Sections

'वतन के आगे कुछ नहीं..मै भी नहीं' - Raazi ट्रेलर

टीम ई सकाळ |   मंगळवार, 10 एप्रिल 2018
raazi

भारतातले एक काश्मिरी वडील आपल्या मुलीला गुप्तहेरी करण्यासाठी तिचे लग्न करून पाकिस्तानात पाठवतात. जिला यासंबंधी काही माहिती नसते. तेथील सर्व खाजगी व महत्त्वाची माहिती भारताला पुरविण्याचे काम तिच्याकडे असते. भारताचे कान व डोळे बनून राहण्याची सूचना तिला दिली जाते.

मुंबई : बबली अभिनेत्री आलिया भट ही कायम वेगळ्या धाटणीच्या भूमिका निवडण्यात अग्रेसर आहे. आता ती दिसणार आहे अॅक्शन थ्रिलर भूमिकेत. 'राझी' या सिनेमाच्या नुसत्या ट्रेलरनेच प्रेक्षकांना मोहिनी घातली आहे. आलिया या सिनेमात गुप्तहेराच्या भूमिकेत दिसेल. आलिया सहमत असे तिच्या भूमिकेचे नाव आहे.  

‘जंगली पिक्चर्स आणि धर्मा प्रोडक्शन्स’ची निर्मिती असलेला 'राझी' हा देशभक्तीवरचा सिनेमा असला, तरी त्याचे कथानक हे हटके आहे. भारतातले एक काश्मिरी वडील आपल्या मुलीला गुप्तहेरी करण्यासाठी तिचे लग्न करून पाकिस्तानात पाठवतात. जिला यासंबंधी काही माहिती नसते. तिच्या पतीची भूमिका विकी कौशल या अभिनेत्याने साकारली आहे. तो पाकिस्तानी अधिकारी असतो. तेथील सर्व खाजगी व महत्त्वाची माहिती भारताला पुरविण्याचे काम तिच्याकडे असते. भारताचे कान व डोळे बनून राहण्याची सूचना तिला दिली जाते. त्याप्रमाणे ती पुढील कारवाया कशा करते हे सिनेमातच बघणे औत्सुक्याचे ठरेल.

राझीच्या ट्रेलरमधला 'वतन के आगे कुछ नहीं..मै भी नहीं' हा डायलॉग सध्या चांगलाच गाजतोय. 

raazi

ही कथा सत्यघटनेवर आधारित आहे. हरिंदर सिक्का यांच्या ‘कॉलिंग सहमत’ या कादंबरीवरून या राझी या सिनेमाचे कथानक घेतले आहे. दिग्दर्शक मेघना गुलजार यांनी नेहमीप्रमाणे एक उत्तम सिनेमा द्यायचा प्रयत्न केला आहे हे या ट्रेलरवरून कळते. या आधी त्यांनी 'तलवार' सारखा सिनेमा दिग्दर्शित केला आहे. या सिनेमाचे चित्रीकरण कश्मीर, पंजाब आणि मुंबईमध्ये झाले असून येत्या ११ मे रोजी हा सिनेमा प्रदर्शित होणार आहे.     

Web Title: raazi movie trailer launch

टॅग्स

संबंधित बातम्या

वयाच्या विशीतच जग जिंकणाऱ्या तरुणाईसाठी मतदान

मुंबई : देशातील तरुणाईचा सर्वांत प्राधान्यक्रम असलेली बँक अशी ओळख निर्माण करण्याचे लक्ष्य ठेवत स्टेट बँक ऑफ इंडियाने 'योनो 20 अंडर 20' या...

pune.jpg
अंधाधुन'मुळे मी पुणं अनुभवलं : तब्बू 

पुणे : मी माझ्या कारकिर्दीत सर्व प्रकारचे चित्रपट केले, पण दिग्दर्शक श्रीराम राघवन यांच्याबरोबर काम करण्याचे माझे पहिल्यापासून स्वप्न होते. ते...

PIF-Award
निहलानी, प्रभावळकर, लक्ष्मण यांचा गौरव (व्हिडिओ)

पुणे - पुणे फिल्म फाउंडेशन व महाराष्ट्र शासनाच्या समन्वयाने आयोजित करण्यात येणाऱ्या पुणे आंतरराष्ट्रीय चित्रपट महोत्सवाचे अर्थात ‘पिफ’चे ज्येष्ठ...

मुंबईतील रॅपर डिवाइनच्या प्रवासावरील 'गली बॉय'चा ट्रेलर प्रदर्शित (व्हिडिओ)

मुंबई- अभिनेता रणवीर कपूरच्या 'सिम्बा' आणि आलियाच्या 'राजी' या दोन दमदार चित्रपटानंतर आता पहिल्यांदाच ही जोडी एकत्र झळकणार आहे. 'गली बॉय' या...

shabana-azmi
नसीरुद्दीन शाह देशद्रोही नाहीत - शबाना आझमी

मुंबई - तुम्ही जेव्हा तुमच्या देशावर प्रेम करता, तेव्हाच देशात जाणवणाऱ्या त्याच्या उणिवा मांडता. प्रत्येकाला स्वत:चे विचार मांडण्याचा अधिकार आहे....

...तर मी यापेक्षाही उत्तम काम केले असते : विक्रम गोखले

पुणे : "मी प्रकाशात राहावं म्हणून माझ्यासाठी पडद्यामागे काम करणाऱ्या अनेक लोकांचा आज सन्मान होत आहे, याचा मला आनंद आहे. देशभरातील लोकांनी माझ्या...