Sections

उत्पादन घटल्याने हापूसला सोन्याचा भाव

सकाळ वृत्तसेवा |   सोमवार, 19 मार्च 2018

रत्नागिरी - उन्हाचा कडाका असला तरीही गुढी पाडव्याच्या मुहूर्ताला वाशीसह पुणे बाजारात हापूसचा तुटवडाच आहे. उत्पादनच कमी असल्याने दरही चढेच असून पुण्यात नगाला दीडशे ते दोनशे रुपये मोजावे लागत आहेत.

रत्नागिरी - उन्हाचा कडाका असला तरीही गुढी पाडव्याच्या मुहूर्ताला वाशीसह पुणे बाजारात हापूसचा तुटवडाच आहे. उत्पादनच कमी असल्याने दरही चढेच असून पुण्यात नगाला दीडशे ते दोनशे रुपये मोजावे लागत आहेत.

ऐन पाडव्यात आंब्याला सोन्याचा भाव आहे. पाडव्याच्या पूर्वसंध्येला वीस हजार पेटी वाशीत दाखल झाली होती. शासकीय सुटी असल्याने अनेक बागायतदारांनी रविवारी (ता. १८) वाशीला आंबा पाठविणे पसंत केले आहे; परंतु तो मालही पन्नास टक्‍केच असेल अशी शक्‍यता आहे.

मुहूर्त साधण्यासाठी अनेक बागायतदार एकाचवेळी आंबा पाठवितात. आवक वाढली की त्याचा दरावर परिणाम होतो. - प्रसन्न पेठे, बागायतदार

साडेतीन मुहूर्तापैकी एक म्हणून गुढी पाडव्याची ओळख आहे. पंधरा वर्षांपूर्वी हाच मुहूर्त धरुन बागायतदार आंबा मुंबईच्या बाजारात पाठवित होते. त्यानंतर खऱ्या अर्थाने हंगामाला सुरवात होई. बागायदारांमधील वाढती स्पर्धा आणि आंबा लवकर गेला की दर चांगला मिळतो या आशेमुळे वाशीतील हापूसची आवक फेब्रुवारीतच होऊ लागली आहे. त्यात निसर्गाची चक्रेही फिरल्याने पोषक स्थिती निर्माण होत आहे. गेले काही वर्षे सुरू असलेले चक्र यावर्षी थांबले आहे. 

रविवारी सुटी असल्याने माल कमी आला आहे. सोमवारी आवक वाढेल; मात्र गतवर्षीच्या तुलनेत पन्नास टक्‍के आवक घटली आहे. दक्षिणेकडील आंबाही कमी असल्याने त्याचा हापूसला फायदा होईल. -संजय पानसरे, वाशी

मागील पंधरा वर्षात प्रथमच पाडव्याच्या मुहूर्तावर बाजारात तयार आणि कच्च्या मालाचा तुटवडा आहे. फेब्रुवारीमध्ये माल पंचवीस टक्‍केच आंबा गेला. मार्चमध्येही गतवर्षीच्या तुलनेत पन्नास टक्‍केच आवक झाली आहे. सुरवातीला मिळालेला पेटीचा दर आजही कायम आहे. वाशी पाठोपाठ पुण्यातही आंब्याला चांगले मार्केट मिळत आहे. सध्या पुण्यात ग्राहकांना आंब्यासाठी अधिकचे पैसे मोजावे लागत आहेत. डझनाला १८०० ते दोन हजार रुपये मोजावे लागत आहेत. चार ते सहा डझनाची पेटी ४ ते ६ हजार रुपयांपर्यंत विकली जात आहे. नगाला दीडशे ते दोनशे रुपये आंबा मोजावे लागत असल्याचे व्यापाऱ्यांकडून सांगितले जात आहे.

 

Web Title: Ratnagiri News less production of Hapus issue

टॅग्स

संबंधित बातम्या

Superhero superhero! (Forward)
सुपरहिरोंचा सुपरबाप! (अग्रलेख)

बालदिनाच्या उंबरठ्यावरच विख्यात कल्पनाकार स्टॅन ली यांच्या निधनाची बातमी यावी, ही बाब चुटपुट लावणारी आहे. जगातील जवळपास सर्वच देशांतील चार पिढ्यांचे...

मुख्यमंत्री, वरिष्ठ अधिकाऱ्यांना बोलवा - ॲड. प्रकाश आंबेडकर

पुणे - कोरेगाव भीमा हिंसाचारप्रकरणी पुणे ग्रामीण पोलिसांनी सर्वोच्च न्यायालयात दिलेले प्रतिज्ञापत्र आणि शहर पोलिसांचा तपास एकमेकांच्या विरुद्ध...

टंचाई आराखड्यातील कामे सुरू करा

पुणे - जिल्ह्यातील संभाव्य पाणीटंचाईवर प्रभावी उपाययोजना करण्यासाठी आतापासूनच काटेकोर नियोजन करावे, त्यासाठी टंचाई आराखड्यातील प्रस्तावित कामे...

File photo
भारत-ऑस्ट्रेलिया "वनडे' महागणार

भारत-ऑस्ट्रेलिया "वनडे' महागणार नागपूर : राज्य सरकारने विशेष पोलिस बंदोबस्त शुल्कात वाढ केल्यामुळे मार्चमध्ये नागपुरात होणाऱ्या ऑस्ट्रेलिया-भारत...

उतारवयाला बस स्थानकाचा आधार

पुणे - ‘‘मुलांनी घरातून काढून टाकले. म्हणून एसटी स्टॅंडवर येऊन राहतो. माझ्यासारख्या कित्येक जणांना हा एसटी स्टॅंड आसरा बनला आहे. मुले सांभाळत नाहीत...

अंगणवाडी सेविकांच्या सेवा समाप्तीचे वय ६५ वर्षे

मुंबई - राज्यातील अंगणवाडी सेविका, मिनी अंगणवाडी सेविका आणि मदतनीस यांचे सेवा समाप्तीचे वय ६० वरून ६५ वर्षे करण्यास मंगळवारी झालेल्या मंत्रिमंडळ...