Sections

होळी रे होळी... यंदाही करू इको फ्रेंडली..!

सकाळ वृत्तसेवा |   मंगळवार, 27 फेब्रुवारी 2018

कोल्हापूर - ‘होळी लहान करू- पोळी दान करू’ ही चळवळ आता अधिक व्यापक झाली आहे. यंदाही पर्यावरणपूरक होळीवर भर दिला जाणार आहे. विविध संस्थांनी त्यासाठी पुढाकार घेतला. त्याशिवाय शाळाशाळांतील हरित सेनांच्या माध्यमातून जिल्ह्याच्या ग्रामीण भागातही केवळ पोळीदानच नव्हे, तर शेणी संकलित करून ग्रामपंचायतीकडे दिल्या जाणार आहेत. 

कोल्हापूर - ‘होळी लहान करू- पोळी दान करू’ ही चळवळ आता अधिक व्यापक झाली आहे. यंदाही पर्यावरणपूरक होळीवर भर दिला जाणार आहे. विविध संस्थांनी त्यासाठी पुढाकार घेतला. त्याशिवाय शाळाशाळांतील हरित सेनांच्या माध्यमातून जिल्ह्याच्या ग्रामीण भागातही केवळ पोळीदानच नव्हे, तर शेणी संकलित करून ग्रामपंचायतीकडे दिल्या जाणार आहेत. 

एकट्या कोल्हापूर शहरातच प्रत्येक वर्षी किमान ६० हजार घरगुती आणि चार ते पाच हजारांवर सार्वजनिक होळ्या होतात. मात्र, पूर्वी भल्या मोठ्या होणाऱ्या होळीची उंची आता कमी झाली असून, परंपरा म्हणून लहान होळी साजरी करायची आणि उर्वरित शेणी पंचगंगा स्मशानभूमीला दान करण्याची नवी परंपरा या निमित्ताने अधिक सजगपणे पुढे आली. 

१३ वर्षांपूर्वी २००५ मध्ये स्मशानभूमीला तीन लाखांवर शेणी दान झाल्या होत्या. त्यानंतर कमी-अधिक प्रमाणात या उपक्रमाला प्रतिसाद मिळाला; पण सहा-सात वर्षांपासून पुन्हा या उपक्रमाला मोठा प्रतिसाद मिळू लागला. २०११ मध्ये ५८ हजारांवर शेणी दान झाल्या. त्यानंतर सलग दोन वर्षे हा आकडा लाखाच्या आसपास राहिला. २०१४ मध्ये एकट्या महालक्ष्मी अन्नछत्र सेवा ट्रस्टनेच एक लाख अकरा हजार शेणी स्मशानभूमीस दिल्या; तर २०१५ पासून किमान दीड लाखावर शेणी दान झाल्या. गेल्या वर्षी विविध संस्था, संघटना आणि सेवाभावी व्यक्तींनी पंचगंगा स्मशानभूमीकडे एकूण दोन लाख ७३ हजार ७६४ इतक्‍या शेणी सुपूर्द केल्या. 

मोफत अंत्यसंस्कार महापालिकेतर्फे मोफत अंत्यसंस्कार होतात. एका अंत्यसंस्कारासाठी किमान ४०० शेणी, १२० किलो लाकूड लागते. स्मशानभूमीत रोज सरासरी १० ते १५ अंत्यसंस्कार होतात.

रस्त्यांची खबरदारी... शहरातील विविध चौकांत सार्वजनिक होळी साजरी केली जाते. मात्र, मुळात यातील बहुतांश रस्त्यांना डांबर लागते, ते ‘मार्च एंडिंग’च्या पूर्वी आठ-दहा दिवस अगोदर. याच काळात होळीचा सण येत असल्याने अनेक मंडळांनी होळी लहान करण्याचा निर्णय घेतला आहे. मोठ्या होळीमुळे रस्त्यात खड्डे पडतात आणि पुढे पावसाळ्यात हेच खड्डे अनेकांचे कंबरडे मोडतात, हा अनुभवही त्यामागे आहे. गुरुवारी (ता. १) सर्वत्र होळीचा सण साजरा होणार आहे.

Web Title: Kolhapur News EcoFriendly holi

टॅग्स

संबंधित बातम्या

mumbai
...तर , कृत्रिम प्राणवायू विकत घेऊन जगावे लागेल      

डोंबिवली : चांगली संवर्धन केलेली झाडे मोठ्या प्रमाणावर भस्मसात झाली ही घटना नक्कीच निंदनीय आहे. आपल्या पुढील पिढ्यांच्या भवितव्यासाठी आपण...

शेतकऱ्यांच्या विम्यावर कंपन्या मालामाल

सोलापूर : मागील दोन वर्षांत राज्यातील 20 लाख 28 हजार शेतकऱ्यांनी रब्बीसाठी पीकविमा भरला. मात्र, त्यापैकी फक्‍त सहा लाख 27 हजार शेतकरीच भरपाईसाठी...

'मुख्यमंत्रीपदाचा चेहरा मीच"

पणजी- मुख्यमंत्रीपदाचा आपण उमेदवार आहे असे सांगून राष्ट्रीय स्वयंसेवक संघाचे माजी प्रांत संघचालक सुभाष वेलिंगकर यांनी राजकीय चर्चेला पूर्णविराम दिला...

shriram pawar
पुन्हा तालिबान... (श्रीराम पवार)

रशियाच्या पुढाकारानं "मॉस्को फॉरमॅट'च्या नावाखाली अफगाणिस्तानातल्या शांततेसाठी झालेल्या बैठकीत पहिल्यांदाच अफगाणिस्तान सरकारनं पाठवलेले प्रतिनिधी आणि...

samir abhyankar
गाण्यात इतरांची नक्कल नको (समीर अभ्यंकर)

शास्त्रीय असो वा उपशास्त्रीय सादरीकरण, श्रोत्यांना निराळं काहीतरी ऐकवण्यासाठी मी नेहमीच उत्सुक असतो. गाण्यात इतरांची नक्कल नसावी, स्वतःची अशी...

राज्यात प्रथमच पंढरपूरमध्ये तीर्थक्षेत्र पोलिसिंग

पंढरपूर- राज्यात प्रथमच पंढरपुरात कार्तिकी यात्रेच्या निमित्ताने तीर्थक्षेत्र पोलिस हा नवा उपक्रम पोलिसांच्या माध्यमातून आज सुरू करण्यात आला....