Sections

रमेश कराड यांची उमेदवारी मागे; राष्ट्रवादीला जबर धक्का

सयाजी शेळके |   सोमवार, 7 मे 2018
Ramesh Karad

ज्या उमेदवाराला दोन दिवसांपूर्वी पक्षात घेतले, त्या राष्ट्रीय पक्षाला त्याची अधिकृत उमेदवारी मागे घ्यावी लागते, यापेक्षा दुसरी नामुष्की कुठली असू शकते.     
- सुरेश धस, उमेदवार, भाजप.

उस्मानाबाद : उस्मानाबाद- लातूर- बीड स्थानिक स्वराज्य संस्था मतदारसंघातून रमेश कराड यांनी उमेदवारी मागे घेत राष्ट्रवादी काँग्रेसला जबर धक्का दिला आहे. कराड यांनी राष्ट्रवादी काँग्रेसकडून उमेदवारी दाखल केली होती. 

उमेदवारी अर्ज मागे घेण्याची अंतिम मुदत सोमवारी (ता. सात) दुपारी तीनपर्यंत होती. कराड दुपारी अडीचच्या सुमारास जिल्हाधिकारी कार्यालयात आले. त्यांच्यासमवेत भाजपचे प्रदेश सरचिटणीस सुजितसिंह ठाकूर होते. कराड यांनी उमेदवारी अर्ज मागे घेण्याचे सूचनापत्र दाखल केले. उमेदवारी मागे घेतल्याचे कराड यांनी पत्रकारांशी बोलताना सांगितले. उमेदवारी अर्ज मागे घेतला असून, थोड्याच दिवसात याबाबत माझी भूमिका स्पष्ट करेन, असे कराड यांनी सांगितले.  

कराड यांनी दोन मे रोजीच भारतीय जनता पक्षातून राष्ट्रवादी काँग्रेसमध्ये प्रवेश केला होता. त्यानंतर पक्षप्रवेशाच्या वेळीच राष्ट्रवादी काँग्रेसकडून त्यांची उमेदवारी जाहीर करण्यात आली आणि त्याच दिवशी त्यांनी उमेदवारी अर्जही दाखल केला होता. मात्र सोमवारी त्यांनी उमेदवारी अर्ज मागे घेतला आहे. त्यामुळे राजकीय चर्चेला उधाण आले आहे. 

या मतदारसंघातून राष्ट्रवादी काँग्रेसकडून श्री. कराड, भारतीय जनता पक्षाकडून सुरेश धस यांनी उमेदवारी दाखल केली होती. राष्ट्रवादी काँग्रेसचे अशोक जगदाळे यांनी बंडखोरी करीत उमेदवारी अर्ज दाखल केला होता. याशिवाय अन्य चार जणांनी अपक्ष म्हणून उमेदवारी अर्ज दाखल केले होते. सोमवारी श्री. जगदाळे वगळता उर्वरित चौघांनी दुपारी दोनपूर्वी उमेदवारी अर्ज मागे घेतले. त्यानंतर अडीचच्या सुमारास श्री. कराड यांनी उमेदवारी अर्ज मागे घेतला. त्यामुळे आता निवडणूक रिंगणात भाजपचे सुरेश धस आणि अपक्ष म्हणून श्री. जगदाळे हे आहेत.

ज्या उमेदवाराला दोन दिवसांपूर्वी पक्षात घेतले, त्या राष्ट्रीय पक्षाला त्याची अधिकृत उमेदवारी मागे घ्यावी लागते, यापेक्षा दुसरी नामुष्की कुठली असू शकते.     - सुरेश धस, उमेदवार, भाजप.

Web Title: NCP candidate Ramesh Karad withdraw nomination in legislative council election

टॅग्स

संबंधित बातम्या

काँग्रेसचा सर्व लोकसभा मतदारसंघांचा आढावा

मुंबई : आगामी लोकसभा निवडणुकांमध्ये कॉंग्रेस, राष्ट्रवादी आघाडीनेच लढणार असल्याचे निश्‍चित झालेले असले तरी कॉंग्रेसने राज्यातील सर्वच्या सर्व 48...

पोलिस उपनिरीक्षकावर लैंगिक छळाचा आरोप 

नवी मुंबई : नवी मुंबई पोलिस दलात कार्यरत असलेल्या महिलेने पोलिस उपनिरीक्षकावर लैंगिक छळाचा आरोप करून सीबीडी पोलिस ठाण्यात बलात्काराचा गुन्हा...

इंदापुरातील सुमारे चार किमी रस्त्याचेे भूमिपूजन

इंदापूर : मुख्यमंत्री ग्रामसडक योजनेतून मौजे बेडशिंग ते भाटनिमगाव या सुमारे साडेतीन किलोमीटर लांबीच्या तसेच एक कोटी 65 लाख 28...

vajreshvari.
वज्रेश्वरी योगिनी देवी संस्थानामध्ये सव्वातीन कोटींचा अपहार

वज्रेश्वरी - भिवंडी तालुक्यातील श्री वज्रेश्वरी योगिनी देवी संस्थानात जवळपास सव्वा तीन कोटी रुपयांच्या अपहार झाला आहे. या प्रकरणी विश्वस्थ...

'पन्नास लाख तरुणांपर्यंत पोहोचण्याचे भाजपा युवामोर्चाचे प्रयत्न'

हिंगोली- राज्यात भाजपा तर्फे आयोजित सीएम चषकाच्या माध्यमातून 75 दिवसांमधे पन्नास लाख तरुणांपर्यंत पोहोचण्याचे प्रयत्न असून त्यांना पक्षासोबत...

Chandrakant Patil
मराठा आरक्षणासाठी वकिलांची फौज उभी करू : चंद्रकांत पाटील

फुलंब्री : संपूर्ण महाराष्ट्रभर चर्चेचा विषय ठरलेला मराठा आरक्षण देण्यासाठी मागासवर्ग आयोगाचा अहवाल अनुकूल असून त्यावर अभ्यास सुरु आहे. मागासवर्ग...