालयांतच भाषेबद्दल अनास्था असल्याचे स्पष्ट होते. शासकीय व निमशासकीय कार्यालयांत मराठी भाषेचाच वापर व्हायला हवा. कष्टकऱ्यांचे बॅंकांमध्ये खाते असल्याने त्यांचा सातत्याने तिथे संबंध येतो. मात्र, आजही त्यांच्याशी मराठीत नव्हे तर इंग्रजी भाषेतूनच व्यवहार होतो. अनेकांना पासबुकवरील नोंदी कळत नसल्याने इतरांकडे विनवणी करावी लागते. त्यामुळे मराठीतून बोलणे, लिहिण्याचा आग्रह धरण्याचा रेटा वाढायला हवा. - प्राचार्य रा. रं. बोराडे, ज्येष्ठ साहित्यिक.

Web Title: Marathi News Aurangabad News Marathi Language Day social media

टॅग्स

संबंधित बातम्या

Sadanand-More
नवीन साहित्य प्रकाशित करण्यावर भर

पुणे - राज्य सरकारच्या अखत्यारीत असलेल्या मराठी भाषा विभागाच्या साहित्य व संस्कृती मंडळाच्या अध्यक्षपदी ज्येष्ठ साहित्यिक डॉ. सदानंद मोरे यांची...

संमेलनाने उजेड दाखवला - ढेरे

साहित्य संमेलन होणार की नाही, याचे सावट दूर होऊन हे संमेलन आनंदाने, यशस्वी झाले. रसिकांच्या अभूतपूर्व प्रतिसादाचेच हे फळ आहे. मळभ दाटून आलेले असताना...

उत्फुल्ल कारंजे (श्रद्धांजली)

जाड फ्रेमचा चष्मा, चेहऱ्यावर काहीसे बावळट भाव आणि डोळ्यात बेरकीपणा... अशा अवतारात किशोर प्रधान अवतरले की रंगभूमी किंवा चित्रपटांच्या पडद्याची चौकट...

जीत-मंत्र ! (ढिंग टांग!)

नमो नम: नमो नम: नमो नम: नमो नम: (108 वेळा लिहिणे) कालचा दिवस मोठ्या गडबडीत गेला. राष्ट्रीय कार्यकारिणीच्या निमित्ताने दोन दिवस दिल्लीत होतो. पण...

गुंडप्रवृत्तीमुळेच 'निमंत्रण वापसी'

यवतमाळ- राष्ट्रसंत तुकडोजी महाराज साहित्यनगरी (यवतमाळ), ता.13 : गुंडप्रवृत्तीमुळेच 'निमंत्रण वापसी'चा निर्णय साहित्य संमेलनाच्या आयोजकांना घ्यावा...

Sachin-Tendulkar
प्रेम करणारा नव्हे, खेळणारा देश व्हावा - सचिन तेंडुलकर

नागपूर - आपल्या देशात खेळावर प्रेम करणारे कोट्यवधी लोक आहेत. त्या तुलनेत मैदानावर खेळणाऱ्यांची संख्या खूप कमी आहे. भारत हा खऱ्या अर्थाने खेळाडूंचा...