Sections

भाजपच्या गुगलीने शिवसैनिक संभ्रमात

सकाळ न्यूज नेटवर्क |   बुधवार, 18 एप्रिल 2018
Shivsena-Bjp

मुंबई - सत्तास्थापनेनंतर सतत शिवसेनेसोबत सापत्नभावाने वागणाऱ्या भाजपने अकस्मात युतीची जाहीर भाषा सुरू केल्याने सामान्य शिवसैनिक संभ्रमात पडल्याचे चित्र आहे. भाजपचे हे युतीप्रेम केवळ "गुगली' असल्याची भावना शिवसेना नेते व शिवसैनिक व्यक्‍त करत असून, या वेळी भाजपच्या डावपेचाला बळी पडणार नसल्याचे संकेत शिवसेनेचे पक्षप्रमुख उद्धव ठाकरे यांनी नेत्यांना दिले आहेत.

मुंबई - सत्तास्थापनेनंतर सतत शिवसेनेसोबत सापत्नभावाने वागणाऱ्या भाजपने अकस्मात युतीची जाहीर भाषा सुरू केल्याने सामान्य शिवसैनिक संभ्रमात पडल्याचे चित्र आहे. भाजपचे हे युतीप्रेम केवळ "गुगली' असल्याची भावना शिवसेना नेते व शिवसैनिक व्यक्‍त करत असून, या वेळी भाजपच्या डावपेचाला बळी पडणार नसल्याचे संकेत शिवसेनेचे पक्षप्रमुख उद्धव ठाकरे यांनी नेत्यांना दिले आहेत.

प्रत्येक मतदारसंघात शिवसेना पदाधिकाऱ्यांना युतीबाबत कोणत्याही संभ्रमात राहू नका, असे निरोप पक्षनेत्यांनी दिल्याचे सूत्रांनी सांगितले.

आगामी लोकसभा निवडणुकीसाठी युती व्हावी, अशी भाजप व शिवसेनेच्या खासदारांची प्रामाणिक भावना असल्याचे सांगण्यात येते. मात्र लोकसभा आणि विधानसभा एकत्र झाली, तरच भाजपसोबत युती करण्याबाबत विचार व्हावा, असे काही शिवसेना नेत्यांचे मत आहे.

एकदा लोकसभेसाठी युती केली, तर नंतर भाजप विधानसभेसाठी युती करण्याची खात्री नसल्याचे अनेक शिवसेना नेत्यांना वाटते. भाजपच्या युतीबाबतच्या भूमिकेने शिवसेनेच्या नेत्यांमध्ये तर्कवितर्क सुरू आहेत. राज्यात स्थानिक पातळीवर शिवसैनिक व भाजप कार्यकर्त्यांमध्ये संघर्ष सुरू आहे. हे दोन्ही मित्रपक्षांचे स्थानिक कार्यकर्ते परस्परांना नंबर एकचे शत्रू मानत असताना युतीचा निर्णय झाला, तर अनेक शिवसैनिक फारकत घेत बंड करतील, अथवा इतर पक्षांचा पर्याय निवडतील, असेही काही शिवसेना नेत्यांचे मत आहे. त्यामुळे शिवसैनिकांना संभ्रमात टाकून राजकीय अस्थिरता निर्माण करण्याच्या भूमिकेतूनच भाजपने युतीची गुगली टाकल्याची भावना एका शिवसेना नेत्याने व्यक्‍त केली.

मात्र उद्धव ठाकरे यांनी युतीबाबत अजिबात चर्चा करण्याची तयारी नसल्याचे काही मोजक्‍या शिवसेना नेत्यांना कळवले असून, प्रत्येक मतदारसंघात स्वबळावरच तयारीला लागण्याचे निरोप दिल्याचे सूत्रांनी स्पष्ट केले.

Web Title: BJP Shivsena shivsainik confuse politics

टॅग्स

संबंधित बातम्या

आमदार सदानंद चव्हाण हॅट्ट्रिक करणार - उदय सामंत

चिपळूण - आमदार सदानंद चव्हाण यांचा जनसंपर्क आणि कामाचा आवाका जिल्ह्यातील पाचही आमदारांमध्ये सर्वाधिक असल्याने ते विजयाची हॅट्ट्रिक साधतील....

पडळकर - देशमुख यांची बंद खोलीत चर्चा

आटपाडी - युवा नेते गोपीचंद पडळकर आणि राष्ट्रवादीचे तालुका अध्यक्ष हणमंतराव देशमुख यांची दिघंची येथे बंद खोलीत चर्चा झाली. श्री. पडळकर यांनी...

police
आता भाजपला नारळ देणार; कार्यकर्त्यांची घोषणाबाजी

पुणे : डीजेला बंदी असल्याचा राग अनेक मंडळांना अनावर झाला आणि कार्यकर्त्यांनी सत्ताधारी भाजपविरोधात जोरदार घोषणाबाजी केली.  गणपती विसर्जन...

उतरणीकडे वाटचाल (शेखर गुप्ता)

देशाचे सारथ्य करण्यासाठी बुद्धिवंतांचा सल्ला घेणे श्रेयस्कर ठरते, हा आतापर्यंतचा अनुभव आहे. मोदी सरकारकडे बौद्धिक भांडवलाचीच नेमकी वानवा आहे. यामुळेच...

गोव्यात खातेवाटपाचा तिढा कायम

पणजी - मुख्यमंत्रीपदी मनोहर पर्रीकर कायम राहतील असा निर्णय भाजपचे राष्ट्रीय अध्यक्ष अमित शहा यांनी घेतला असला तरी राजकीय तिढा खातेवाटपाच्या रूपाने...