Sections

नवरा शेतकरीच हवा... तो कष्टाळू, निर्व्यसनी हवा

राजकुमार चौगुले |   सोमवार, 9 एप्रिल 2018
मलिकवाड, जि. बेळगाव - फक्त शेतकरी नवरा निवडीसाठी झालेल्या शेतकरी वधू-वर मेळाव्यात अपेक्षा व्यक्त करताना एक तरुणी.

मी बी. ई. इलेक्ट्रिकल केले आहे; पण मी शेतकऱ्याशीच लग्न करणार आहे. शेतकऱ्याला वर्षाला कमी रक्कम मिळत असली तरी त्याच्याकडे असणारी संस्कराची शिदोरी ही माझ्या दृष्टीने महत्त्वाची आहे. तो जास्तीत जास्त उत्पादन घेणारा असावा एवढीच माझी अट आहे.
- श्वेता पाटील, बाहुबली, जि. कोल्हापूर

मलिकवाड, जि. बेळगाव (कर्नाटक) - माझं नाव...आहे. मी बी. कॉम झाले आहे. मला शेतकरी नवराच हवा. किमान ५ एकर तरी शेती हवी, तो प्रगतिशील आणि कष्टाळू हवा... त्याचे उत्पन्न चांगले हवे, तो निर्व्यसनी हवा... अशा अपेक्षांनी येथे ‘वर’ म्हणून फक्त शेतकरी मुलगा निवडीसाठी झालेला पहिला ऐतिहासिक शेतकरी वधू-वर मेळावा झाला.

महाराष्ट्र व कर्नाटकातील सुमारे ३८० मुलींनी शेतकरी ‘वर’ कसा असावा याबाबत अपेक्षा व्यक्त करत शेतकरी नवऱ्यासाठी पसंती दाखवली. येथील दिगंबर जैन मंदिराच्या पुढाकाराने या मेळाव्याचे आयोजन करण्यात आले. या मेळाव्यासाठी दोन्ही राज्यांतील सुमारे ९५० इच्छुक शेतकरी वरांनी नोंदणी केली. एक एकरापासून शंभर एकर क्षेत्र असलेल्या मुलांनी यात सहभाग घेतला. लग्नाच्या बाजारात शेतकरी वराला प्रतिष्ठा मिळवून देण्याचा हा प्रयत्न यानिमित्ताने करण्यात आला. 

श्री १००८ मुनीसुवृत्तनाथ जैन मंदिर, विराचार्य पतसंस्था बेडकिहाळ, वीर सेवा दल, वीर महिला मंडळ, यांच्या संयुक्त विद्यमाने या मेळाव्याचे आयोजन करण्यात आले. जैन समाजाने पुढाकार घेऊन हा मेळावा घेतला. एवढ्यावरच न थांबता जे अपंग, अनाथ, गरीब मुले मुली असतील, तर मंदिर कमिटी लग्नाचा सर्व खर्च करणार असल्याची घोषणा या वेळी मालिकवाड मंदिर कमिटीने या वेळी केली.

आज फक्त शेतकऱ्यांसाठी हा मेळावा घेऊन संयोजकांनी आमच्यासारख्या विवाह इच्छुक मुलांमध्ये एक नवा उत्साह आणला आहे. - मयूर देसाई, नरंदे, जि. कोल्हापूर

शेतकरी सुखी तर जग सुखी हे वाक्य मी माझ्या आयुष्यातही अमलात आणले आहे. कष्ट करणाऱ्या शेतकऱ्याला लग्न ठरताना प्रतिष्ठा मिळाली पाहिजे. हे केवळ बोलून न दाखवता मी शेतकरी मुलाशी लग्न करून एक चांगला संदेश देणार आहे. - प्राजक्ता बिरादर, कुपवाड, जि. सांगली

आजच्या युगात लग्न करून बाहेर नोकरीला जायचे आणि आई वडिलांना तसेच त्यांच्या हलाखीच्या स्थितीत टाकून जायचे, अशी उदाहरणे आहेत. शेतकऱ्यांशी लग्न झालयास आई वडिलांची सेवाही करण्याचे संस्कार यातून घडू शकतात, हाही या मेळाव्यामागचा उद्देश आहे. आम्ही दोन्ही राज्यांतील ७२ गावांमध्ये महिला मंडळाची वधू-वर जागृती बैठक घेतली. त्याला चांगला प्रतिसाद मिळाला. - रावसाहेब कुनुरे, संयोजक

दीडशे वधू-वरांची प्राथमिक बोलणी रविवारी सकाळी सुरू झालेला हा मेळावा सायंकाळी सहा वाजेपर्यंत सुरू होता. वधू-वर परिचयातून सुमारे दीडशे वधू-वरांनी प्राथमिक बोलणी जागीच करून लग्न ठरण्याच्या दृष्टीने पुढचे पाऊल टाकले. मेळाव्यासाठी संजय कुनुरे, श्रेणिक भेंडीकटगे, अशोक भेंडीकटगे, विजय चिंचवाडे, बाळासाहेब पाटील, महेंद्र पाटील, राजू पाटील, संजय पाटील, प्रवीण पाटील आदींनी परिश्रम घेतले.

Web Title: agro news farmer husband girl

टॅग्स

संबंधित बातम्या

पंचावन्न हजार शिधापत्रिका होणार डिलीट!

सातारा - सलग तीन महिने स्वस्त धान्य न घेतल्याने त्या शिधापत्रिकांवरील धान्य बंद करण्याचा निर्णय शासनाने घेतला आहे. सातारा जिल्ह्यात ऑगस्ट, सप्टेंबर,...

maratha kranti morcha
मराठा आरक्षणाच्या उंबरठ्यावर... (अग्रलेख)

राज्य मागास आयोगाच्या शिफारशींनुसार मराठा समाज आरक्षणास पात्र ठरला असला, तरी ते स्वतंत्र द्यायचे की कसे, किती टक्के आणि महत्त्वाचे म्हणजे ते...

muktapeeth
घरचे कार्य! (ढिंग टांग)

गेले दोन-तीन आठवडे आम्हाला महाराष्ट्रातील राजकारणाकडे तितकेसे लक्ष देता आले नाही, ह्याबद्दल दिलगीर आहो. घरात मंगलकार्य निघाल्यामुळे लगीनघाईच्या...

sanatkumar kolhatkar
अरब देशांचे इस्राईलशी वाढते साहचर्य

अरब देशांबरोबरील वर्षानुवर्षांचे वैमनस्य विसरून इस्राईल आता अधिकाधिक अरब देशांबरोबर मैत्रीचे संबंध प्रस्थापित करण्यासाठी प्रयत्न करीत आहे. अनेक अरब...

लग्नाच्या चार दिवस आधिच मुलीच्या वडिलांची आत्महत्या 

औरंगाबाद : मुलीच्या लग्नाला अवघे चार दिवस बाकी असताना पित्याने गळफास लावून आत्महत्या केल्याची गंभीर घटना बुधवारी (ता. 14) रात्री घडली. नागेश...

असा झाला दीप-वीर लग्नसोहळा !

दीपिका पादुकोण आणि रणवीर सिंगच्या लग्नाचे फोटो पाहण्यासाठी कालपासून त्यांचे चाहते आसूसले होते. आपल्या चाहत्यांची प्रतीक्षा संपवत रणवीर-दीपिकाने...