Sections

हुंडा नको मामा! मला फक्त मुलगी द्या..!!

खंडू मोरे |   मंगळवार, 1 मे 2018
representational image

खामखेडा (नाशिक) : शहरासह ग्रामीण भागात तरुणांच्या विवाहाचा प्रश्‍न दिवसेंदिवस गंभीर होत चालला आहे. कर्तबगार व नोकरदारांचेच विवाह योग्य वयात होऊ लागले आहेत. उच्च शिक्षण घेऊन सुखी संसाराची स्वप्ने बाळगून असलेले बेरोजगार तरुण पस्तीशी पार करू लागले, तरीही लग्नाच्या बाजारात त्यांना कोणीही विचारायला तयार नाही. काहीही असो.. वधूपित्याला चांगले दिवस आले आहेत, तर विवाहइच्छुक तरुणांवर 'हुंडा नको, मामा! फक्त पोरगी द्या मला..'  असे म्हणण्याची वेळ आलेली आहे. 

खामखेडा (नाशिक) : शहरासह ग्रामीण भागात तरुणांच्या विवाहाचा प्रश्‍न दिवसेंदिवस गंभीर होत चालला आहे. कर्तबगार व नोकरदारांचेच विवाह योग्य वयात होऊ लागले आहेत. उच्च शिक्षण घेऊन सुखी संसाराची स्वप्ने बाळगून असलेले बेरोजगार तरुण पस्तीशी पार करू लागले, तरीही लग्नाच्या बाजारात त्यांना कोणीही विचारायला तयार नाही. काहीही असो.. वधूपित्याला चांगले दिवस आले आहेत, तर विवाहइच्छुक तरुणांवर 'हुंडा नको, मामा! फक्त पोरगी द्या मला..'  असे म्हणण्याची वेळ आलेली आहे. 

पाच वर्षांपासून परिस्थिती बदलत चालली आहे. रोजगार उपलब्ध होत नसल्यामुळे बेरोजगार युवकांच्या फौजा वाढत आहेत. जमिनीचे तुकडे कमी कमी होत चालले, नोकरी नाही, त्यामुळे विवाहयोग्य वय होऊनही घरी विवाहासाठी वधूपिता फिरकेना, अशी वेळ गावागावातील अनेक तरुणांवर आली आहे. साधी विचारपूसदेखील कोणी करत नाही. पस्तिशी पार होऊनही विवाह होत नसल्याने तरुणाई व्यसनाच्या आहारी जाऊ लागली आहे. विवाह वंचित तरुणांच्या टोळकी सध्या सर्वत्र वावरतांना नजरेस पडू लागल्या आहेत.

शिक्षणात मुली ठरताहेत अग्रेसर सध्या मुलींच्या शिक्षणाबाबत पालकांमध्ये जागरूकता आलेली आहे. दहा-पंधरा वर्षांपूर्वी 'मुलगी हे परक्‍या घरचे धन' आणि 'चूल आणि मूल सांभाळण्यासाठी' अशी मुलीच्या बाबतीत धारणा होती. त्यामुळे तिच्या शिक्षणाकडे गांभीर्याने पाहिले जात नसे. परंतु काळ बदलला आणि मुलांच्या तुलनेत मुली शिक्षणात अग्रेसर राहू लागल्या. विवाहयोग्य वयात आल्यानंतर मुली 'आपल्यापेक्षा कमी शिकलेला नवरा नको बाई' असे हक्काने आईला म्हणू लागल्या आहेत.

एवढे परिवर्तन समाजात घडले आहे. त्यामुळे शिक्षकाची पत्नी शिक्षिका, डॉक्‍टरची पत्नी डॉक्‍टर, प्राध्यापकाची पत्नी प्राध्यापिका, परिचारकाची पत्नी परिचारिका, असे चित्र आज अनेक ठिकाणी बघायला मिळत आहे. 

हुंडा नको, मामा! फक्त पोरगी द्या मला.. हॉटेल, पानटपरी, ढाबे, परमीट रूम आदी ठिकाणी तरुणाई मित्र-मंडळींशी मनातील दुःख व्यक्त करू लागली आहे. एवढा हुंडा व अमुक तोळे सोने घेतल्याशिवाय विवाह जमणार नाही, अशी भूमिका घेणाऱ्या वरपित्याला आज फुकटात कोणी पोरगी देतो का? असे म्हणत मुलगी शोधण्याची वेळ आलेली आहे. तर आपल्या बापापुढे जात  ''हुंडा नको, मामा  फक्त पोरगी द्या मला ‘‘ अशी विनवणी विवाह इच्छुक तरुणांकडून  थेट वधूपित्याकडे होताना दिसत आहे.

Web Title: Unemployment leading to delayed marriages in rural India

टॅग्स

संबंधित बातम्या

छोट्यांचे मोठे यश

छोट्यांचे मोठे यश नागपूर : छोटा बच्चा जान के हमसे ना टकराना रे... असं म्हणणाऱ्या लिटल जीनिअसची संख्या समाजात वाढली आहे. नागपूरमध्येही अशा मास्टर...

File photo
बालक दिनाचे काय पुसता...भुकेचे काय ते बोला?

बालक दिनाचे काय पुसता...भुकेचे काय ते बोला? नागपूर : "घर से मस्जिद है बहुत दूर...चलो यूँ कर लें, किसी रोते हुये बच्चे को हंसाया जाये...' या उर्दू...

चिकलठाणा विमानतळावर एक कोटी रुपयांचे तीन किलो सोने जप्त

औरंगाबाद  : चिकलठाणा आंतरराष्ट्रीय विमानतळावर सायंकाळी दिल्लीहून आलेल्या विमानातील एका प्रवाशाचा ताब्यातुन कस्टम विभागाच्या अधिकाऱ्यांनी तीन...

pune.jpg
आंबेगाव-शिरूरमध्ये भीषण पाणी टंचाई

मंचर : ''आंबेगाव- शिरूर विधानसभा मतदार संघात दुष्काळी परिस्थितीमुळे २२ गावांमध्ये पिण्याच्या पाण्याची भीषण टंचाई निर्माण झाली आहे. सदर...

44crime_logo_525_1.jpg
तिच्या हाताची नस कापून केला आत्महत्येचा प्रयत्न

पिंपरी (पुणे) : लिव्ह इन रिलेशनशीपमधून विभक्त झालेल्या तरूणीच्या हाताची नस चाकूने कापून जीवे मारण्याचा प्रयत्न तिच्या प्रियकराने केला. तसेच स्वतःच्या...

Marriage-Package
लग्न सोहळ्यांसाठी ‘पॅकेज’ला पसंती

जळगाव - विवाह सोहळा हा प्रत्येकाच्या आयुष्यातील अविस्मरणीय क्षणांपैकी एक मानला जातो. हा सोहळा आता केवळ विधींपुरताच मर्यादित राहिला नसून, लग्नाकडे ‘...